E P O N A N I A P E D O R I A
E O N G A J A U T K O M A M
A B U O N O K I N ?
Epone no Ipedoro ijo Amunokin Akon Aitajario
F. Wayne Mac Leod
Light To My Path Book Distribution
Copyright © 2024 F. Wayne Mac Leod
Eponani Apedoria Eong Ajaut Komam abuonokin?
Apedorosio nu igirunitai okaru © 2009 ejakait F. Wayne Mac Leod
Kitolomunit erionget loka aica naka erot ka akoranario na itabon (Light To My Path Book
Distribution) kojasi da atutubet na 153 korot lo Atlantic, Sydney Mines, Nova Scotia, CANADA
B1V 1Y5
Apedorosio kere eyuwaritai, ido emamei adis atutubet naka eitabo kalo itolomunio komam
ekewadikan ecamakinit kotoma aiwadikaata.
Ikokoron kere dimikito arai ketijenaritai, elemunitai kaitutuket “New International Version”
ko’baibuli (kitolomunitai okaru © 1973, 1978, 1984 ka aibunget na itolomi ibaibulin kakwap kere.
Itosomao ka apedorosio nuka erionget lo Zondervan Bible Publishers, kosodi eyuwaritai).
Amalan naepol nejaasi ikasiomak nu kopotu kitogogongoto aiwadikao naka itabon kalu; LilianMac
Neil, Daine Mac Leod korai komamete, ti etiono aisiom. Ikoto da aisukunyikin amalan mama ejai
ejakait Okiror Moses kanu agangat ke na aijul eitabo lo toma angajep naka Ateso kacut ecokon
Ochuli Israel kanu akecobeu na airerior nu iwadikatai kaitogogongor angetakinio naka aswam kana,
kidar Ejakait Yesu kere, Amina.
CONTENTS
Title Page
Copyright
AINAPETA NU’KONGAREN
1 - AITAJARIO NA EPATANA
2 - AMUNO NA EMAMEI
3 - KRISTO KOTOMAKUS
4 - AJENANUT NA EKE MOYO
5 - AJENANUT NA AKE KIROT
6 - AKIRO NUENGETAKINETE
About The Author
AINAPETA
NU’KONGAREN
Erai na asioman na akou naka akirot Amuno naka Aitajario. Igeuni ijo,
kojen ebe isulai iyarei lusodit epedorete agogongu aisiom. Eyuunit eong,
kikotenen da, ebe epolok nu oni ageun keda aijen ebe ejaas iboro nu
kiminaikin oni toma numam kakes ikulepek eraas nukipedorete ainakin oni
amuno.
Eong elopete, eyuunit kipedori oni ajaut keda amuno naka aitimio ka
aitogogongete naka aijara na ikaru kere. Amuno na, kikote nen da, mam
erai kanu kisomat oni araibonat, kisomai, konye ti kotoma kangun lu kobu
Kristo kisomate ido eroko isomai kotoma wok.
Amuno ebe kotoma asioman naepatana kingarak oni awanyun Kristo ka
Ake swam kotoma oipone loitetet. Aka ailipasit, kingarak ice abongun
ajenun Nges nasodit kotoma aijar kec. Ice da, elipi koyangau amuno na idul
noi kotoma aswam Ke kosiepi kes. Kitosoma Ejakait aisisia na epatana
airiamunor ka jo kotoma oidicane ka Nges.
F. Wayne Mac Leod
1 - AITAJARIO NA
EPATANA
Bernard de Perrot kotoma oitabo ke, “Les plus Belles Pages de Finney”
ebala ebe akaisauni kotoma akwatata lu alimonokinak luepolok lukopotu
kibelokinos akaulo na airar eijiri ke D.L Moody’s, kopotu kasakitos etiting
kauyuun.Akaisakanyauni kanu kany luibelokina kotitingoto toni atwanare
lu ka Charles Finny[1]
Epol aitatam akiro nu ikamunitos ikalimonokinak lu apolok iyarei, konye
mam erai apeleikinet wok kane aitirian kes. Iticanete iboro nu imaritai,
kikoni nen da. Karai edolit De Perrot , kitoduni na ebe akaisakanyarei kanu
akwatat lu elimorete aiyuun Kristo mam engirikinete toni angetakin.
Kiyangau oni akiro nu toma apaarasia wok, oni luipu kijeni idiopediopen
kotunga lu, kadiope apaaran kotoma aijar, kopotu kolimoritos Kristo
kosodet abongor kau aijar ejare kes losek. Inyobo ejai atakanuun? Inyobo
isesenia oni aimaar namam eriana?
Ka jai eong airiamunete kokau sek, ne kabu ekeraban kingarenikina
ikapupok ke toma ailipasit naka adiakanarak na esupana. Kengetakin ailip
kobu kitogogong kes ebe eraas kes kwana iduwe luka Edeke ido, ejaas kes
keda aiboisit toma akuj. Itunga luipu,
Araun e Kristayot epatana bala alosit airiamunete naka alimonokin
araibonat, ailip ailipasit naka adiakanarak. Mam ikamuni eong erono.
Ice, aitajario epatana kwangin. Mam oni kipedori ayangaar nekabeit ebe
ngun kere nuisomaete kwangin eraas iduwe luka Edeke.
Kotoma okaru nu kijaria oni apedor eong aijukar isirigin akwapin
kotoma odakikan. Apedor eong einer keda akwapisinei kotoma
ainapakina naka akoputa ka. Ejukar eong aiwadikata ka aputosia
amairon ilukumin ketosomai elago lo itanet keboei koicolong ka.
Emamei kotoma oyemuto luka akwap ne epatanator iboro ido kopataka.
Aleleutu lemu nu toma aiyuun wok? Kimoi oni e Kristayone loepatana
ido komam elangir?
Akirot naka eijiri erai na epatana noi. Kilimokinit oni Ebaibuli kotoma
Yokana 3:16 ebe:
Naarai komina Edeke akwapin kwanata, kobu koinak
Okokuke Loteluna, tetere nginitunganan yeniyuun
nges kinyek aolior, konye kojaas kaijar naka ikar
kere.
Erai lo eijir loepatana. Emamei ibore yeni itegelikina kotoma ke.
Etunganan lo iyuun okoku ejaas ka aijar naka ikar kere. Mam Edeke
kobu kitition. Etapatan nges eijir toni karaida ikoku epedor aikamun
akepolou kosodi ajenun aitajario ke Ejakait. Karaida kiyuunit oni eijir
loepatana, ekoto oni acoikinit aitajario na epatana. Kotoma okaru nuwok
nu epataka kitarau oni aitajario na epatana aitirian kwape epatanar
aikeun akan arai aitorit kiding naka ikokoron luka edege arai okanisa.
Ejaas ngun lu ejai amuno kes naka aitajario nejaas akes aswamisio
lukokinga. Amuno naka aitajario, kikotenen, ekoto kojai toma obore ice
yene idelelei. Epedori na araut ngun nges eyinakinit ekristayone ejai
adoketait ngin naarai ececakis kes aitajario etia loedit ka aitetemonor na
epatana?
Kobu Ekalimonokinan Jonathan Edwards lo eyongong kitepesen aketukot
ka asiomak ke acoite noi airere ekes ejautene loka aijar tetere amuno naka
aitajario na ewomitos kes ejatotor korai ibore ilope komam erai yen
aituputoro:
Ngun lu ewomiara bonik kawomisio kes komunokina
bon, ebe eraas kes lu isomaete kwape ekotori Edeke,
ekot kes acoikina noi awanyun ebe ejaas kes toma
apetetait na edolit. Ngun da lu ebuwonokinos ekot
kes amamus kayengun itoni na itemokinoto kes akiro
ngun.
Kebalana Jonathan Edwards’s ebe karai kebu edio itunganan kere aimo
amuno naka aitajario kingitun nges itunganan arai iyuunit nges. Epedori
araut ebe kijaikinit oni amuno naka aisaba naka aitajario nejaas ngun
lumam iyuunitos cut? Arai kipedori oni, kwape inabin luka asabak luka
aparasia ke Yeremia, aitetem ‘’ainapakin, ainapakin nemamei
ainapakin’’ (Yeremia. 6:14)?
Adio asioman kere na ingisit amuno naka aitajario ekot kogeu keda
aingic naka acoite oni ikulepek bonik awanyun arai abeit kijen oni
aitajario naka Ejakait. Acamunit eong ebe aisisia na ewuriana kiyinakin
jo aikamun aingiseta nuepolok nu.
Nuitupitono:
Iriamuna ijo keda etunganan lo elimoro bala itajarauna konye
komam itetemonor aswam ngun nu ekot aitajario kotoma aijar na
ijulakina?
Epone ani ipedorio ijo angetakin akiro nu epataka nuka eijiri?
Epatana na ebe mam oni kija keda amuno naka aitajario naarai
mam lemu oni kitajaritai kabeit kotoma adiakanareta wok?
Inyobo atiaketait eijiri lo epatana ka epatana konye korai aitajario
naka aisab? Epatana ainakin aisab na emamei amuno nejai lomam
iyuunit?
Kanu Ailip:
Imala Ejakait kanu akirot na epatana naka eijiri.
Ingit Ejakait arai aitajario ngin na ilimorit ijo erai abeit.
Ilip Edeke ainakin ijo asianut angirikin kotoma alosit kon keda
Nges, aitodiar abeit naka aitajario kon.
2 - AMUNO NA EMAMEI
Kokau kangina, abu eong kengisite aka akuwan aingiset: Eponani epedorio
etunganan ayapun araut e Kristayot komam erai ediopet? Esisia eong
aisisianakinata nu iwadikatai abu eong kariengu kanu isisianakinete kes. Inyek
kamorata eong Kayes nu abu eong kadum.
Ipedori ijo Aiyuunit Edeke konye komam Ijeni Aitajario naka Ejakait
Ipu asiometa nu ineras koijiri nu. Opupu nu ebala Yakob 2:19 kilimokinit oni:
Iyuunit ijo ebe erai Edeke ediope, ejok! Iyuunito
ajokin da, komaranete.
Emamei yen ejeni ebe ejai Edeke adepar ajokit ka imalaikan ke. Kwes,
kikotenen da, elwaka Kama Ke. Ipucakitai ngaren kes nawasia. Mam oni
kiwanyun kes kokuju ka ngun nu eraas luka Ejakait. Ipedori ijo aiyuun Edeke
kwape ajokit ka ike imalaikan konye kotiakarete apak naka awasia kane ejai
Nges.
Kobu Paulo kolimok Iromayon kotoma Iromayon 1:18-20 ebe aiyuun Edeke
erai idiopet koboro nu ejaas akwap:
Naarai epukoritai anyunyura naka Edeke abunore
kokuju mama ejai epali kere ka amamus adolit naka
itunga luitikokinete abeit kanuka amamus adolitekec.
Naarai ejenas akiro nuka Edeke ideleleete kotomakec
naarai abu Edeke kisideleleu mamakec. Naarai
ameun kaisubu akwap, atakanut iboroke lumam
etakanete, nges atemar akepedor namam enang, ka
Eidekeoneke kotoma oboro lukesubi. Aso emamei kes
aiyar.
Isuban, itodiarito angosibib Ke Ejakait Edeke. Iseseni oni Ake amina na
ainapakina kotoma akolong keda edou. Kiwanyuni da akepedor naepol
kotoma amaran naka akwap keda ekuse lo ikwamin. Kiwanyun ake amuno
kotoma okwam lo kiyenga oni arai kangin asom naka itawon wok.
Kilimokinit oni Esabulit ebe ebang bon ebala emamei Edeke (kowanyu
Isabulin 14:1).
Iyatakit Paulo kotoma Iromayon 1.21 ebala ebe:
Naarai apotu kojenut Edeke, mam kes itubusikinito
kwape Edeke, karaida aimal nges, dimarai kooliosi
kotoma aomisio kec, kitumutonoi ikecetauon
luemamei ajenun.
Itetemit Paulo kane ebe itunganu kajenete Edeke konye kojaas toma
amutonu. Kotomakane, kijenuni oni ebe aiyuun ebe ejai Edeke bon mam
edolit. Kwape itunganu itetemit Paulo kane, ipedori ijo aijen nu ikamunitos
Ejakait Edeke konye kojai toma otube Ke.
Ipedoir ijo aijar aijar na ejok konye komam irai Eyuunan loka Abeit
Kwape idauna aisisia nu aiyuun Edeke, kawanyutu iponesio nuka aijar.
Kiriamun oni keda itunga lu ebalasi iyuunito kes Edeke konye ekes epone
loka aijar mam eyongit Edeke
Kitoronit Yesu Iparisayon nuka apaarasia ke aisitikin kes ebe aiyuun Edeke na
abeit nges ewok epone lo aijar aijulakin.
Ikotenen da, ebala akirot na Ejakait ebe ipedori ijo aiyuun Edeke ido kojaas
keda epone lo aijar lo’ejok konye komam ipedori araut eyuunan loka abeit.
Ejaas awanyuneta Kwa nu nuipu kotoma Obaibuli.
Awanyunet nasodit ejai oitabo noka Luka 18. Kotoma alosit ke, kiriamunos
keda ekatubon lo kebarit. Kobu ekatubon lo nejai Yesu keda eipud lo ajenun
epone lo airumun aijar naka ikar kere. Kotoma nu kisiom oni ijenuni ebe mam
etunganan lo kiyuunit Edeke bon konye kayongit ikisila ke Musa (kowanyu
Luka 18:20-21). Kedau einer keda ekatubon lo, kibelokin Yesu nejaas
ikesisiak Ke kotoma Luka 18:24-25 kotema atiar:
Nakesesenia Yesu nges kotema atiar, ‘’etiono cama
lukabarak Alomar ajakanut naka Edeke! Epatana
ekaal aitor apedot naka ekus, itia ekabaran Alomar
ajakanut naka Edeke.
Karai lo etunganan lokiyuunit Edeke koricite da ikisila Ke konye kanejai
Yesu, mam nges kalosi Alomar ajakanut Ke Edeke.
Kotoma Aswamisio nuka ikeyakia 10 Kisiomi oni eyemut ke Korunelio.
Opupok kwape itetemio Ebaibuli nuikamunitos etunganan lo ka ekale ke
kotoma Aswamisio 10:1-2:
Kojai etunganan Ko Kaisarea ekekiro Korunelio,
ekapolokiton loka erionget loenyaritai Italian,
etunganan loeyongit Edeke, nepepe ka lukokaleke
kere, lokekorenenei nukaitim nuipu otunga,ka
ailipenen da Edeke tir.
Mam cut adio abuonokin kere epedor ajaut nejai etunganan kotoma oponesio
ke ka ekekale. Kopotu kiyuunitos Edeke ido kijanakis Nges keda Ikesi itawon
kere. Karaida kotoma aiyuun ka Ikesi iponesio nuka aijar, kadiope apaaran
kitanyikin emalaika Korunelio. Opupok nu kobu emalaika kolimok nges
kotoma Aswamisio nuka Ikeyakia 11:13-14:
Kitejenik epone lokeanyunia emalaika lokebwoi
kotogoke ka atemar ebe, ‘kiyakia itunga Yopa,
konyarau Simon loenyaritai Petero, lokilimokin akiro
nukitajarete, ijo ka lukokalekon kere’.
Kitodikit ekokoro lo ebe karaida erai Korunelio etunganan lo keyinakin
koyongite Edeke, kipuda nges aitajario. Ake aiyuun ka aswamisio mam
kapedorete ayangar nges toma akuj.
Kotoma Yokana 3 kisiomi oni nu eparisayot lo enyaritai Nikodemo. Kajatotor
etunganan lo keda iponesio nukajokak. Kwape eparisayot, mam nges kobu
kiyuunite Edeke bon konye, kobu kijanakinite nges opone loka ediini.
Kamamei atukot kotoma Isirael na idiinikit bala Iparisayon. Opupok,
kikotenen da kobu Yesu kolimok etunganan lo idiinikit koyongit Edeke
kotoma Yokana 3:3:
Kobongok Yesu kotema nges atiar, ‘’Abeit, abeit,
katamari ijo atiar, Arai mam itunganan eurio
nakiareit, mam epedori aanyun ajakanut naka
Edeke’’.
Nu ejaas ne Nikodemo, karaida kajok ido korai lo erimarit ediini, kotoma
osawa lo, ake aijar mam kalosi awanyun ajakanut naka Edeke. Ake aswamisio
luka ajokak ka aiyuun ke mam kadolitos aitaraun nges ikoku yen ka Edeke.
Awanyuneta nu kere iticautos ebe ipedori ijo aiyuunit kojatotor ejare arai
aswamisio nuka ajokak konye komam ipedori araut e’Kristayoto loka abeit.
Ipedori ijo ajaut ka abeit naepol ka apodokinite noi Ejakait konye komam
itajarauna
Aiyatakin nuko kuju nges akiro ace adepar apodokinit Ejakait ka aswam Ke.
Kilimokinit oni Ebaibuli ebe epatana ijo apodokinite noi Ejakait ka aswam Ke
komam itajarauna. Kiwanyu oni sek awanyunet na kane ejai aijar ke
Korunelio. Acamutu bere bobo aitetemis na.
Kotoma aswamisio nuka Ikeyakia 10:1-2 iticaunitos ebe aria Korunelio
etunganan loeyongit ido kojeni Edeke. Emamei adio aingiset kotoma apukoro
ke. Ecai na kotoma nu kobu emalaika kolimokinite nges nuikamunitos ake
ailip keda aikor kotoma oitabo loka Aswamisio 10:4:
Kosesen noi, kokurianar, kobala ebe, ‘’Anyoika,
Ejakait?’’ Kotema nges atiar, ‘’Adokasi ailipikon ka
aikorokon araun aisiitunet akonyen nuka Edeke.”
Nunyoika ijenu ijo kotoma okokoro kalo? Kijenun oni ebe ailipasinei ka aikor
ke Korunelio kobu Ejakait Edeke kocam. Kanu Ejakait Edeke acamun, ekoto
okorakinite ka etao lo epukoro. Korunelio keda etau lo epukoro kotoma
aijanakin. Kapukoro eketau konye koponi konyaraunai airiamun keda Petero
tetere nges keda eke kale epedorete adumun aitajario kosodete araun iduwe
luka Edeke.
Kobu ekeyakia Paulo, kolimok ikekasiomak kotoma Iromayon 10:1-3 ebe
karaida epukoro itunga luka Isirael ido koinakina kes nejai Edeke mam kes
itajaruna:
Ikainacan, nu’imiela kotauka, ido nuelipi Edeke
kanukec nges aitajariokec. Naarai etejenuni kanukec
ebe edunyaka kanuka Edeke, konye mere kotoma
aijen. Naarai kanu mam ejeniata adolit naka Edeke,
kokotos aitogogong adolitekec kikulepek, mam apotu
korimasi adolit naka Edeke.
Aiyuunite naka Isiraelin Edeke, akes aswamisio ka ainakina nejai Edeke mam
adolit. Karaida kanu iponesio nu kere nukajokak, ailipasinei ke Paulo karaas
bon ebe kitajaraunos kes. Apukoro naka etau ka ainakina nejai Edeke mam
bon edolit alomar toma akuj.
Ipedori ijo anyar nges kwape ‘’Ejakait ‘’ konye komam ijai oidicane loka
abeit keda Nges.
Isiraelin lu kaitutuket n’amojong, kenyaritos Ejakait Edeke ekec Edeke.
Opupu nu kobu Ejakait kolimoki kes kotoma Kosea 8:2:
Komonyete eong ebe, Ekadeke, ‘’isio Isirael kijeni
ijo!”
Kajeni Isirael Ejakait Edeke kwape ekes Edeke. Apolouke ebe kopotu
kojenete akengarenikin kotoma aijar kes. Kapotu oni kawanyunito kwape
kineritor Paulo akes aricite ainakina kotoma Iromayon 10:1-3. Aidules naka
asiometait kana erai ebe karaida ewomiara kes, kajai Isirael atubokino naka
Edeke.
Acaka Isirael ngin naejok, erukio lokasurup nges.
(Kosea 8:3)
Opupoki nu ebala Ejakait Yesu kotoma Matayo 7:21:
Nginitunganan yenikabala eong ebe ‘’Ejakait, Ejakait,
mere nges elomuni ajakanut naka akuj, dimarai
yeniswamai nuekoto papaka loejai toma akuj.
Nuipu nuenyarito Yesu Ejakait kes mam elomarete ajakanut naka toma akuj.
Acamunit eong cut ebe itunga lu kiyuunitos kabeit ebe eiinakitos Nges aiboisit
nasodit. Ice kakes etaamakinitos kotoma abeit aswam nuekot Nges kosodete
aijar Kanuke.
Aitajario erai na idulokina, mam erai anyarit Yesu Edeke katupite Ake
aisisianakinata kotoma apukor bon. Kwape ebalar Yesu, ejaunos nuipu
enyaraete nges Ejakait komam elomarete ajakanut naka toma akuj.
Ipedori ijo adumun angaleu kotoma Apedori naka Ekiror Yesu konye komam
irai eyuunan loka abeit
Nasek kejanakina eong kwape ekalimonokinan kotoma okido loka Reunion,
kapolokit eong aitutonorio na Ebaibuli. Kotoma akiro nuikisisia, koponi
kingitai aingiset:
“Epone ani ijenuna ijo ebe itajarauna ijo?” Kobu ediope ekesisian kobongok
kobala ebe: “Ikaru luipu kokau kabu eong kadekakin noi. Abu eong kelip
kosodi Edeke aitangaleun eong. Kwana ajen eong ebe etajarauna eong.” Karai
lo itunganan yen kobu kowanyu Edeke etiror ake aijar. Kobu Edeke
kitangaleun nges. Kajaas nges keda aijen ebe, kikotenen, naarai kobu Edeke
kotirorite ake aijar alope, ekoto kwana nges kitajarauna. Emamei bobo ice
bore adepar abeit. Aitutuket naitetet ileleba akiro nuiriamuna kiding Yesu ka
luka adekak. Ipu itunga nu edumunitos angaleu kotoma apedor naka Ejakait
Yesu konye ikidioko kakes nu kopotu kowanyut aitajario naka Edeke. Nuipu
kakes nukitangaleunitai kopotu kongeroto Nges kapak naka ibubukinere Nges.
Kilimokinit oni Luka: 17 awaragat na itunga itomon lu adekasi atapon
lukopotu nejai Yesu aitangaleunio. Kobu Yesu kolimok kes alosit erot kec.
Kenyoutu kakonyen Ke, kopotu kongaleutu kere (Luka 11:14). Kikotenen da,
Ediopete kotomon bon kobu itepesenikin otau ke kosodi abongor nejai Ejakait
Yesu aiturite ka amalan Nges. Araida toma adoketait na, kikotenen, mam
kilimokitai oni arai emunokina etunganan lo Ejakait Yesu kanu aijarake naka
ikar kere. Nu isisiau asiometait kana erai ebe epedori Ejakait atiror oni kotoma
aijar arai awomisio wok konye kasalakinitos oni iwoliorit kotoma adiakar
wok.
Ipedori ijo alacakinio kotoma apedorosio nuka amutonu kanejai Kristo
komam itajarauna?
Itodutos nu iwadikatai ebe ipedori oni adumun alacakino Kama ejaas imoyon
nuka aronok konye komam kilomarit toma oidicane loka aitajario ka Ejakait
Yesu. Kotoma Matayo 12:43-45, kobu Yesu kolimokinite ikesisiak
nukamunitos ejie loka emoyo. Opupok nukobu kolimok kotoma asiometait na:
Kenyou emoyo loerono kotunganan, itori aiboisio
nuemamete akip emoot nekiyengunet, komam
edumuni. Kosodi etamari atiar, ‘’abongori togoka
nekabunio’’, Kebongu edumuni esil, epietai, epesitai
da. Kosodi elosi eupunos nepepe kimoyon ice
ikanykaarei luitelekarito nges karonis, elomarete kes
da esalete nen, ejautene loka itunganan kangin
lokawasia eraun loerono adepar losodit. Kwape
kwangin ejaunia atur na nakaronon..
Kotoma akiro kanu, kobu Yesu kolimok ikesisiak ebe epedori etunganan
alacakin kotoma omoyon nuka aronok kosodi, naarai mam nges kajaas ka
epaperone lokajokan ka Edeke, Nges ebongunata imoyon keda ice imoyon,
ainakin ekejautene loka awasia aroniar adepar nesodit lemu. Kojenu ber ijo na
ebe, ebonguni adumun etogo epietai ‘’komamei ibore kotoma.’ ‘’Komamei
ibore kotoma’’ apolouke ebe kamamei emoyo noka aronon araida Edeke!
Nakejanakina Ejakait kotoma akwap, kobu kolacakinite itunga luipu kotoma
omoyon nuka aronok. Komam abuonokin, nuipu kakes kopotu kolototo aijar
aijar kes nakangin paaran. Akes aijar nakangin paaran, kikotenen da, karai na
kamamei Yesu Kristo kotoma ido komamei Akeitajar. Etapit Edeke duc atiror
aijar naka ngun numam iyuunito. Kotoma asianut Ke, esesen Nges edolit
aitangaleun kes adekasia kec, alacakin kes komoyon kec. Akes alacakino mam
erai aitogogongete naka aitajario.
Ipedori ijo Abunere toma Acoa ajenun ngai bo Kristo konye komam ijo
Itajarauna kotoma Adiakanareta Kon
Kilimokinito oni Iromayon 14:11 ebe, ebunit apaaran na ekukokinori kangin
kungi Ejakait Yesu ido elimorete Nges kwape Ejakait. Karaida nuka asurupi
ke kadiope apaaran epote toma acoa naka etunganan lo erai Ejakait Yesu ido
elimorete ebe erai Nges Ejakait ka Etajaran. Ajenunete na elosi atupakin kes
toma atiakakin naka awasia kama ejai Edeke ka aitajar Ke.
Itacaunitai nu kotoma aiwadikaeta ebe araida imoyon luka ogeyana ejenete
kaileleba etunganan lo Ejakait Yesu. Idelelete nu kotoma Luka 4.41:
Karaiber, kopotu imoyon kolomutu kotunga nuipu,
kiluluete, ‘’Irai ijo Okoku loka Edeke!’ Konye kobu
kiretak kes mam kobu kocamaik kes einer, naarai
kajenete nges kwape Kristo.”
Kamamei adio aingiset kotoma aijen naka imoyon kanu ikamunitos Ejakait
Yesu. Kajenete Nges kwape Kristo, loinyonyoikinitai loka Edeke lo ebunit
aitajar Ike itunga kotoma adiakar kec. Acoa ngin, kikotenen da, mam kadolit
ainakin imoyon aiboisit kotoma akuj. Kwape Imoyon nu, ejaas itunga nu
iyuunitos ebe erai Yesu Okoku loka Edeke loebunit alakun oni kotoma
adiakanareta wok. Ajenun Etunganan Lo ka ake aswam, mam kapedorete
aitajar imoyon nu. Eyangaikin adepar aijen nadidi ajenun ngaibo Yesu ka nu
ebunit nges aswam kanu araun ikoku ke Edeke.
Ipedori Ijo Amaran kanu akon adiakanareta konye komam itajaraun
Kilimokinit oni Ebaibuli ebe ipedori oni amaran kanu awok adiakar konye
komam kirai eyuunaka nuka abeit. Yakob 2:19 kilimokinit oni ebe:
‘’Iyuunit ijo ebe erai Edeke ediopet, iswamai ejok.
Iyuunete ajokin da, komaranete.”
Kwape idauna awanyun asiometait na kotoma akou ace, kiinakinit oni bobo
asesen kopone ece. Kilimokinit oni ekokoro ebe iyuunete ajokin komaranete.
Inyobo emaranata ajokin? Emaranete kanuka apedor Edeke ka abeit naka
atubokinio kes. Ejenete ebunit awasia kec. Ejenete elosio atubokin kanu
adiakar kes. Ejenete akes awasia eraun awasia naka aiticanio ka apipilu naepol
noi. Akes amaran kere, kikotenen da, naarai mam kes itajarauna.
Apukokinio 6:15-17 kilimokinitai oni ebe kotoma apak naka etube ngun
numam erai oduwe luka Edeke enyaraete imoru ka irongan kibironokinos kes
tetere erapiarete kes kotoma anyunyura naka Imerekek ka Edeke. Isomaete nu
naarai ejenete ejok noi anyunyura na ebunit. Ejenete nu ejaas ngaren kec.
Ejenete ebe mam kes eraas nuka Ejakait Kristo ido elosete aijar nawasia na
emamei Nges. Emaranete kotoma awomisio konye komam itajarauna.
Apolou naka akirot nges nata ebe Epedori etunganan lomam iyuunit acamun
ake adiakar. Epedor aibelokin Ikes ipuran toma adiakanareta ace komam
ebongunete tomakec bobo. Anyoun kotoma adiakanareta wok nusek ka
aijulakin epone loka aijar epedori aitaraun oni itunga luka ajokak konye mam
epedori aitaraun oni Ikristayon.
Epedori etunganan lomam iyuunit ajaut keda aijen naedolit nukamunitos
ngarene ke naemamior Kristo, kosodi da amaran kotoma awomowom naka
aijarake na ejai kwap naka otube Ke. Kanu akes akurian kere ka amaran,
kikotenene da, mam kes itajarauna. Iner eong keda itunga kotoma abeit
nuebakasi ebe elosete kes ogeyana. Ice kakesi ekuriak abeit na konye erok
ebunio nejai Kristo kosodete acamun Ake aitajario.
Ipedori Ijo Aipudakina Akote Akirot naka Edeke konye komam irai eKristayot
loka Abeit “
Etapit oni aituputu eipudi noka akirot ka Edeke ka aitajario. Opupoki nu
kilimokinit oni Luka 8:13:
Kwi da lukangangam kes lukiirarete, kocamut akirot
kailel, konye komamete alias, iyuunete nediokasilon,
kosodete kapak naka acodunio etiakaros.
Kotoma awaragat naka aweyan, Kobu Yesu kolimok Ikapupok ke ebe
ikinyomo lukopotu kodoto alupok nuejaas ongaroi, eputos kangun nu ijaunete
akirot kaiyalama konye naarai mam esipokitos akes akejene kwap ejok,
ibiroros. Epolok nuka ekokoro Kano. Kilimokinit oni ebe epatana etunganan
lomam iyuunit aiyalamikin kanu ikamunitos abeit naka akirot kosodi
aiyalamikin epupi nges inerai konye komam epedori adumun aijen naka
aitajario ke Ejakait.
Ewadikan Iburanian inera nukamunitos nu kotoma Iburanian 6:4-6 kobala ebe:
Naarai ngun luadaut kolo ainwakakinio, kiirata da
ainakinet nakakuj, luaraunos ikamorak Emoyo
Lokalaunan, kiirata da ajokis naka akirot naka Edeke,
ka apedor da naka ikar luepote, mam epedorete
aiteteun bobo aitoronokin arai kibiroros ainyein ngun
, naarai ebubukis bobo Okoku loka Edeke kanukec,
esurumata da ileic kaitebeikin”
Erai na asiometait na etiono ajenun. Nacut ecai kane nges, nata ebe, epatana
aiir ajokis naka akirot naka Edeke konye kongetakin itwanikin toma adiakar.
Ekejulan Matayo Henry ijulit asiometait na kopone kalota:
Epedorete kes adumun ace aisisianakin na ejijim,
epedorete apupun akirot keda aiyalama, epedorete
aiitun nuipu, kosodete ainer nuejok nuikamunitos
akirot ngin, komam epedorete aitodolikin ka adukokin
nges tetere epedorete ajaut nen kabarar. [2]
Ejenete itunga lu ido eminas abeit konye emametotor keda adio ajenanut naka
edicane kes keda Edeke.
Ipedori ijo ajaut keda aitogogongete naka Emoyo lokalaunan konye komam
itajarauna
Ecai kotoma aisisianakin naka aitutuket kana itetet ebe epedori etunganan
ajaut keda aijen naka emoyo kosodi da ajaut keda apedori naka aswam ace
nuka apedor konye komam erai ikoku yeni ka Edeke. Kotoma Iburanian 6.4
kisiom oni epatana etunganan aimor kotoma omoyo lokalaunan kosodi konyet
aibiror komam iteteun.
Kilimokinit oni Yesu kotoma Matayo 7:22-23 ebe kapaarasia nuka awasia,
ejaunos ngun lu edwarete, nu irengete ajokin, ka nusomaete nuka apedor
kokiror Ke, lumam elomarete toma akuj.
Ekudianete luipu kapaaran kangin atiar, ‘’Ejakait,
Ejakait, mam kareka kipou kadwarata kokirorikon da
kerengiasi ajokin, kokirorikon da keswamata
aswamisio nuka apedor nuipu?” Kasodi alimor
mamakec ebe, ‘’Mam lem kajeni yes nepecep da:
konyoutu Kama ajai, yes lukeswamak nukepali!”
Edeke kotoma apedori ke, epedor aitosoma etunganan lomam iyuunit
ayangaara Ake akirot. Karaida epedoritos itunga lu aswam lukapedori kokiror
ka Yesu, mam kes eraas luke. Epedor Edeke aitanap apedor idio itungan kere
kwape ekotor nges kanu angetakina Ake apelekineta. Kotoma luwadikatai,
kisiomi oni epone lokobu Ejakait kijukuna agar naepol ailikor Yona kosodi
alekakin kinga alupok newonit. Kobu kitosoma asigiria einerari keda Baalam.
Mam Edeke eridakina aitosoma eyuunak bon nuka abeit. Ipedori ijo araut yen
itwasamai emoyo lokalaunan konye komam irai ikoku ka Edeke.
Inyobo kisisiaun oni kotoma okokoron kanu kere? Kisisiaun oni ebe mam
kibwaikin amuno naka aitajario kere toma oboro nuka kokinga bon. Nekotor
eyuunan loka abeit aira araito na itodunit ebe erai nges yeni ka Kristo, mam
amuno wok ibwaikinitai toma awanyuneta nuka iboro nuko kinga, aswamisio
arai aiyuuneta. Araut e Kristayoto epol adepar aswam iboro nuejokak, aiyuun
aisisianakinata nuka ajokak ka adumun atirorio naka Ejakait kotoma awate
wok. Epolok nu kere konye mam eraas awanyuneta nu itijenunitos ebe ira oni
nuka Ejakait Kristo kwape iduwe Ke.
Acamunit eong erai na asiometait na etiono noi kanu nuipu aisiom. Eiitunit
eong aimor abeit na kokau kotoma aijanakin naka okokanisa ikar nuipu abu
etunganan keriamunos keda eong okek loka ekanisa kililing komam akeijaar
ejai ejok kobala ebe: “Kapup eong akiro ngun, kemamei idio itunganan yeni
kapedori atemari ebe iyuunito kes.”
Acamunit eong ebe nu elosete aisiom, ejaunos keda awomisio kwape
kwangin. Abeit naka akiro, erai ebe, ekoto na koinak oni nuepolok kere
nuejokak aireror epone loka aitajario na imuno oni. Mam kadolit oni aingit
awok aitajario itia aijara keda aitajario na emamei amuno? Kibuni oni toma
osange loka asiometait kana ekoto oni aingit: Erai akaitajario naka abeit? Kija
oni keda amuno alosit kuju? Epone bani kijenuna oni cut? Kotoma asiometa
nukongaren kilosi oni angicun epone lokipedorio oni ajaut keda amuno ebe
aitajario nakilimit oni erai naka abeit?
Nuitupitono:
Karai ejaas eyuunan loka abeit kaijar naijulakin Edeke elope,
aijulanakinata nuka okinga eraas aitogogongete nuka aitajario?
Epatana aiyuun arai bonat aisisianakin aisisianakineta nuka abeit
konye komam ijo irai yeni ka Ejakait Yesu?
Epedori Emoyo Lokalaunan aitosoma ngun numam eraas lukeng
kanu angetakina Ake apeleikineta?
Epone bani kingalangalere oni kotoma aiyuuneta nuka ediini ka
aswamisinei ebe erai etunganan eyuunan loka abeit?
Kanu Ailip:
Ilip Ejakait ingarak ijo aisac aingalangalao toma aomisio ebe
aswamisio ka aiyuun itoduni ebe erai etunganan ngol loka Ejakait.
Ilip Ejakait apukor itaon kangun lem nu ibwaikinito akes amuno
nejaas aswamisio nuko kinga bon.
3 - KRISTO KOTOMAKUS
Kiwanyunit oni kotoma asiometait naka okau ebe mam epatana ajenun abeit
ebe erai etunganan ikoku yenika Edeke kotoma aite kinga ke bon.
Kinyekinit na oni kwana keda aingiset na epol: Inyobo atiaketait eyuunan
keda lomam iyuunit? Inyobo abwoetait na ainakin eong amuno naileleba
toma aitajario?
Kobu ekeyakia Paulo kobongok aingiset na kotoma Ikolosian 1:25-27.
Opupok nu’ebala nges nuikamunitos iyemuto nukitelelete nuka eijir loka
Kristo:
Lokaraunor eong ekekijaanakinan kwape ejaar
aijokokinet naka Edeke nakainakinitai kanukus,
aitodolikin akirot naka Edeke, aiyeya nakibwaitai
ameun ikaru ka aturio da, konye kwana ikujokinitai
mama ejaas lukalaunak ke.Abu Edeke kokoto kes
aitejenikin imo abar kwape ejaar naka aibuses naka
aiyeya kangin na erai Kristo kotomakus, amuno
naka aipikor.
Kobu Paulo kolimok Ikolosain kotoma asiometait kana ebe kajai aiyeya
nakibwaitai ameun ikaru ka aturio da. “Aiyeya na , ebala Paulo Ikujokinitai
mama ejaas lukalaunak ke.” Iyatakit alimokin Ikolosain ebe aiyeya na nges
‘’Kristo kotomakus amuno naka aibuses.”
Mam ekoto oni atwaniar ngun nuepolok nuitetemit Paulo kane. Yesu Kristo
kotomakus amuno naka aibuses. Ipuda ijo amuno naka aibuses kakonyen ka
Edeke? Kane ejai eyakia Paulo, ayeya naka amuno kana, ejai nejai “Kristo
kotomakus.” Obongosi nejai aingiset nasodit nakingisit oni kageunet naka
asiometait kana. Inyobo atiaketait eyuunan keda lomam iyuunit? Atiaketait
mam duc edumunio kopone lokaijar arai bo epone loka aiyuun. Kiriamun
oni kere keda itunga luejoka komam eraas IKristayon ka Ikristayon numam
ejarete ejare loejok. Kiriamun oni da keda itunga lumam iyuunitos kojenete
nuipu nukamunitos aisisianakinata nuka e Kristayone ka da atumunaka nu
kristayon nu ejenete adis nukamunitos aiyuun.
Ibore yene idelelei yen etiakit eyuunan ka lomam iyuunit erai Kristo. Mam
eong ajai einer acoa nukamunotos Kristo kane, konye Kristo Elope. Kwape
ebalar Paulo, erai “Kristo kotomakus” nges bon atiaketait. Kristo
kotomakus nges amuno naka aibuses. Emoyo loka Kristo ejai toma aijar
kon kwape eyuunan. Itogogongit Paulo akirot na kotoma Iromayon 8:9 na
kabalar ebe:
Konye arai iboie Emoyo loka Edeke kotomakus,
mam ijaas toma akuan dimarai toma Omoyo. Arai
da emamei itunganan Emoyo loka Kristo, mam ngin
erai yenike.
Kowanyu bobo nuebala Paulo. Kilimokit oni ebe arai mam etunganan
ejatotor keda Emoyo loka Kristo kotoma ke mam erai yenike Edeke.
Abongokin bobo, atiaketait kiding eyuunan ka lomam iyuunit erai Kristo ka
Eke Moyo.
Kineras keda Ikolosain kobala Paulo ebe:
Naarai ipotu kotwaka, ibwaitai da akus aiijar
nepepe ka Kristo, toma Edeke. Naetakanunia Kristo,
nges aijarawok, kosodi yesi da itakanunete nepepe
kanges kotoma aibuses. (Ikolossain 3:3-4, ESV)
Kowanyu ber ijo akiro nuewuriak “… Kristo noerai akon aijar.” Aiibo
ebunio awok aijar nakomoyo? Awok aijar erai Kristo. Erai nges esusut lo
aijar wok nakitetet. Ake ajaut nepepe kaoni nges awok aijar. Edeparit na
aitojokaret ke etunganan aijulakin aijar ke epone loka aijar. Ajaut naka
Kristo kotoma wok kosodi aijulakin oni kotoma.
Kobu Musa kojenunite sek kotoma aitutuket namojong inera atiar ejai
Edeke kotoma Anyoun 33:15-16:
Kotema nges atiar, “Arai mam ijaenena k’eong,
sirikiyanga isio ngina, Naarai ikwaikinio ai
ejenunio ebe abu eong kadum asianut
kakonyenekon, eong ka ikonitunga da? Mere ti nges
ejenunere naarai iupa ijo kasio, kasodete atiakunio
eong ka ikonitunga, kotoma otunga kere luejaas
akwap?”
Ijai ijo awanyun nuewuta Musa atemar kane? Ejai nges alimokin Ike
asiomaka ebe atiaketait adiopet nejai eyuunak ka numam iyuunitos asianut
naka Edeke. Mere nuiyuunit eong arai nueswamai eong nu itaraunete eong
Ekristayot, karaida kepolok iboro nu-erai asianut naka Ejakait Edeke ka
Eke Moyo kotoma aijar ka.
Kajeni eyakia Paulo emametotor nges idio bore yeni epogar nges kotoma
kelopete. Iwadikai kotoma Ipilipin 3:3 kobu kotema:
Naarai kirai oni luka akepio nakabeit, lukimai
Komoyo loka Edeke, lukiwolobobot kotoma
KristoYesu, ido lumam lukimunokina akuan.
Kotoma kanu kijenuni oni ebe, kedolu toma aitajario ke, mam kobu kibwaik
amuno toma aswamisio nuka akekuan. Ake amuno naka aibuses ejai toma
otungana ka asianut naka Ejakait Yesu bon. Iwadikat kotoma 2 Ikorinton
10:17 kobala ebe: “Konye, ‘Yeneolobobot, koolobobote kotoma Ejakait.’”
Kristo bon nges aok aolobobo. Emamei idio bore kere yeni imario.
Etiakunit Edeke Ike tunga kotoma otunga kere kotupakite asianut ke
kotunganan ka aswam naka Kristo kotoma otunganan kangol. Kristo
kotoma wok bon nges aitogogonget naka aijar naka ikar kere. Nges bon erai
awok amuno nakisipedor oni aibwo kakonyen luka Edeke. Kobu eyakia
Paulo kibwaik kopone kanota iwadikakin itunga luka Ipilipin 3:8-9:
Konye abu kaomite iboro kere araut atwaniar
kanuka ajokis naepol noi naka ajenun KristoYesu
Ejakaitika. Abu katwania iboro kere kanukeng
kaomitte da araut acin, tetere adumuni Kristo,
kasodi adumunio kotomakeng, komamei adolitika,
naebuni kotoma okisila, dimarai ngin naebuni
kanuka aiyuun Kristo, adolit naebuni Kama ejai
Edeke kotoma aiyuun.
Naebwoa eyakia loka apolon Paulo kakonyen ka Edeke apaaaran naka
etube ajene nges ebe mam Edeke erasakin angaikin nges ekek Alomar
ajakanut naka akuj kanu ake awanyunit ican kanuka Kristo arai kanu
aswam naepol na iswamata nges aiyatakin akabakanutu ka Edeke. Kanu
akegogongu kere, amuno ke Paulo kanu aibuses naka aijar na ikar kere, ejai
otunganan Kristo ka asianut Ke ka adolit kotoma Ke. Mam Paulo kobu
komunokin akuwan ke elope, akegogongu arai akeiyuun Alomar toma akuj.
Ake amuno kajai nejai etunganan Kristo, ake swam ka ake ajautu Ke aijar
kon.
Kotoma Yokana 6:51 ebala Yesu:
‘’Arai eong inyamata lukaijar lukijesunos kotoma
akuj, arai kenyam itunganan inyamat Lu, ebusi ikar
kere, inyamat da luainakini eong kanuka aijar naka
akwapisinei nges akakuan.”
Aisisianakin nejai toma asiometait na erai ebe karai ikoto ijo adumun aijar
naka ikar kere ejai ijo ainyam emugati loka aijar. Yesu nges emugati loka
aijar. Inyobo apolou na ainyam emugati loka aijar? Nakinyamia oni idio
bore kere eraun ipei. Nu nges ebala Ejakait Yesu. Karai ikoto ijo aijar naka
ikar kere, ekoto ijo angaar ekoni etau aijaun Kristo ka Eke Moyo. Ekoto
Nges abunore aijar toma kon kosodi araun ediopet kajo. Bobo epolok oni
atiakun kiding aiyuun oboro nukamunitos Yesu ka Yesu Elopete. Emugati
loka aijar kane mam erai aisisianakin lukamunitos Yesu konye Yesu
Elopete. Karai ikoto ijo ‘’aijar ikar’ipuda ijo etunganan loerai Yesu, ikoto
ijo mere aisisianakinio bon, konye Yesu.
1 Yokana 5:12 iticaut eyakia iwadikat ebe:
Yenejai Okoku, ejai da aijar yenemamei Okoku loka
Edeke emamei aijar.
Ecai asiometait na. Karai ijaas ka Okoku loka Edeke kotoma kon, ijaas ijo
ka Ake’aijar. Karai emamei Yesu kanejai ijo, itwani ijo.
Kilimokinitos asiometa nukere oni ebe amuno naka aijar naka ikaru kere
mam edumunio kotoma oboro nukipedorit oni aswam. Dimarai edumunio
kane ejai ediope etunganan bon. Yesu Kristo kotoma wok nges bon erai
abwoikiniton kotoma akuj.
Kiyangar na oni toma aingiset naepol noi. Karai idumuni aok amuno naka
aitajario kotoma otunganan loerai Kristo kotoma wok, epone ani ijenuna
oni ebe ejai Kristo tomaok? Inyobo aitodunete na Ake ajaut toma aijar ka?
Karai ejai Kristo nejai ijo, ejaun awanyunete na toma aijar kon. Ake aijar ka
aijen ejaunos awanyuneta. Mam bobo ijo iraun lolemu sek, ijulakin ijo. 2
Ikorinton 5.17 ebala neta nuikamunitos eyuunan:
Kanuka kangun, ejai ngintunganan kotoma Kristo
araut esubat yeni tetet atuboros nukolo, koanyu,
araut nukitetiek!
Iwanyu ijo nuebala Paulo kane? Karai ijai ijo toma Kristo, (arai Kristo
kotoma wok), apolouke kijulakin oni. Iboro numojonga lukisomaenenei
oni, irotin wok numojonga ka awomisio nuetupas egeunete aolionor.
Karaida mam eyuunak elacakina cut kotoma oponesio kec lumojonga,
aswamisio nuka Kristo egearete atakanun kotoma aijar kec. Amina ke
ewanyun kotoma oidicane kes ka ice. Ekec eitunganane ka atitingikinit
egeun aitodiar elopete bon kopone no eyaitotor kes luka okalia kes ka
ipapero. Ake aitim ebukorio mama ejaas ngun lukopotu kitipipilata kes.
Ejenunete apedor naitetet kotoma awatekes. Ejai ainapakina na aipikor
aitemisio numam ebuni kama ejaas kesi ikulepek. Epupunete ikec itaon
namam lemu ejauna. Ebila etao ngon kotoma aimala oboro nu ebilete etao
loka Edeke. Ikunyakinete toma aima ka aimala kwape ingarenikino kes
Emoyo. Adiakanareta nulemu eminakinitos kes aswam, mam bobo
eminakinito. Ejai aiyalama naitetet kotoma akirot naka Edeke ka irotin luka
Edeke. Emisikinete kes iboro numam erai nuduc kotoma aijarakes naka
amojong. Itodun aijar ke Kristo kotoma kes kwape ajenanut.
Epolok oni ajenun kane ebe ijai aitetem nu etakanunete kotoma eyuunan
mam erai nu isomai nges kotoma agogongu ke. Amina na edumunete
eyuunak kanu kangun nulemu kengeritos kes, mam erai ibore yen itutoros
kes ikulepek aswam. Erai amina naka Kristo kotoma kes. Atitingu ka
aiyalama nuitorete kes kotoma aitemesio erai na egitara noi kotoma ojare
loka akwap ido etapit aisiriengun kes. Ejai atiaketait akwap kiding ka ngun
nu kikoto oni kadumut kotoma agogongu ka acoa naka etunganan, ka
iponesio nuka Kristo nuetakanunete kotoma wok. Adopet erai naka
etunganane, ace erai na apedori ka Ejakait. Adiopet kitodikit oni ebe araida
etunganan lo’ediakanari epedori aswam iboro lukajokak. Ace, kitodikit oni
Kristo ejari ido ewuta aitodun kotoma wok. Ejaun ajenanut naka Kristo ka
Emoyo Ke kotoma eyuunan. Kebu Ejakait Yesu toma aijaar, mam iboro
esalakinete eputosi. Eponebani esalakinata kes mam eputosi, naarai ejai
Emoyo loka Edeke elosi ka aitetenanar aijar ngin aputori Kristo?
Ibore yen ekot oni awanyun kotoma asiometait na erai ebe amuno bon
nakipedor oni ajaut kotoma aitajario wok nges etunganan ka aswam naka
Kristo. Mam erai aimonikin aisisianakin kotoma wok, konye etunganan
elope ka aswam ka Ejakait Yesu kotoma otaukon lolo. Erai bon Kristo
kotoma wok nges erai aibuses naka awasia. Karai kikoto oni amuno naka
aitajario ekoto ber oni adumun etunganan ka aswam naka Kristo kotoma
awate wok. Kwape ebalar eyakia Yokana kotoma 1 Yokana 5:12:
Aijar Yenejai Okoku, ejai da aijar, yenemamei
Okoku loka Edeke emamei.
Awok amuno naka aitajario ebunit kotoma opone loka etunganan ka
aswamisio nuka Ejakait Yesu. Eswama nges iboro kere nuebeito kanu awok
aitajario. Arai ikoto oni amunokinio ekoto oni alemar awok akonye
kasodete asesen nu adau nges aswam ido kisomai kotomawok lolo. Mam
ekoto oni asesen idiobore kere konye Kristo ka akeijar kotoma wok karai
oni adumun adio amuno ka amunokina naka aibuses kongaren. Ake aswam
ka ake ajaut kotomaka nges bon erai akamuno. Nges bon erai akayuuwara.
Eminaikina eong toma keng ka aswam ke kwape akamuno.
Nuitupiton:
Inyobo atiaketait kiding aiyuun iboro nukamunitos Kristo ka
ajaut naka Kristo kotoma wok?
Inyobo atiaketait kiding atamakin aswam akiro nukajokak
kanuka Edeke ka Emoyo loka Edeke aswam iboro nukajokak
kotomawok arai kitwasamai ijo?
Ejai ajenanut naka Kristo ka Eke Moyo tomakon?
Epone bani kiyangara oni abeit na ebe ‘’Kristo
kotomakus’’kwape abwoetait naka aitajario wok?
Kipedor oni ajaut keda amuno ace adepari Kristo kotoma wok?
Itetem.
Kanu Ailip:
Kimala Ejakait Yesu naarai ebunit nges ainakin aijar naka Emoyo ka
Akeijar kotoma wok erai aitogogonget naka aitajario naka akuj.
Ijaik apak lolo kosodi ailip Ejakait aitim ijo ka nges abunore aijar
toma otau kon.
Kimala Ejakait Yesu ebe kobu Nges kocam aiperikin akeijar kwap
kanu aitac apesen naka adiakar wok kosodi apukor ekek kanu Eke Moyo
Alomar otaun wok aitogogong awok aitajario.
4 - AJENANUT NA EKE
MOYO
Kwape kianyuna kotoma asiometait na okau ebe ajaut ka Kristo kotomaok
kiyinakit oni amuno naka aitajario. Kijeni da ebe kirai oni Nuke naarai ejari
Nges kotomaok ido etakani ejautene kotoma wok. Karai ikoto oni ajaut
keda amuno naka aitajario ekoto oni aimo ajenanut naka Kristo kotoma
aijar wok.
Kiyatakit oni kotoma aisisia na, apupokis nuebala eyakia Paulo kotoma
Iromayon 8:15-16:
Naarai mam idumunito emoyo loka ebulesene
abongor bobo akurian, dimarai idumunito emoyo
loka araun odwe. Kanuka ngol kimonya ebe, ‘’Abba
Papa’’. Emoyo elopet itejenikini imoyonowok ebe
kirai idwe luka Edeke.
Kitijenikit Paulo oni kane ebe aileleba naka Emoyo ka Kristo kotoma wok
ineras keda imoyon wok aitijenun ebe kirai oni odwe luka Ejakait Edeke.
Kejaun Kristo otaon wok, ejaun nges kopone loka etunganane. Opupok nu
abu Kristo kolimoki ekanisa loka Laodikia kotoma Apukokinio 3:20:
Koany, abwoi kokek ekungkungi, arai epupi
itunganan kere ekaporoto, kongaa da ekek, Alomari
eong mamakeng, amori nepepe kanges, nges da
k’eong.”
Kane, ekot Kristo alomun toma okanisa loka Laodikia. Kobu kolimokinite
eyuunak ebe karai kengaasi kes ekek kosodete acamakin nges alomar, ebuni
ainyam kakes, kes da Kanges. Akirot naka Greek na itosomatai kane aboisit
naka’aiyam’ apolouke arai inyamat luka apaaran arai luka epucit. Eraas
nu aputo luka inyamata luinyamete ijo keda ekon ekale ka ipapero. Eraas nu
inyamat luinyamete yes keda aiyalama ka alakanar. Ejai amina, epaperone
ka aimorikikina toma okokoro lo.
Koany isumunikit Kristo mere bon ebe elosi nges ainyama [aijanakin] ka
Ike tunga konye elosete kes da ainyam ka aijanakin ka Nges. Mam nu
epedoret alosit komam ejenuna. Kijeni oni ebe etau loka Kristo erai loka
aijanakin nepepe ka itunga Ke. Kane, kikotenen, kotoma okokoro lo
kilimokinit oni ebe iketunga da elosete aijanakin ka Nges. Iyalamikinos kes
da kotoma ajaut Ke kakes kwape epapero ka ipapero.
Kwangin da Itetemit Yesu kotoma Yokana 15:13-15 aputo na epaperone
lokajatotor Nges kangun lueraas lukeng:
Emamei yene ejaas ka amina naepol aitelekarit na,
itunganan ainakin akeijar kanuka ipaperoke. Iraas
yesi ikapapero arai iswamaete nukecorakin yes. Mam
kanyarit bobo ibulesin, naarai ebulesit mam ejeni
nuisomai ejakaitike, konye kanyarai yes ikapapero,
naarai ketejenu yes kere nueirarit Kama ejai
Papaka.”
Erai abeit ebe Ejakait Yesu erai eok Edeke. Nukija ka woni kere Nuke.
Kebu nges aijar toma wok, kikotenen, iswamai ngun mere kwape Edeke
bon konye kwape epapero wok. Ejai adoketait naka amina kotoma
nukilimokit oni Ejakait kane. Akejaut mam erai apedori ace kotoma awate
wok konye epaperone loidul noi nejai anaikina ka aimor. Kisinapikit Nges
oni, itogogongikit oni ido da kiuyuarit kwape ipapero Ke.
Kilimokinit oni Yakob 1:5 ebe arai kikoto oni acoa ka aitetenario nuekot oni
aswam ailip nejai Ejakait:
Arai ejai K’ayes yen iwolikinit acoa, kilip Edeke
loeinakini kere kajalit, kwabo mam itoroninges da
einakinio.
Ipilipin 4:13 kilimokinit oni ebe namam oni kijaar ka agogongu aiyatakinit
aswam, apedori ka aisipedorio kane ejai Epapero loapolon, ejai akanin wok:
“Apedori kere kotoma kangol kaloketogogongi.”
Epaperone loka Kristo erai lowok cut mam oni bon kinera kanges konye
Nges da kaoni koinakinit oni apedorite aipup Eke eporoto. “Iirarete
akamerekekin ekaporoto, ajeni kes, kes da katupito eong” (Yokana 10:27,
KJV). Eporoto lo, karaida mam ikalalai, mam epodoi erai abeit ido
isinapikini. Ngaibo kaoni mam epupunitor eporoto ingarenikin, isinapikini
arai itogogongi kes kotoma apipilu ka aitotolikina kotoma aijar?
Kwape idwe Ke, kiinakinit oni Ejakait Yesu akii nuepupete eporoto Ke.
“Kotema Yesu atiar, ‘Yenejaas akii nuka akiirar, kiira’” (Marako 4:9).
Etunganan lomam iyuunit mam epatanakin ajenun abeit na. Kanu eiyuunan,
kikotene, kijeni oni eporoto ngol loka Edeke kotoma Omoyo wok.
Kiwanyun oni akengarenikin ka aisinapikin naejai nges ido kapupunete Eke
Moyo inera. Aputo bani aiyalama na ajenunu akiro nu ainapakin ka
aitogogongio kotoma Omoyon wok.
Kwangin da itijenikini Emoyo loka Kristo ka ‘’nuok ebe kirai odwe luka
Edeke ‘’ (Iromayon 8:16). Kwape ikiliok ka angor kijeni oni epone loepolor
ajaut ka aitogogongete naka amina naka angor wok. Araida kwape ipapero,
ekoto ewok epaperone aitogogongit kangin paaran. Ejene Edeke eipud
loetunganan nges itogogongitor oni kotoma opaperone Ke ka oni kotoma
oiner ka Imoyon wok. Kieikin Nes: “Iraasi yes luka” toma aki wok nuka
Emoyo. Kitogogongit Nges oni eidicane kanges ka Ake ajaut toma aijar
wok.
Aitogogongete naka Emoyo erai nuwok cut.kotema Charles Spurgeon,
kotoma aisisianakin ke akou naka akirot “Amuno Naileleba ebe:
Emamei ibore yene esupana kwape ajenanut na
Edeke kotoma wok naepedori aisimonikin eKristayot
loka abeit. Ejai Emoyo loka Edeke elopet kopone
loitegelikina ajenun inera toma aijen wok ka kotoma
otaon arai mam inapakina ido isililing iwok Imoyon
komam ejaunos bobo.[3]
Ngun nucut eraas nuka Kristo epupunete eporoto lo ido emunokina kotoma
otaon kes. Isinapikitai imoyon kec Emoyo loka Kristo. Ejaas kes keda
ainapakina naka toma ka aitepesenio naibuni Kama ejai Emoyo loka Edeke
ngol lokotoma amina itijenikin nejai Ikes imoyon ebe eminai ido ecamunit
ekec Edeke.
Opupok nu enera Yesu kotoma Yokana 8:42-44:
Kotema Yesu kes atiar ‘’Arai kerai Edeke papakus,
tikiminas eong, naarai abu kalom Kama ka Edeke
kabu, naarai mam kabuni kanukang bon, konye nges
kejukunit. Kanukinyo mam ijenuniata ngun nuenera
eong? Naarai mam ipedorete aiirar akakirot. Iraas
yes luka Satana Papakus, ikotosi da aswam
airangaanut naka papakus.’
Kolimok Ejakait Yesu numam iyuunito kaparasia Ke ebe mam kes iirarete
nges naarai mam kes eraas Nukeng. Ngun lueraas nukeng, kikotene da
einakit Ejakait aki akiirar Eke eporoto loka amuno. Ineraas Eke moyo ka
nuok.
Ikoto ijo ajenun ebe irai cut Loke? Ipedori ijo ajenun kotoma apuponokin
ajenanut naka Emoyo Ke kotoma otaon kon. Mam ekoto amunaar eporoto
lo keda aomisio arai ipudesia wok. Erai lo eporoto loka epapero ka ejakait
Edeke loisialamikit aitogogong oni kotoma adoketait wok ka Nges. Erai lo
eporoto lo iirari ijo bon naarai kijaikitai aki nu aiirar.
Ejeni Yesu ejautene loka etuganan. Ejeni aitaritoi naejai ka abuonokin.
Kwape ekilokit loemina ka epapero, ekoto Nges oni ayuara kotoma
oidicane ka Nges. Erai Ake aiyalama aisitikin oni ake amina ka aitim
kanuok. Isomai nges kopone loka eineri ka Emoyo Lokalaunan kotaon wok,
komoyo ka aijen. Aitogogonget na einakin Ejakait edeparit aipup arai
amuno. Erai aitepesenet kotau naidul. Ingarenikin ikedwe atemar: “Ajeni
arai eong Loke.” Karai irai ijo Loke, ipupuni Eke Moyo itijenikin ekon
moyo ebe irai ijo Loke.
Ngaibo ekilokit loekotokin aberu namam emuno ake amina arai ainakina
nejai nges? Ngaibo awurian nomam epupuni apipilu kotoma awomit ebe
mam Ikec ikoku ejeni akes amina? Ejaas Edeke da keda eipud loidul noi
aitijenikin Ake amina ka amuno nejai ijo elope. Elosi aisinepun amuno ngin
toma aijen kon ka etau. Elosi aitaraun ekepelu aitogogongo ijo konye korai
taai, mam ijo ipedori ajenun Eke eipud. Elosi Eke Moyo aitijenikin ekon
moyo kosodi aitodikin ijo ebe irai Loke.
Karai ikoto oni ajaut ka amuno naka aitajario, ekoto ber oni nasodit, aimo
ajenanut na akejaut ka aswam naka Kristo kotoma aijar wok. Aiyareikin,
ekoto oni acamun amuno naka ajenanut ke Emoyo Loka Edeke kotoma
aijara wok. Ebuni Emoyo loka Edeke ainakin ijo amuno ebe irai ijo ikoku
yenika Edeke. Ngun luejenete Edeke aitepesenio nakotoma na Emoyo loka
Edeke. Arai ikoto ijo adumun aitogogonget naka akon aitajario ikoto ijo
aiirar ekeporoto lokotoma amuno. Erai na kotoma abeit aiyeya naipol
kiding ijo ka ekon Edeke. Eiyuunan loka abeit, kikotene, nges itijenikitai
kotoma otauke Emoyo Loka Edeke.
Nuitupitono:
Epone ban ineratotor Emoyo loka Edeke ka eiyuunan?
Kanu inyo epolor eyuunan airar nu ejakait Edeke akiro nu
aitajario? Ejai ece eporoto loepedori ayangaun aput amuno kana?
Kineranan Emoyo loka Edeke ka emoyokon, epone bani
itogogongitor eke eporoto ijo?
Kanu Ailip:
Imala Ejakait ebe akejaut inerasi ka’oni aitogogongo eidicane
kanges. Imala Ejakait ebe isialamikit aitogogongo oni akejaut ka
edicane kaoni.
Ilip Ejakait Edeke kijaik ijo akii nu epupunete Eke eporoto
kotoma omoyokon.
5 - AJENANUT NA AKE
KIROT
Kiwanyu oni kotoma asiometa nuipu kokau ebe amuno naka aitajario ebuni
Kama ejai ajaut naka Ejakait kotoma aijar wok keda ajenanut toma omoyon
wok. Kotoma asiometait na, kilosi oni asesene epone ece loepol loka
amuno.
Kiinakinit oni Edeke Ake Kirot kotoma aiwadikaata. Mam Edeke ijula,
karaida Ake Kirot. Kitogogongit Yesu oni kotoma Matayo 5:18 kobala ebe:
Naarai abeit katemari yes atiar, Aitodol naedaunotor
akuj ka akwap, mam cut adaun inyukuta idiopet,
karaida aitakinet adiopet naka ikisila, aitodol
neitodolokinere kere.
Kipedori oni aijen Akirot naka Edeke. Erai namunot noi.
Ejaas asiometa nuepolok noi nuejaas toma apapulai nuka Akirot naka
Edeke. Kilimokit oni Yokana 3.18 kapukoro:
Ngin yeniyuuni nges mam itelekarete akiro, yenimam
iyuuni nges adaut akiro aitelekar, naarai mam abu
kiyuu ekiror loka okoku loteluna loka Edeke.
Kidau oni awanyun ebe epatana etunganan aiyuun akiro nukamunitos Yesu
komam epedori aitajaraun kotoma adiakar ke. Yokana 3:18 mam inera
nuikamunitos aiyuun ebe ejai Kristo arai inyobo kabunio Nges, karaida erai
na atutubet naepol noi kotoma akirot ‘’ aiyuun.” Akirot na itosomatai kane
ka Greek, erai apolou ke ebe aisikamikin aok aijar nakomoyo akanin ka
Kristo. Etunganan loiyuuni kabeit nges loingadakini nuke kere nejai Kristo
ka Ake aswam.
Kotoma Oitabo loka Ageun kisiomi oni eyemut loka Yosep epone
loagwelarere nges toma obulesene kosodi nges araun ekayaiton loka etogo
loka Potipa. Kilimokitai oni kotoma Ageun 39:4 ebe komunokin Potipar
Yosep kosodi adakakin nges ayaite ikeboro kere nuajatotor kanges.
Kowanyu epone lokobunio kisomatotor kotoma aijarake Potipar atupite
Ageun 39:6:
Kinyekik kere kanginibore yenajaatatar nges,
kakanike Yosep, komam ejeni ibore yenejai kanges
nabarai inyamat lukenyamenenei. Ido arai Yosep
lotemel, akekonyen da nuisiyalamikinete.
Konye Potipa, aiyuunite Yosep apolouke ebe mam bobo nges ikamunitos nu
idiobore kere. Kobu kibwaik ake amuno kere nejai Yosep. Erai na aputo
naka aiyuun na inera Yokana kane. Karai kitema oni ebe kiiyuunit oni Yesu
kanu aok aitajario, Kwape Potipa, kilosi oni ainyekin nuijatotor kawoni
kere akanin Ke. Kititingikin woni akiro kere nejai Nges.
Na kitamara oni kabeit ebe kiiyuunit kopone kalo, ido aok amuno kere kojai
nejai Kristo, kija keda Ake aisumunet kotoma Yokana 3:18 ebe mam akiro
itelekarete oni. Mam oni kitelekario naarai Kristo nges itacakini ido Nges
idari oni. Erai Ake aswam nges erai abwoetait na aitajario. Arai nu
ikamunitos eong elope, mam ti eong kijaun keda amuno, naarai ti eong
ebironor duc. Aka aiyuun mam ejai ne ajai eong elopete, karaida, konye
nejai lokapolon Kristo loemina. Amuno eong Nges ka Ake aisumunet
naebala ebe: “Ngin Yeniyuuni nges mam itelekarete akiro” (Yokana 3:18).
Kotoma ke ejai amuno naepol.
Ejai aisumunete ace toma Iburanian 13:5:
Ebala Edeke ebe, “Mam ketukurwori ijo cut, karaida
aijal.”
Eumokina epone aisumunet kana. Kiwanyunit oni ebe aok amuno naka
aitajario ejai toma Kristo. Isumunikit nges ngun nuejai Nges tomakes ebe
mam Nges elosi aijal kes. Mam ekot eong adolokin angetakinet naka alosit
kotoma omoyo do konyete eong awanyun ebe abu Kristo kajalaki eong
korot. Ekejautene esalakin duc aitogogongit eong kanu etogo ka loko kuju.
Mam eong duc ebusakinit ebe kosalak Nges kaeong. Apedori eong aitipipil
Eke Moyo ice sawan kasodi aibirokin adiakar. Aisumunet naka Edeke
esalakit, kikotenen: “MAM eong kenyekin ijo, MAM eong kajali ijo.” Ne
elaira eong nejai akaberu kotoma opeta ka, abu eong kesumunik ebe alosi
eong amina nges ka aiyongo nges kotoma adeka,ka angaleu, kotoma ajokis
ka ationis. Erai na aisumunet na iswamai Ejakait kotoma asiometait na. Ejai
alimokin oni ebe elosi Nges asalakin nekijai oni. Karaida kotoma apakio
nueroko nuajalitor nges, esalakit Edeke emuno neajai eong. Ake ainakina
neajai eong, egogongo noi adepar nekabu eong eswamate nejai akaberu.
Kebu Nges aijar otawon wok, ebunit aiboi kanukajokak arai kanu eronok.
1 Yokana 5:18 kitogogongit neijai oni ebe ebuni Kristo ayuar oni Kama ejai
ekaronon:
Kijeni ebe ngin kere yen eurio Kama ejai Edeke mam
ediakari, konye loeurio Kama ejai Edeke ericit nges,
mam lokaronon etirori nges.
Egogongo Satana adepar eong konye ija eong ka Ejakait Edeke. Apolouke
ebe edaritai ka ayuaritai eong Kama ejai lokasurup. Karaida etamaki Satana
keda ake agogongu kere, mam epedori aitiaka eong Kama ejai aidario na
ebuni kama ejai Papaka loko kuju Loisumunikit aidar eong. Mam na
itodunit ebe mam eong alosi aiticanio kanu akaiyuun. Atironori duc eong
Satana konye mam nges itelekari arai alacari edicane ka keda Edeke.
Isumunikitos aiwadikata kotoma Obaibuli ebe elosi Edeke aidarenen ka
ayuarit oni Kama ejai ngol lo esurokit Emoyon.
Nejaar Kristo toma wok ijaa kagogongu aipikor adio aitemesio, ainingosio
arai loka asurupi loikeun asurokin oni. Kilimokinit oni ekeyakia Yokana
kotoma. 1 Yokana 4:4:
Idwe ludidik, iraas yes luka Edeke, ipikosi kes, naarai
epol ngol loejai tomakus adepar ngol loejai toma
akwapin.
Ejai ibore yeni epol noi arai egogongo noi epedori alemari ijo Kama ejai
Ejakait? Epol Nges noi adepar adio adiakar kere naipedori ijo adoere toma.
Epol Nges adepar edio ejie loka emoyo arai adio langir kere naitereikin ka
oni. Epol adepar Satana ka ikemalaikan kere. Karai ejai Kristo neijai ijo ido
kisumunikite mamu kinyekin ijo apolouke ngaren kon ejai akanin ka Edeke
lomam ipikorio. Koinak akoni aijar nejai Nges ijo omunokin Nges aidaar
ijo.
Eyakia Paulo, iwadikai nejaas Iromayon kotoma Iromayon 8:35-39
kolimoki kes nuta:
Ingai bo kitiaki oni kamina naka Kristo? Arai bo
ican, arai aridakinio, arai areio, arai ebeli, arai
amujalal, arai aronis, arai ekileng? Kwape
iwadikatere ebe, ‘’Kanukon kiario aitiwar akwap,
Kimario bala amerekekin nutubutubo." Konye
kotoma ngun kere kipikor noi kanuka ngol lokimina
oni. Naarai etogogongi ebe karaida atwanare,
karaida aijar,karaida imalaikan, karaida lueyaito,
karaida nuejaas,karaida nuejaunete, karaida
lukapedor, karaida amukurur, karaida aidules,
karaida isubata kere, mam kipedorete aitiak oni
kamin naka Edeke nejai toma Kristo Yesu
Ejakaitiwok.
Iticautos nuiwadikatai ebe emamei adio agogongu kotoma kakuj, ogeyana
arai akwap naepedori aitiak oni kotoma amina naka Ejakait Yesu.
Koanyu nuebala Paulo kotoma asiometait na. Kilimokinit oni ebe emamei
ibore yeni kitiaki oni kotoma amina naka Kristo. Epolo oni ajenun kane ebe
kinera oni nukamunitos amina naka Kristo kanuwok mere naok kanuka
Kristo. Aok amina kanuka Kristo duc ibironor. Mam duc oni kimina nges
epone loebeitor. Kotoma nuiwadikatai, enera Ejakait nejaas ikedwe
nuikamunitos akes amina naibironor. Karaida ibironor akamina kanuka
Kristo, kilimokit oni Paulo kane ebe amina ka Kristo kanuke itegelikina.
Emamei ibore yeni epol noi kotoma asubio yen epedori aitiak nges kotoma
amina naka Kristo. Aka amuno mam epedori araut etia lo aminar eong
Kristo konye ti erai duc etia lo aminar eong Kristo. Ijanga naka amina
konye Nake egogongo ido kosipo. Emamei ibore ijulakin Akemina kanuka.
Ngin nges aka amuno ka atitingu.
Ejai oni bobo ace aisumunet Kama ejai Edeke Lomam esabi iwadikatai
kotoma Ipilipin 1.6:
Eong da etogogongit ebe ngol loabu kogeu aswam
naejok kotomakus, itodoli kitoni apaaran naka Yesu
Kristo.
Nu ageu Ejakait Yesu kotoma aijaar kon, engetakini Ngesi. Ainaki Nges
elope Ake aijaar mama wok ido ekapakina angetakin ngun nuabu kogeu
kotoma aijaar wok. Iwanyuni ijo ebe erai Kristo Nges kobu kogeu aswam
kotoma wok ido erai bobo Kristo nges elosi ngaren itoni angetakin. Mam
ekokoro lo ikamunit eong ka agogongu ka, ekamunitos Kristo ka nuejai
nges aswam kotoma ka.
Elosi aiyatakin aswam kotoma wok itoni ne kiriamunor ka Nges akonyen ka
akonyen. Yuda 1:24-25 ibwaikit kopone kalo:
Mama ejai ngol loepedori aidar yes kinyeis aiguikin,
kaisubwo yes kakonyen nuka aibusesuke komamei
aitoronet kaiyalama naepol noi, Mama ejai Edeke
ediope bon, Eketajaraniwok kanuka Yesu Kristo
Ejakaitiwok, kojai aibuses, ka apedor, ka ailerit, ka
apolou da, ageikIn ikar kere, tinenikwana da, ido ikar
kere,! Amen.
Eumokina epone aisumunet kana kotoma okokoron kanu. Nukobu Ejakait
Yesu kogeu kotoma aijar wok engetakin. Aitajario mam erai ainakina naka
eyuunan nejai Ejakait Yesu kwape eraari naka Kristo nejai eyuunan. Kobu
koinak akeijar aitaca apesen namam oni kipedori aitaca. Ebuni aijar toma
aijar kangun luengaara itaon aijaun Nges. Isumunikit Nges mam kijali oni.
Eyinakina Elopete aidar ka ayuar oni. Akekote erai aitodiar oni nejai
Papake komamei aitoronet arai aitepesenet. Aitajario erai aswam naka
Kristo Yesu kotoma aijarwok acamun, aitim, aidar ka aiteten oni toma aputo
naka Papake.
Ibore yen epol ajenun kane erai ebe ainakin Ejakait Yesu kanuwok. Kijaa
oni kaisumunet naka Ake akirot ebe Nges lokobu kogeu aswam kotomawok
elosi aiyatakin ido engetakini aswam ngin. Ake amina kanuwok mam
enangi, karaida emidimid nawok ido kosedeny ice sawana. Isumunikit
aidara oni kosodi aitodiar oni nejai Papake kadope paaran komamei
aitoronet. Erai na Ake aisumunete nekijai oni. Aok amuno naka aitajario
ebunit kotoma ‘’Kristo kotomakus’’, ajenanut naka Eke Moyo, ka akirot
naka Edeke namam esabi.
Nuitupitono:
Anyoika aisumuneta nuka Kristo nejai eyuunan kotoma
asiometait kana?
Ti kipedo adumun amuno naka aitajario karai ebe amuno ngin
kojai kanuka?
Biai epodoria aijen kon ka agogongu ajenun ebe amuno naka
aitajario ejai toma Kristo ka Ake swam? Ejali Ejakait
akeisumunet? Epedori nges aipikor atiokisio nuitereikinos kajo
kotoma aijar kosodi aitodiari ijo nejai Papa?
Kanu Ailip:
Imala Ejakait ebe araida etapit isio ajaut keda anonoku kasodete
aibiror ebe ejok Nges einakina nekijaa oni.
Ilip Ejakait aitim ijo kanu apak nalem isesenia akonikuwan
elopete kanu amuno naka aitajario. Imala Nges ebe akoni aitajario
ebwoi kotoma agogongu kon konye kotoma aswam naedolit na
adau Nges aswam.
Imala Ejakait kanu Ake aisumuneta nuiwadikatai nukiinakito oni
agogongu kotoma ainakina Ke neijaa oni.
6 - AKIRO
NUENGETAKINETE
Arai ejai idiope ibore yeni akoto eong kangin asioman airic kotoma aisisia
na amuno ka aitajario, erai ebe kangin amuno ekoto kojai toma aswam naka
Kristo. Mam cut eong alosi ajaut keda amuno naka aitajario karai aseseni
eong aijar ka elope arai akagogongu kanu amuno kana.
Abeit cut erai ebe etapit duc eong aibironor. Aka mina kanuka Kristo mam
esipo duc kwape ebeitor. Mam eong duc ajari aijar naebeit eong. Kotoma
ajokis mam kebusakinit eong aitajario ngin na ekorakini Ejakait. Karai
kaseseni eong elopete akaijar, ejaun eong aiyalolong.
Akamuno ebwoi kotoma oboro iuni—Kristo ajautu tomaka, aitogogongete
naka ajenanut naka Eke Moyo nejai ekamoyo, ka aisumuneta nuka Ake
akirot. Kristo bon nges akamuno. Emamei adio amuno dimarai ngin
nakidumuni kotomake.Ketogogongitai eong mere kanu esomai eong konye
kanu aswam naka Kristo kotomaka. Etogogongitai eong mere naarai epol
aka ainakina nejai Kristo konye naarai einakina Nges elopete neka.
Ijeni ijo aitajario naka Ejakait Yesu lolo? Mam eong kengisit ijo arai iraijo
etunganan loka ediini. Mamu bobo eong kengisit ijo arai iyuunit ijo
aibungete naka aisisianakinata. Akapodokini mam erai epone loijaria ijo.
Akapodokinit erai ebe ingaa ijo ekoni etau toma aitim ka aswam naka
Ejakait Yesu ka Eke Moyo. Aitajario ikamunit noi ngun nuisomai Kristo
adepari ngun luisomai oni. Ijenu ijo Ake ailongario ka Ake aswam naka
aiteteunio? Kiiinaki ijo Eke Moyo loejai tomakon aitogogonget ebe irai ijo
loka Kristo?
Karai emamei ijo aitogogongete na lolo, anyarit eong ijo aibelokin akon
awomisio nejai loerai ediopet bon loepedori ainakin ijo amuno arai
aitogogonget. Ilip Nges kitim ijo. Ilip Nges abunore toma aijar kon
ayangaun aitajario tomakon. Itibwou amunokina toma ngun nulemu isomai
ijo kosodi aibwaikin akon aijen ka amuno kere namam etiakak kacamunit
toma ngun nuisomata Yesu ido elosi aiyatakin aswam kotomakon.
Amuno naka abeit naka aitajario ebuni karai kibwaik oni awok amuno kere
kasodete amunokin ajaut naka Ejakait Yesu ka Ake swam, aitepesenete
naka ajenanutu naka Eke Moyo kotomawok ka Ake akirot naka aisumunet
namam ibiror kwape ejaar kotoma nuiwadikatai.
End Notes:
[1] De Perrot, Bernard, “Les Plus Belles Pages de Finney”, Flavion-Florennes: Editions le Phare,
1979, page 123.
[2] Henry, Matthew, Matthew Henry’s Commentary, New Jersey:
Fleming H. Revell Company, Volume VI, page 913.
[3] Spurgeon, C.H., “Full Assurance” found at http://www.spurgeon.org/sermons/0384.html