ምርጫችን

የመምረጥ ነጻነታችን እና የውሳኔዎቻችን ተጽዕኖ

 

ኤፍ.ዋይኒ ማክ ሌዎድ

 

ላይት ቶ ማይ ፓዝ የመጽሐፍ ስርጭት
Sydney Mines, Nova Scotia, CANADA B1V 1Y5

 


 

ምርጫችን

የቅጂ መብት 2020 በኤፍ. ዋይ ማክ ሌዎድ

መብት ሁሉ የተጠበቀ ነው። ከፀሐፊው የጽሑፍ ፈቃድ ውጪ የትኛውም የዚህ መጽሐፍ አካል በማንኛውም መልክ ወይም መንገድ ሊሰራጭ ወይም ሊተላለፍ አይችልም።

ካልተጠቀሰ በስተቀር ሁሉም በዚሀ መጸሐፍ ውስጥ የተጠቀሱት የመጽሐፍ ቅዱስ ክፍሎች የተወሰዱት ከEnglish Standard Version, copyright 2001 by Crossway Bibles, a division of Good News Publishers. ነው። የተፈቀደ። መብት ሁሉ የተጠበቀ ነው።


 

ማውጫ

መቅድም... 4

ምዕራፍ 1 ምርጫ እንደ ነፍስ ተግባር. 7

ምዕራፍ 2 የሰው ምርጫ እና የኃጢአት ውድቀት.. 13

ምዕራፍ 3 የመምረጥ ነጻነት.. 19

ምዕራፍ 4 የውሳኔ እና ቁርጠኝነት ተጽዕኖ.. 27

ምዕራፍ 5 የምርጫ ጥሪ. 35

ምዕራፍ 6 በምንመርጠው ምርጫ የመጽሐፍ ቅዱስ ምሪት.. 44

ምዕራፍ 7 የመንፈስ ቅዱስ ምሪት እና ውሳኔዎቻችን. 51

ምዕራፍ 8 እግዚአብሔርን የሚፈሩ አማኞች ምክር. 59

ምዕራፍ 9 ውሳኔዎቻችንን የሚከታተል አምላክ.. 67

ምዕራፍ 10 በውሳኔዎቻችን ጌታን መፈተን. 75

ምዕራፍ 11  ኃጢአት: አመጸኛ ፈቃድ.. 85

ምዕራፍ 12 ደህንነት: የፈቃድ መታደስ.. 93

ምዕራፍ 13 መቀደስ: የፈቃዳችን መማረክ.. 101

ምዕራፍ 14 እምነት: ከፍጻሜ የመድረስ ጥንካሬ.. 107

ምዕራፍ 15 ጸጋ: የመውደቅ ነጻነት.. 115

ምዕራፍ 16 የተስፋ ቃል ኪዳኖች አምላክ.. 124

ምዕራፍ 17 የቅዱሳን ውሳኔዎች.. 133

ላይት ቱ ማይ ፓዝ የመጽሐፍ ስርጭት.. 142

 


 

መቅድም

 

እግዚአብሔር ከሰጠን መሠረታዊ ነፃነቶች አንዱ የመምረጥ ነፃነት ነው። እንግዲህ እሱ የምርጫ እና የውሳኔ አምላክ ስለሆነ ይህ የእርሱን ባህሪ የሚያንፀባርቅ ነው። እኛ ግን መቼም ቢሆን ይህንን ነፃነት አቅልለን ማየት የለብንም በአዳምና ሔዋን ምርጫ ምክንያት ኃጢአት ወደዚህ ዓለም ገባ፣ከዚያ ጊዜ ጀምሮ በኃጢአት ምክንያት የመጡ ውጤቶችን  እየተቀበልን እንገኛለን።

የምናደርጋቸው ውሳኔዎች በሕይወታችን ቅርፅ እና ሁኔታ ላይ ከፍተኛ ተጽዕኖ ያሳድራሉ። በዚህ ምክንያት የምንወስደው መንገድ ልምዶቻችንን እና ዕጣ ፈንታችንን በጥልቀት ሊለውጠው ይችላል።

የምናደርጋቸው ውሳኔዎች በጣም አስፈላጊ በመሆናቸው፣ጌታ በምርጫዎቻችን ውስጥ እኛን ለመርዳት ጣልቃ አይገባም። መመሪያችን ይሆን ዘንድ ቃሉን እና መንፈስ ቅዱስን ሰጥቶናል። እንግዲህ እሱ ውሳኔዎቻችንን ይመለከታል፤ከዓላማው ስንጎድል ደግሞ በቸርነቱ ይቅር ይለናል።

ስለሆነም ይህንን ነፃነት የሰጠን አምላክ አሁን መብታችንን እንድንጠቀም ይጠራናል። አስቀድሞ የመረጠን አምላክ አሁን ደግሞ እንድንመርጠው ይጠይቃል። ውሳኔ ላይ አለመድረስ አማራጭ አይደለም። ኢየሱስ ከእርሱ ጋር ያልሆነ እንደሚቃወመው ተናግሯል (ሉቃስ 1123) ። በሎዶቅያ ለነበረው ቤተክርስቲያን በራድም ወይም ትኩስ ባለመሆኑ ምክንያት ከአፉ እንደሚተፋው ተናግሯሮ ነበር (ራዕይ 315) ።  

እንግዲህ ቁጭ ብለን ስናስብ የክርስትናን ሕይወት መኖር ለእኛ በጣም ቀላል መስሎ ይታየን ይሆናል። የጉዳዩ እውነታ ግን ከእግዚአብሔር ጋር ባለን ግንኙነት ማደግ ከፈለግን እኛ ልንወስናቸው የሚገቡን ውሳኔዎች ይኖራሉ። ከጌታ ከኢየሱስ ጋር በምንጓዘው የሕይወት ጉዞ ብስለት ከመንፈሱ ሥራ ውጭ ሊሆን ባይችልም፣የምንወስናቸው ውሳኔዎች እና ቁርጠኝነቶች እንዲሁ ከእርሱ ጋር ባለን ህብረት እና ቅርበት ላይ ከፍተኛ ተጽዕኖ ያሳድራሉ።

እንደማንኛውም ወቅታዊ ጥናት፣ይህ አጠቃላይ ስዕል አይደለም። በእርግጥ እኛ ከምናደርጋቸው ውሳኔዎች የበለጠ በክርስትና ሕይወት ጉዞ ውስጥ ብዙ ነገሮች አሉ። በምሰራቸው ነገሮች ውስጥ እንዲመራኝ እና አቅጣጫ እንዲያሳየኝ የእግዚአብሔር መንፈስ እንደሚያስፈልገኝ በጥብቅ አምናለሁ። ያለ ኢየሱስ ክርስቶስ ሥራ ማናቸውም ውሳኔዎቻችን በመጨረሻ ምንም ለውጥ አያመጡም። እኔ ደግሞ እግዚአብሔር በመጀመሪያ ስለወደደኝ እንጂ እሱን ለመውደድ በጭራሽ እንዳልመረጥኩ አምናለሁ። እሱ ቅድሚያውን ይወስዳል፣ዳሩ ግን እኔም ለእሱ መላሽ መስጠት ይኖርብኛል። በማንኛውም የሕይወት ግንኙነት ውስጥ እንደዚህ አይደለምን? እኔ ባለቤቴን መውደድን ልመርጥ እችላለሁ ይሁን እንጂ እርሷም ደግሞ በምላሹ እኔን ለመውደድ ትመርጣለች።

ምክንያቱም እግዚአብሔር እኛን ለመውደድ እና ራሱን ለእኛ ለመግለጥ ስለመረጠ፣አሁን ለእርሱ በቅንነት ምላሽ የመስጠት መብት አለን። እግዚአብሔር ለሕይወታችን አስደናቂ የሆነ ዓላማን በፊታችን አስቀምጧል። አሁን ልባችንን ከፍተን ያንን ዓላማ እንድንቀበል ይጠብቀናል። ለብዙ ዓመታት መጋቢ ከመሆን ሃሳብ ጋር እታገል ነበር። እግዚአብሔር ያለማቋረጥ መጋቢ በምሆንበት ሁኔታዎች ውስጥ አሳልፎኝ ነበር። በመጨረሻም ጌታን እሺ ጌታ ሆይ፣ይህንን አደራ እቀበላለሁ ያልኩበትን ጊዜ አስታውሳለሁ። ከዚያን ጊዜ ጀምሮ ነገሮች በልቤ ውስጥ ተቀየሩ። እግዚአብሔር ለህዝቡ ጥልቅ ልብ ሰጠኝ፣በሄድኩበት ሁሉ የመጋቢ ክትትልና መንፈሳዊ እንክብካቤ የሚሹ ሰዎችን እንዳማገኝ ተረዳሁ። እግዚአብሔር አንድን ሥራ መርጦልኝ ነበር፣ዳሩ ግን በእሱ ላይ ያለውን የበረከቱን ሙላት ከመለማመዴ በፊት ያንን ሚና በፈቃደኝነት መቀበል ያስፈልገኝ ነበር። እርሱ ለእኔ የመረጠልኝን መምረጥ ያስፈልገኝ ነበር።

በመሠረቱ፣የክርስትና ሕይወት ለክርስቶስ ፈቃድ እና ዓላማ መማረክ ነው። መማረክ ምንድ ነው? መማረክ ማለት የእግዚአብሔርን ዓላማ ለሕይወቴ የመቀበል ፈቃድ እና ነፃ ምርጫ ነው። ይህንን እናደርግ ዘንድ እግዚአብሔር እየጠራን ነው። እርሱ አስቀድሞ ስለመረጠን እርሱን እንመርጥ ዘንድ እየጠየቀን ነው።

 

በዚህ ጥናት ውስጥ የመምረጥ ነፃነታችንን በተመለከተ መጽሐፍ ቅዱስ ምን እንደሚል እንመረምራለን እንዲሁም ስለምናደርጋቸው ምርጫዎች እና ውሳኔዎች ቅዱሳት መጻሕፍት ምን እንደሚሉ እንገልፃለን። እግዚአብሔር ለክብሩ እንድንሆን ያሰበውን ሁሉ እንድንሆን አስፈላጊ ውሳኔዎችን ለማድረግ እንችል ዘንድ ይህንን ጥናት በማጥናታችን ጌታ ክብሩን ይወሰድ።

 

ኤፍ.ዋይኒ ማክ ሌዎድ


 

ምዕራፍ 1 - ምርጫ እንደ ነፍስ ተግባር

 

የሰው ፈቃድ ጥያቄ ከዘመን መጀመሪያ ጀምሮ ውይይት የተደረገበት ነው። ጥንታውያን የግሪክ ፈላስፎች ስለ ሰው ፈቃድ ትርጓሜ እና ገደቦች ክርክር አድርገውበት ነበር። የጥንቷ ቤተክርስቲያን የሥነ-መለኮት ምሁራንም እንዲሁ ይህን ጥያቄ ከመጽሐፍ ቅዱስ እይታ አንጻር መርምረዋል። በእርግጥ እነዚህን ታሪካዊ ክርክሮች መመርመር የእኔ ዓላማ አይደለም። እንደ መንፈሳዊ መጽሐፍት ጸሐፊ ዓላማዬ የሰው ፈቃድ ምንነት እና ከእግዚአብሔር ጋር በሚኖረን የህይወት ጉዞ እና ግንኙነት ላይ የሚያሳድረውን ተጽዕኖ በቀላሉ ማጤን ነው።

እስቲ በአንዳንድ ትርጓሜዎች እንጀምር። መጽሐፍ ቅዱስ የሰው ልጆች ነፍስ እንዳላቸው ያስተምራል። ነፍስ ከሥጋዊ አካል የተለየች ብትሆንም ዳሩ ግን እኛ እንደ ግለሰብ ማን እንደሆንን ታሳያለች። ነፍስ የስሜት፣የአመክንዮት እና የውሳኔ ችሎታ ያላት ክፍላችን ናት። እስቲ ስለዚህ ጉዳይ መጽሐፍ ቅዱስ ምን እንደሚል እንመልከት።

 

የነፍስ ስሜቶችን እና ጥልቅ መሻቶች

በዘፍጥረት 34 ሴኬም ለያዕቆብ ልጅ ዲና ስላለው ጥልቅ የፍቅር ስሜት ምሳሌ ተቀምጧል፡  

8 ኤሞርም እንዲህ ብሎ ነገራቸው፦ ልጄ ሴኬም በልጃችሁ ፍቅር ልቡ ተነድፎአልና ሚስት እንድትሆነው እባካችሁ እርስዋን ስጡት። (ዘፈጥረት 34:8)

 

የሴኬም ነፍስ ዲናን አንደናፈቀች አስተውሉ። በሌላ አገላለጽ፤እርሱ በነፍሱ ለእሷ ጥልቅ መስህብ እና ፍቅር ተሰምቶት ነበር።

 

ኢየሱስ ወደ ሞቱ ሲቃረብ በነፍሱ ውስጥ ጥልቅ ስሜት ተሰምቶት ነበር። የወንጌሉ ጸሐፊ ማርቆስ ኢየሱስ ከደቀመዛሙርቱ ጋር በጌቴሴማኒ የአትክልት ስፍራ ውስጥ ያሳለፈውን ጊዜ ሲናገር

33 ጴጥሮስንና ያዕቆብን ዮሐንስንም ከእርሱ ጋር ወሰደ፤ ሊደነግጥም ሊተክዝም ጀመረና።

34 ነፍሴ እስከ ሞት ድረስ እጅግ አዘነች፤ በዚህ ቈዩ ትጉም አላቸው። (ማርቆስ 14)

 

ኢየሱስ በነፍሱ ውስጥ ጥልቅ ሃዘን እንደተሰማው በዚያ ቀን ለደቀመዛሙርቱ ነገሯቸው ነበር። ስሜቶች የሰው ልጅ ነፍስ ተግባር ናቸው።

 

የነፍስ አመክንዮት እና የማስታወስ ችሎታ

የሰው ልጅ ነፍስ የአመክንዮት እና የመረዳት ችሎታ አለው። በመዝሙር 139 ላይ ዘማሪው የተናገራቸውን ቃላት ልብ በሉ፡

 

14 ግሩምና ድንቅ ሆኜ ተፈጥሬአለሁና አመሰግንሃለሁ፤ ሥራህ ድንቅ ነው፥ ነፍሴም እጅግ ታውቀዋለች። (መዝሙር 139)

የዘማሪው ነፍስ የሰው አካል ተፈጥሮን ስታሰላስል በአስደናቂ ሁኔታ የተሠራ መሆኑን ተረድታ ነበር። ነፍሱ በእግዚአብሔር ሥራ ውስብስብነት ተደነቀች።

እንደ ሰቆቃው ኤርሚያስ 3 ገለጻ፤ይህ አመክንዮት ያላት ነፍስ በዝርዝር የማስታወስ ችሎታ አላት

19 ዛይ። መከራዬንና ችግሬን እሬትንና ሐሞትን አስብ።

20 ነፍሴ እያሰበችው በውስጤ ፈዘዘች። (ሰቆቃው ኤርምያስ  3)

 

ነፍስ ትዝታዎች የሚከማቹባት እንዲሁም ሃሳቦች የሚብላሉባት ስፍራ ናት

 

የነፍስ ውሳኔ እና ቆርጠኝነት

እንዲሁም ሌላ የሰው ነፍስ ተግባር አለ። ቁርጠኝነቶች እና ውሳኔዎች የሚደረጉት በነፍስ ውስጥ ነው። በዚህ ጥናት ውስጥ ይህንን በበለጠ በዝርዝር እንመረምራለን፤ እስቲ የዚህን ጥቂት ምሳሌዎች ከመጽሐፍ ቅዱስ ልስጥ።

ከዘፍጥረት 27 እናነባለን፡

1 ይስሐቅ ሸምግሎ ዓይኖቹ ከማየት በፈዘዙ ጊዜ ታላቁን ልጁን ዔሳውን ጠርቶ፦ ልጄ ሆይ አለው፤ እርሱም፦ እነሆ አለሁ አለው።

2 እርሱም አለው፦ እነሆ እኔ አረጀሁ፥ የምሞትበትን ቀን አላውቅም።

አሁንም ማደኛህን የፍላጻህን አፎትና ቀስትህን ውሰድ፥ ወደ ምድረ በዳም ውጣ፥ አደንም አድንልኝ፤

4 ሳልሞትም ነፍሴ እንድትባርክህ የጣፈጠ መብል እኔ እንደምወደው አዘጋጅተህ እበላ ዘንድ አምጣልኝ። (ዘፍጥረት 27)

እነዚህ ቁጥሮች ይስሐቅ ልጁን ኤሳውን ለመባረክ ያለውን ፍላጎት ይናገራሉ። በተለይም ይህ የመባረክ ውሳኔ የነፍሱ ተግባር እንደነበረ አስተውሉ ሳልሞትም ነፍሴ እንድትባርክህ ይላል። ይስሐቅ በነፍሱ ለልጁ ርህራሄ ስለተሰማው እሱን ለመባረክ እንደሚፈልግ አምኖ ነበር። ከዚህ ዓላማ ጋር ወደፊት የመሄድ ውሳኔው የነፍሱ ተግባር ነበር።

በዘዳግም 26 እግዚአብሔር ሕዝቡ በፍጹም ልባቸው እና ነፍሳቸው ትዕዛዛቱን በመታዘዝ እንዲመላለሱ አዘዛቸው፡

16 አምላክህ እግዚአብሔር ይህን ሥርዓትና ፍርድ ታደርግ ዘንድ ዛሬ አዝዞሃል፤ አንተም በፍጹም ልብህና በፍጹም ነፍስህ ጠብቀው፥ አድርገውም።

17 አንተ በመንገዱ ትሄድ ዘንድ፥ ሥርዓቱንና ትእዛዙን ፍርዱንም ትጠብቅ ዘንድ፥ ቃሉንም ትሰማ ዘንድ እግዚአብሔር እርሱ አምላክህ መሆኑን ዛሬ አስታውቀሃል።

 

እዚህ ላይ ልብ ሊባል የሚገባው ነገር ጌታ ህዝቡን በፍጹም ነፍሳቸው ይታዘዙ ዘንድ ማዘዙ ነው። በሌላ አገላለጽ በነፍሳቸው ውስጥ ለማድረግ የሚያስፈልጋቸው ቁርጠኝነት ነበር። ያ ቁርጠኝነት ለጌታ እና ለህይወታቸው ስላለው ዓላማ በፍፁም ታዛዥነት መመላለስ ነው።

ዘማሪው ይህን ሲናገር ለእግዚአብሔር የሚደረግን የነፍስ መሰጠት ተረድቶ ነበር፡

167 ነፍሴ ምስክርህን ጠበቀች፥ እጅግም ወደደችው። (መዝሙር 119)

 

የእግዚአብሔርን ምስክርነት ለመጠበቅ ውሳኔው በዘማሪው ነፍስ ውስጥ ነበር። በነፍሱ ውስጥ ለጌታ ምስክርነት ጥልቅ መሻት እና ፍቅር ስለተሰማው በእነዚህ መንገዶች ለመራመድ ራሱን አሳልፎ ሰጠ።

በነፍስ ውስጥ የተደረጉ ሁሉም ውሳኔዎች ለመልካም አይደሉም። በሉቃስ 12 ላይ የሰፈረውን የጌታን ትምህርት አስተውሉ። በዚህ ክፍል ውስጥ ጌታ ኢየሱስ ስለ ወደፊቱ እቅድ እያወጣ ስለ ነበር አንድ ሀብታም ሰው ተናግሯል።

19 ነፍሴንም፦ አንቺ ነፍሴ፥ ለብዙ ዘመን የሚቀር ብዙ በረከት አለሽ፤ ዕረፊ፥ ብዪ፥ ጠጪ፥ ደስ ይበልሽ እላታለሁ አለ።

20 እግዚአብሔር ግን፦ አንተ ሰነፍ፥ በዚች ሌሊት ነፍስህን ከአንተ ሊወስዱአት ይፈልጓታል፤ ይህስ የሰበሰብኸው ለማን ይሆናል? አለው። (ሉቃስ 12)

እንግዲህ እዚህ ጋር በነፍስ እና በመዝናናት፣በመብላት፣በመጠጣት እንዲሁም በደስታ ውሳኔ መካከል ያለውን ግንኙነት አስተውሉ። ይህ ውሳኔ ለእግዚአብሔር ወይም ለዓላማው ምንም ባለማሰብ በነፍሱ የተወሰነ ነው። በመጨረሻም፣ያ ውሳኔ ሰውየውን የሕይወት ዋጋ ያስከፍለዋል። ነፍስ ስሜት እና አመክንዮትን የያዘች ናት፤በዚህም በነፍስ ውስጥ ውሳኔዎች እና ቁርጠኝነቶች ይደረጋሉ።

 

በዚህ ጥናት ውስጥ ውሳኔዎችን እና ቁርጠኝነቶችን የሚያደርገውን ይህን የነፍስ አቅም እንመለከታለን። ከአንድ ወይም ከሌላ ድርጊት መካከል አንዱን የመምረጥ ከእግዚአብሔር የተሰጠ ችሎታ አለን። እንዲሁም በሕይወታችን ውስጥ ያሉንን ውሳኔዎች እና ቅድሚያ የምንሰጣቸው ነገሮች የመወሰን አቅም አለን።

ይህንን የመምረጥ ነፃነት በየዕለቱ እንጠቀማለን። ጠዋት ከእንቅልፋችን ነቅተን ከአልጋ ለመነሳት እንወስናለን። ከዚያ በኋላ በነፍሳችን ውስጥ ስለ ህይወታችን እና ቅድሚያ የሚሰጣቸው ሌሎች ነገሮች በተመለከተ ባወጣነው እቅድ መሠረት ውሳኔዎችን በማድረጉ ረገድ ቀኑን ሙሉ እንቅስቃሴ እንደርጋለን። እኔ እንደ ፈቃዴ ተግባር ይህንን ምዕራፍ ከኮምፒውተሬ ፊት ለፊት ተቀምጬ እጽፋለሁ። እግዚአብሔር ወደዚህ አገልግሎት እንደጠራኝ አምናለሁ ስለዚህ ለማጥናት እና ለመጻፍ ጊዜ እወስዳለሁ። እንዲሁም ሌሎች የማደርጋቸው ነገሮች ይኖራሉ። በእውነቱ፣ስለዘገዩ ሌሎች ነገሮች አስባለሁ ነገር ግን በነፍሴ፣ይህንን እንደ ቅድሚያ እመለከተዋለሁ፣ስለዚህ ለእሱ ጊዜ ለመስጠት እወስናለሁ።

ነፍስ ስሜት አላት ሲሆን እውነታዎችን ማቆየት እና ማቀናበር ትችላለች ዳሩ ግን እነዚህ ነገሮች በራሳቸው በቂ አይደሉም። ነፍስ እነዚያን ስሜቶች እና ሀሳቦች  በማጣራት ወደ ውሳኔዎች እና ቁርጠኝነት ይለውጣቸዋል። በሚሰማው እና በሚረዳው ላይ በመመርኮዝ የሚወስደውን እርምጃ የሚወስን ነው።

እንዳየነው ሁሉም የነፍስ ውሳኔዎች እና ተግባሮች ጽድቅ እና ቅዱስ አይደሉም። ኃጢአት በሰው ፈቃድ ውሳኔዎች እና ፍላጎቶች የተነሳ ይኖራል። በዚህ ምድር ላይ እርግማን ያመጣው የአዳምና ሔዋን እግዚአብሔርን አለመታዘዝ ውሳኔ ነበር። ውሳኔዎቻችን የህይወታችንን ቅርፅ እና ገጽታ እንዲሁም ከእግዚአብሔር ጋር ያለንን ግንኙነት ይለውጣሉ።

 

ለግንዛቤ፡

ነፍስ ምንድ ነው? የሰው ልጅ ነፍስ ተግባር ምንድ ነው?

 

የነፍሳችን ውሳኔ በሕይወታችን እና ከእግዚአብሔር ጋር ባለን ጉዞ ላይ አስከምን ድርስ ተጽዕኖ ያሳድራል?

 

ነፍሳችን ቅድሚያ የምትሰጣቸው ነገሮች ምንድ ናቸው ?

 

ለጸሎት:

ጌታ የማሰብ፤የአመክንዮት እና የመወሰን ችሎታን ስለሰጠን እግዚአብሔርን እናመሰግናለን። በሕይወታችሁ ትክክለኛውን ውሳኔ መወሰን ትችሉ ዘንድ ጸጋን እንዲሰጣችሁ ጸልዩ።

 

በሕይወታቸው መጥፎ ውሳኔ የወሰኑ ሰዎችን ታውቃለህን? ጌታን እነርሱን ታገለግል ዘንድ እና እርሱ ብቻ ቅድሚያ ወደሚሰጠው ስፍራ እንድታመጣቸው ጸልይ


ምዕራፍ 2 - የሰው ምርጫ እና የኃጢአት ውደቀት

 

እግዚአብሔር የሰው ልጅን ስሜት እና አመክንዮት ካለው ነፍስ ጋር ፈጠረው። ያ ነፍስ ሃሳቦችን ማዘጋጀት፣ውሳኔዎችን መወሰን እንዲሁም በአንዱ እና በሌላ ድርጊት መካከል መምረጥ ይችላል። ነፍሳችን በተረዳችው እና በሚሰማት ላይ በመመርኮዝ ውሳኔ መወሰን እና ቅድሚያን ማድረግ ትችላለች። ይህ በከፍተኛ ኃላፊነት ውስጥ እንድንገባ ያደርገናል። ከመካከላችን ትክክለኛውን ውሳኔ አድርገናል ማለት የሚችል ማን ነው? ብዙውን ጊዜ የነፍሳችን ፍላጎቶች በቁጥጥር ስር ካልዋሉ ሊያጠፉን ይችላሉ። የነፍስ አመክንዮት በእውነታው ባልተሟላ ወይም በተሳሳተ ግንዛቤ ላይ የተመሠረተ ሊሆን ይችላል።

የነፍሳችን ውሳኔዎች ሕይወትን የሚቀይር ሊሆኑ ይችላሉ። እንዲሁም በአንጻሩ አጥፊም ሊሆኑ ይችላሉ። በዘፍጥረት 2 ላይ በኤደን ገነት ውስጥ የዚህን ምሳሌ እናገኛለን።

15አራተኛውም ወንዝ ኤፍራጥስ ነው። እግዚአብሔር አምላክም ሰውን ወስዶ ያበጃትም ይጠብቃትም ዘንድ በዔድን ገነት አኖረው።

16 እግዚአብሔር አምላክም ሰውን እንዲህ ብሎ አዘዘው፦ ከገነት ዛፍ ሁሉ ትበላለህ፤

17 ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና። (ዘፍጥረት 2)

በዘፍጥረት 2:15-17 ጌታ መልካምንና ክፉን የሚያስታውቀውን ዛፍ በገነት ውስጥ እንዳስቀመጠው እና አዳምን እንዳይበላ እንደከለከለው አስተውሉ። እኛ ራሳችንን መጠየቅ ያለብን ጥያቄ ይህ ነው፤እግዚአብሔር አዳም መልካምንና ክፉን ከሚያስታውቀው ዛፍ እንዲበላ ካልፈለገ ለምን በገነት ውስጥ አኖረው?

የተከለከለውን ዛፍ በአትክልቱ ስፍራ ውስጥ በማስቀመጥ እግዚአብሔር ለአዳምና ለሔዋን ምርጫ ሰጥቷቸው። እግዚአብሔር በአዳም ውስጥ የፈጠረውን የነፍስ ውሳኔዎች አክብሮ ከፍጥረቱ ጋር የሚፈልገውን ዓይነት ግንኙነት አሳይቷል። እግዚአብሔር ለአዳም ስሜትን፣አመክንዮትን እና ጥልቅ የሆነ ቁርጠኝነት ያለውን ነፍስ ሰጠው። ግንኙነቶችን ትርጉም ያለው የምታደርገው ነፍስ ናት። ነፍስ ለሌላው ጥልቅ የሆነ ፍቅር እና ፍላጎት ይሰማታል። የአመክንዮት አቅም ፍላጎቶችን ለማስተናገድ እና ምላሽ ለመስጠት ያስችለናል። ስለ ባልንጀራዎቻችን በእውቀት እና ግንዛቤ እንድናድግ ያስችለናል። እነርሱን እና ለእኛ የሚሰጡን ምላሾች እንድንረዳ ይረዳናል። ለእነሱም አፍቃሪ እና ዘላቂ ውሳኔ እንድናደርግ ያስችለናል። ያለ ነፍስ ግንኙነታችን ሁሉ ሜካኒካል ይሆናል።

የመኪና ሞተርን እና እያንዳንዱ ክፍል ከሌላው ጋር እንዴት እንደሚዛመድ እና ተሽከርካሪው ከአንድ ቦታ ወደ ሌላ ይንቀሳቀስ ዘንድ አብረው እንዴት እንደሚሰሩ ያስቡ። እያንዳንዱ ክፍል ከሌላው ጋር በሚስማማ ሁኔታ ይሠራል ነገር ግን ሞተሩ ነፍስ የለውም። ፍላጎት፣ማስተዋል ወይም በፈቃድ ላይ የተመሰረተ ውሳኔም አይሰጥም።

እግዚአብሔር የሰው ልጆችን እንደ ሞተር ሊፈጥር ይችል ነበር፣ዳሩ ግን እንደ ነፍሱ ተግባር ነፍስና ፈቃድ መስጠትን መረጠ። ይህን በማድረጉ በጣም የተለየ የግንኙነት ዓይነትን ቀየሰ። ፍላጎት፣መረዳትና ቁርጠኝነት አስፈላጊ ንጥረ ነገሮች የሆኑበትን ግንኙነት አስተዋውቋል።

እግዚአብሔር ነፍስን በመስጠት እኛ እንዲሆን የሰራነው አይነት ሜካኒካዊ ግንኙነት እንደማይፈልግ አሳይቶናል። ይልቁንም ህዝቡ በፈቃደኝነት እሱን ለመውደድ የመረጡበትን ግንኙነት ይፈልግ ነበር። ፍላጎት፣መግባባት እና ፈቃደኝነት ላይ የተመሰረተ ቁርጠኝነት ያለው ሕብረት ነው።

እግዚአብሔር ለአዳም ምርጫን ለመስጠት መልካምና ክፉን የሚያስታውቀውን ዛፍ በአትክልቱ ስፍራ ውስጥ አኖረ። ያለመታዘዝን ዕድል ሰጠው። ከእሱ ለመራቅ የምርጫ ዕድል ሰጠው። እውነተኛ ፍቅር እና ቁርጠኝነት ምርጫን ይፈልጋል። ከእርሱ ለመራቅ ነጻ ነኝ ዳሩ ግን ላለመራቅ መርጫለሁ። ለሌላ ነገር ቅድሚያ ለመስጠት ነጻ ነኝ፣ነገር ግን በምትኩ ራሴን ለእግዚአብሔር እሰጣለሁ። ታማኝነት የጎደለው ከመሆን ይልቅ መከራን ለመቀበል እመርጣለሁ። ይህን በፈቃደኝነት እና በደስታ ልብ አደርጋለሁ።

እግዚአብሔር ፈቃድ እና የመምረጥ ችሎታ ስለሰጠን ከእሱ ጋር ያለንን ግንኙነት በጣም ግላዊ ያደርገዋል። እንዲሁም ሌላ መንገድ የመምረጥ እድልም ይሰጠናል። በኤደን ገነት ውስጥ የሆነው ይህ ነው። ሔዋን በዲያብሎስ ተፈትና መልካምንና ክፉን ከሚያስታውቀው ዛፍ ፍሬውን በመውሰድ በልታ ለባሏ እንዲበላው ሰጠችው። የዛፉ ፍሬ የተከለከለ መሆኑን ጠንቅቃ በማወቅ ይህን አደረገች። ሔዋን በእባቡ በመታለል   ላለመታዘዝ ሆን ብላ ውሳኔ አደረገች። እግዚአብሔር አላገዳትም። ግንኙነታቸውን የሚያበላሽ ቢሆንም ያንን ውሳኔ እንድታደርግ ፈቀደላት።

እግዚአብሔርን ያለመታዘዝ ውሳኔ የነፍስ ተግባር ነበር። አዳምና ሔዋን ከእግዚአብሔር እና ከአላማው መራቅን መረጡ። አለመታዘዝ ብችልም እኔ ለድርጊቶቼ ተጠያቂ እና ለወሰንኩት ውሳኔዎችም ኃላፊነት አለብኝ። በመጥፎ ምርጫዎቼ ምክንያት በመጡ ውጤቶች እሰቃያለሁ። በአዳምና በሔዋን ላይ የሆነው ይህ ነው። የእግዚአብሔር እርግማን በዓለም ላይ ወደቀ። ከእሱ ጋር ያላቸው ግንኙነት ከእንግዲህ ተመሳሳይ አይሆንም። አንዳቸው ከሌላው ጋር የኖሩበት ቅርርብ የተበላሸ ነው። ፍጥረት በኃጢአታቸው እና በአመፃቸው ክብደት እየቃተተ ነው። አዳምና ሔዋን በዚያ ቀን ያደረጉት ውሳኔ የዓለምን አቅጣጫ የቀየረ ሲሆን የሰው ልጅ ከእግዚአብሔር ጋር ያለውን ህብረት ለመመለስ የአዳኝ ጣልቃ ገብነት ይጠይቅ ነበር።

እግዚአብሔር ስሜት፣አመክንዮት እና ጥልቅ የሆነ ቁርጠኝነት ካላት ነፍስ ጋር ፈጠረን፤ ዳሩ ግን ያቺ ነፍስ መጥፎ ውሳኔዎችን የማድረግ ችሎታ አላት። የእነዚህ መጥፎ ውሳኔዎች ውጤት አጥፊ ሊሆን ይችላል። ከእግዚአብሔር ጋር በግል እና በተቀራረበ ግንኙነት ለመደሰት እንድችል ታስባ የተሰራች ነፍስ እንዲሁ ከእቅፉ ውስጥ ልታስወጣኝ ትችላለች። የመምረጥ ችሎታ ያለው የሰው ነፍስ ኃይለኛ ስሜት አለው። ወደ እውነት እና ወደ ጽድቅ ጎዳናዎች ወይም ወደራሱ ወደ ገሃነም ጉድጓድ ሊወስደኝ ይችላል። ይህንን ፈቃድ ለህይወታችን ቅርፅ እና ሁኔታ በትክክል መጠቀማችን በምንወስናቸው ውሳኔዎች ላይ ምን ያህል አስፈላጊ ነው።

 

ለግንዛቤ:

እግዚአብሔር መልካሙን እና ክፉውን የምታስታውቀውን ዛፍ ለምን በገነት ውስጥ ያኖረ ይመስላችኋል?

 

በሜካኒካዊ እና በግላዊ ህብረት ውስጥ ያለው ልዩነት ምንድ ነው? ነፍስ በዚህ ዙሪያ የምትጫውተው ሚና ምንድ ነው?

 

የምንወስናቸው ውሳኔዎች በሕይወታችን ላይ እንዴት ተጽዕኖ ያሳድራሉ?

 

ከእግዚአብሔር ጋር ለመጓዝ እና እርሱን ለመታዘዝ እንመርጣለን? ኃጢአት ምንድ ነው?

 

የሕይወታችን ቅርጽ እና ሁኔታ በምንወስነው ውሳኔ እንዴት ይቀየራል ?

 

ለጸሎት:

እግዚአብሔር ስሜት፤አመክንዮት እና በፈቃድ ላይ የተመሰረተ ውሳኔ የሚያደርግ ነፍስ ያለህ አድርጎ ስለፈጠረህ አመስግን 

 

እግዚአብሔር ለሕይወት ትክክለኛውን ውሳኔ ትወስን ዘንድ እንዲረዳህ ጸልይ። እርሱን እና ዓላማውን እንድትጠብቅ ራስህን አስገዛ።

 


 

ምዕራፍ 3 - የመምረጥ ነጻነት

 

እግዚአብሔር የመምረጥ ችሎታን ፈጥሮልናል። በመጨረሻው ምዕራፍ ይህ ምርጫ ለእርሱ ያለንን ቁርጠኝነት በጣም ግላዊ እንደሚያደርገው ተመልክተናል። የዚህን የመምረጥ ነፃነት ማስረጃ በመጽሐፍ ቅዱስ ውስጥ እናያለን።

እንደ ምሳሌ በዘጸአት 17 ላይ ያለውን የሙሴን ውሳኔ እንመለክት:

8 አማሌቅም መጥቶ ከእስራኤል ጋር በራፊድም ተዋጋ።

9 ሙሴም ኢያሱን፦ ጕልማሶችን ምረጥልን፥ ወጥተህም ከአማሌቅ ጋር ተዋጋ፤ እኔ ነገ የእግዚአብሔርን በትር በእጄ ይዤ በኮረብታው ራስ ላይ እቆማለሁ አለው።

10 ኢያሱም ሙሴ እንዳለው አደረገ፥ ከአማሌቅም ጋር ተዋጋ፤ ሙሴና አሮንም ሖርም ወደ ኮረብታው ራስ ወጡ።

1 እንዲህም ሆነ፤ ሙሴ እጁን ባነሣ ጊዜ እስራኤል ድል ያደርግ ነበር፤ እጁንም ባወረደ ጊዜ አማሌቅ ድል ያደርግ ነበር።

12የሙሴ እጆች ግን ከብደው ነበር፤ ድንጋይም ወሰዱ፥ በበታቹም አኖሩ፥ እርሱም ተቀመጠበት፤ አሮንና ሖርም አንዱ በዚህ አንዱ በዚያ ሆነው እጆቹን ይደግፉ ነበር፤ ፀሐይም እስክትገባ ድረስ እጆቹ ጠነከሩ።

13 ኢያሱም አማሌቅንና ሕዝቡን በሰይፍ ስለት አሸነፈ። (ዘጸአት  17)

ሙሴ የእግዚአብሔርን ህዝብ በምድረ በዳ ወደ ተስፋይቱ ምድር ሲመራ የአማሌቃውያንን ጦር ወደ ገጠሙበት ወደ ራፊድ መጡ። እነዚህ አማሌቃውያን እስራኤላውያን በምድራቸው እንዲያልፉ ለመፍቀድ አልፈለጉም ነበር፤እንደ ስጋትም ይመለከቷቸው ነበር። ሙሴ ሁኔታውን ተመልክቶ ውሳኔ አደረገ። ለኢያሱ ሰራዊት እንዲሰበስብ እና ከጠላቶቻቸው ጋር ለመዋጋት እንዲሰለፉ አዘዘው።                  ሙሴም የእግዚአብሔርን በትር በእጁ ይዞ ወደ ተራራ ወጣ። ያንን በትር ወደ ላይ ከፍ ባደረገ ጊዜ እስራኤላውያን ጠላቶቻቸውን ድል ይነሱ ነበር። በዚያ ቀን እግዚአብሔር ከአማሌቃውያን ጋር ጦርነት ለማካሄድ ያደረገውን የሙሴን ውሳኔ አክብሮ ለእስራኤል ድል አጎናጸፈ።

በዚያ ቀን ሙሴ ተቃዋሚዎቹን ፊት ለፊት ለመግጠም ወስኖ ነበር። ከእነሱ ፊት ለመሸሽ ሳይሆን እነሱን ለመጋፈጥ መርጠ። እግዚአብሔር ወደ ተስፋይቱ ምድር እንደጠራቸው ያውቅ ስለነበረ በእግዚአብሔር ኃይል ጠላቱን ለመጋፈጥ ወሰነ።

ሁሉም ውሳኔዎች እግዚአብሔርን የሚያከብሩ አይደሉም። እስራኤላውያን በምድረ በዳ ጉዞቸውን ሲቀጥሉ ስለ ኑሯቸው ማጉረምረም ጀምረው ነበር። ሕዝቡ የደረሰባቸውን አስቸጋሪ ሁኔታ ከግምት ካስገባ በኋላ ውሳኔ ሰጠ:

2 የእስራኤልም ልጆች ሁሉ በሙሴና በአሮን ላይ አጕረመረሙ፤ ማኅበሩም ሁሉ፦ በግብፅ ምድር ሳለን ምነው በሞትን ኖሮ! ወይም በዚህ ምድረ በዳ ምነው በሞትን ኖሮ!

3 እግዚአብሔርም በሰይፍ እንሞት ዘንድ ወደዚች ምድር ለምን ያገባናል? ሴቶቻችንና ልጆቻችን ምርኮ ይሆናሉ፤ ወደ ግብፅ መመለስ አይሻለንምን? አሉአቸው።

4 እርስ በርሳቸውም፦ ኑ፥ አለቃ ሾመን ወደ ግብፅ እንመለስ ተባባሉ። (ዘኍልቍ 14)

 

በዚያ ቀን ህዝቡ አዲስ መሪን በመምረጥ ወደ ግብፅ ለመመለስ ወሰኑ። በዚህ ውሳኔ ምክንያት ጌታ ሕዝቡን በታላቅ ቸነፈር መታው (ዘኍልቍ 14:11-12) የሙሴ ምርጫ ለህዝቡ መማለድ ባይሆን ኖሮ እግዚአብሔር ያጠፋቸው ነበር። ዘኍልቍ 14 በምርጫዎች የተሞላ የመጽሐፍ ቅዱስ ክፍል ነው። ሕዝቡ በእግዚአብሔር ዓላማ ላይ ማመጽን መረጠ። እግዚአብሔርም እነሱን ለማጥፋት መረጠ። ሙሴ ደግሞ ስለ እነርሱ መማለድን መረጠ። ከዚያም እግዚአብሔር መጸጸት እና ይቅር ማለትን መርጠ። እነዚህ ውሳኔዎች የእስራኤልን የወደፊት አቅጣጫ የሚነኩ ህይወትን የሚቀይሩ ውሳኔዎች ነበሩ።

ጓደኛው ኤልፋዝ ኢዮብ ስለ መከራው ያቀረበውን ቅሬታ ካዳመጠ በኋላ ምላሽ ሰጠ።

1ቴማናዊውም ኤልፋዝ መለሰ እንዲህም አለ፦

2 በውኑ ጠቢብ ሰው እንደ ንፋስ በሆነ እውቀት ይመልሳልን?
በሆዱስ የምሥራቅን ነፋስ ይሞላልን?

3 ከማይረባ ነገር፥
ወይስ ከማይጠቅም ንግግር ጋር ይዋቀሳልን?

4አንተም እግዚአብሔርን መፍራት ታፈርሳለህ፤
በእግዚአብሔር ፊት አምልኮን ታስቀራለህ።

5በደልህ አፍህን ያስተምረዋል፥
የተንኰለኞችንም አንደበት ትመርጣለህ።

6 የሚፈርድብህ አፍህ ነው እንጂ እኔ አይደለሁም።
ከንፈሮችህም ይመሰክሩብሃል። (ኢዮብ 15)

 

በተለይም ኤልፋዝ መጥፎ ውሳኔን በመወሰኑ ምክንያት ኢዮብን እንደከሰሰው አስተውሉ በእግዚአብሔር ፊት አምልኮን ታስቀራለህ። (ቁጥር 5) ይላል። በሌላ አገላለጽ ኤልፋዝ ኢዮብ ለእግዚአብሔር እና ለዓላማዎቹ ምንም አክብሮት ሳያሳይ ለቅሬታው በነፃነት መናገርን መርጧል ብሎ ያምናል። ኢዮብ ለመናገር የመረጠው ቃል እግዚአብሔርን እንደሚያዋርድ ተሰምቶት ነበር። ኤልፋዝ ኢዮብ ቃላቱን ይበልጥ በጥንቃቄ መምረጥ እንዳለበት ያምን ነበር።

ኢየሱስ በሚከተለው ንግግሩ የተመሳሳይ የሆነ ሃሳብ አንጸባርቋል፡

36 እኔ እላችኋለሁ፥ ሰዎች ስለሚናገሩት ስለ ከንቱ ነገር ሁሉ በፍርድ ቀን መልስ ይሰጡበታል፤ (ማቴዎስ 12)

በግዴለሽነት የተሞሉ ቃላትን የመናገር ነጻነት አለን፤ዳሩ ግን በፍርድ ቀን ስለተናገርናቸው ከንቱ ንግግሮች መልስ እንሰጣለን

የምሳሌ መጽሐፍ ጸሐፊ በዘመኑ የነበሩትን ሰዎች በምርጫቸው ሲገስጻቸው እንመለከታለን፡

29  እውቀትን ጠልተዋልና፥ እግዚአብሔርንም መፍራት አልመረጡምና፤

30 ምክሬን አልፈቀዱምና፥ ዘለፋዬንም ሁሉ ንቀዋልና፤

31 ስለዚህ የመንገዳቸውን ፍሬ ይበላሉ፥ ከራሳቸው ምክር ይጠግባሉ። (ምሳሌ 1)

 

የዚያን ጊዜ ሰዎች እግዚአብሔርን መፍራት አልመረጡም ነበር። የእግዚአብሔርን ምክርና ተግሣጽ ለመናቅ ወሰኑ። በውጤቱም እግዚአብሔር ለክፉ መንገዳቸው አሳልፎ ሰጣቸው። በአዲስ ኪዳን ሐዋርያው ጳውሎስ ሲጽፍ ተመሳሳይ ነገር ተናግሯል።

 

18 እውነትን በዓመፃ በሚከለክሉ ሰዎች በኃጢአተኝነታቸውና በዓመፃቸው ሁሉ ላይ የእግዚአብሔር ቍጣ ከሰማይ ይገለጣልና፤

19 እግዚአብሔር ስለ ገለጠላቸው፥ ስለ እግዚአብሔር ሊታወቅ የሚቻለው በእነርሱ ዘንድ ግልጥ ነውና።

20-21 የማይታየው ባሕርይ እርሱም የዘላለም ኃይሉ ደግሞም አምላክነቱ ከዓለም ፍጥረት ጀምሮ ከተሠሩት ታውቆ ግልጥ ሆኖ ይታያልና፤ ስለዚህም እግዚአብሔርን እያወቁ እንደ እግዚአብሔርነቱ መጠን ስላላከበሩትና ስላላመሰገኑት የሚያመካኙት አጡ፤ ነገር ግን በአሳባቸው ከንቱ ሆኑ የማያስተውለውም ልባቸው ጨለመ።

22 ጥበበኞች ነን ሲሉ ደንቆሮ ሆኑ፥

23 የማይጠፋውንም የእግዚአብሔር ክብር በሚጠፋ ሰውና በወፎች አራት እግር ባላቸውም በሚንቀሳቀሱትም መልክ መስለው ለወጡ።

24 ስለዚህ እርስ በርሳቸው ሥጋቸውን ሊያዋርዱ እግዚአብሔር በልባቸው ፍትወት ወደ ርኵስነት አሳልፎ ሰጣቸው፤

25 ይህም የእግዚአብሔርን እውነት በውሸት ስለ ለወጡ በፈጣሪም ፈንታ የተፈጠረውን ስላመለኩና ስላገለገሉ ነው፤ እርሱም ለዘላለም የተባረከ ነው፤ አሜን።

(ሮሜ 1)

እግዚአብሔር ራሱን ለሮማውያን ገልጧል፣ነገር ግን እሱን ላለማክበር መረጡ። ይልቁንም ሰውነታቸውን ለሥጋዊ ምኞቶች አሳልፈው በመስጠት ለጣዖታት ይሰግዱ ነበር። በውሳኔያቸው ምክንያት እግዚአብሔር ለሥጋቸውና ለመንገዶቹ አሳልፎ ሰጣቸው። በመጨረሻም፣በራሳቸው ምኞቶች ተውጠው በኃጢአታቸው ጠፉ።

በዚህ ሕይወት ውስጥ የምንወስናቸው ምርጫዎች እንዳሉን ግልጽ ነው። እነዚያ ምርጫዎች በዚህች ምድር እና በሚመጣው የሕይወታችን ቅርፅ ላይ ተጽዕኖ ይኖራቸዋል። የምናደርጋቸውን ውሳኔዎች አስፈላጊነት በመረዳት፣እግዚአብሔር ትክክለኛ ውሳኔዎችን እንዲያደርግ በዘዳግም 30 ውስጥ ሕዝቡን ይማጸናል:

15 ተመልከት፤ ዛሬ በፊትህ ሕይወትንና መልካምነትን፥ ሞትንና ክፋትን አኑሬአለሁ።

16 በሕይወትም እንድትኖር እንድትባዛም፥ አምላክህም እግዚአብሔር ልትወርሳት በምትገባባት ምድር እንዲባርክህ፥ አምላክህን እግዚአብሔርን ትወድድ ዘንድ፥ በመንገዱም ትሄድ ዘንድ ትእዛዙንና ሥርዓቱን ፍርዱንም ትጠብቅ ዘንድ ዛሬ እኔ አዝዝሃለሁ።

17 ልብህ ግን ቢስት አንተም ባትሰማ፥ ብትታለልም፥ ለሌሎችም አማልክት ብትሰግድ ብታመልካቸውም፥

18 ፈጽማችሁ እንድትጠፉ እኔ ዛሬ እነግራችኋለሁ፤ ዮርዳኖስን ተሻግረህ ትወርሳት ዘንድ በምትገባባት ምድር ዘመናችሁን አታስረዝሙም።

19 በፊታችሁ ሕይወትንና ሞትን በረከትንና መርገምን እንዳስቀመጥሁ እኔ ዛሬ ሰማይንና ምድርን በአንተ ላይ አስመሰክራለሁ፤ እንግዲህ አንተና ዘርህ በሕይወት ትኖሩ ዘንድ ሕይወትን ምረጥ፤

20 እግዚአብሔርም ለአባቶችህ ለአብርሃምና ለይስሐቅ ለያዕቆብም እንዲሰጣቸው በማለላቸው በምድሪቱ ትቀመጥ ዘንድ፥ እርሱ ሕይወትህ የዘመንህም ርዝመት ነውና አምላክህን እግዚአብሔርን ትወድደው ትጠባበቀውም ቃሉንም ትሰማ ዘንድ ምረጥ።

(ዘዳግም 30)

እግዚአብሔር የሕይወትንና የሞትን መንገድ በሕዝቡ ፊት ያስቀመጠ ሲሆን ሕይወትን ምረጡ ሲል ተማጸናቸው። ለሕዝቡ የመምረጥን ክብር ሰጣቸው ሆኖም ግን የተሳሳተ ውሳኔ በማድረጋቸው ስለሚያስከትለው ውጤት አስጠንቅቋቸዋል።

የእስራኤል የጦር አዛዥ ኢያሱ ወደ ሕይወቱ ፍጻሜ ሲቃረብ የእግዚአብሔርን ሕዝብ በፊቱ እንዲሰበሰቡ ጠርቶ እነዚህን ቃላት ነገራቸው፡

14አሁንም እግዚአብሔርን ፍሩ፥ በፍጹምም በእውነተኛም ልብ አምልኩት፤ አባቶቻችሁም በወንዝ ማዶ በግብፅም ውስጥ ያመለኩአቸውን አማልክት ከእናንተ አርቁ፥ እግዚአብሔርንም አምልኩ።

15 እግዚአብሔርንም ማምለክ ክፉ መስሎ ቢታያችሁ፥ አባቶቻችሁ በወንዝ ማዶ ሳሉ ያመለኩአቸውን አማልክት ወይም በምድራቸው ያላችሁባቸውን የአሞራውያንን አማልክት ታመልኩ እንደ ሆነ፥ የምታመልኩትን ዛሬ ምረጡ። እኔና ቤቴ ግን እግዚአብሔርን እናመልካለን።  (ኢያሱ 24)

 

ኢያሱ የእስራኤልን ልጆች አምላኮቻቸውን አውጥተው እንዲጥሉ እንዲሁም አንዱን እና እውነተኛውን የእስራኤልን አምላክ ያገለግሉ ዘንድ ዓይኖቻቸውን በእርሱ ላይ እንዲያኖሩ አስጠነቀቃቸው። እግዚአብሔርንም ማምለክ ክፉ መስሎ ቢታያችሁ፥የምታመልኩትን ዛሬ ምረጡ በማለት ለሕዝቡ ምርጫን እንዴት እንደሰጠ ልብ በሉ (ቁጥር 15)። የአሞራውያንን አማልክት ወይም የሚያመልኳቸውን ማንኛውንም የሐሰት አምላክ የመምረጥ ነፃነት እንዳላቸው አሳውቋቸዋል እርሱ ግን-   እኔና ቤቴ ግን እግዚአብሔርን እናመልካለን። በማለት የግል ውሳኔውን ገልጦላቸዋል (ቁጥር 15)

እነዚህ ቁጥሮች ምን ያስተምሩናል? እንደ ሰው የተፈጠርነው ውሳኔ ከማድረግ ችሎታ ጋር እንደሆነ በጣም ግልፅ ነው በእግዚአብሔር ኃይል ጠላቶቻችንን ለመቃወም ወይም ከእግዚአብሔር ርቀን ለመሄድ ምርጫ አለን በቃላችን እግዚአብሔርን ለማክበር ወይም በዓላማው ላይ ለማማረር መወሰን አለብን በመታዘዝ ለመመላለስ ወይም የእግዚአብሔርን ተግሣጽ እና ምክር ለመናቅ መወሰን አለብን። በሕይወት እና በሞት መካከል የመምረጥ ግዴታ አለብን የእስራኤል አምላክም ሆነ የአሕዛብ አማልክት የምናገለግላቸውን በልባችን ውስጥ መወሰን አለብን በመጽሐፍ ቅዱስ እግዚአብሔር እነዚህን ሁሉ ውሳኔዎች በሕዝቡ ፊት አስቀምጧል

እግዚአብሔር ምርጫን በፊታችን አስቀምጦ ውሳኔ እንድናደርግ ይጠይቀናል በጽናት ለመቆም ወይስ ከእርሱ ለመራቅ ትመርጣላችሁ? በቃልም ሆነ በተግባር እርሱን ለማክበር ትመርጣላችሁ ወይስ ለራሳችሁ ምኞት ቃሉን ታግፋፋላችሁ? እግዚአብሔርን ወይንስ ይህን ዓለም ትመርጣላችሁ? እነዚህ በየቀኑ በንቃት ልንወስዳቸው የሚገቡ ውሳኔዎች ናቸው ሁልጊዜ ትክክለኛውን ውሳኔ አንወስንም ብዙጊዜ እግዚአብሔር ለእኛ ካዘጋጀው ደረጃ ስንጎድል እንገኛለን ለወሰናቸው ውሳኔዎች ኃላፊነትን መውሰድ አለብን እግዚአብሔር ውሳኔ የመወሰን እና ቁርጠኝነትን የማሳየት ችሎታ ካለው ነፍስ ጋር ስለፈጠረን ለምናደርጋቸው ውሳኔዎች በእርሱ ተጠያቂ እንደሆንን በመገንዘብ ህይወታችንን መምራት አለብን በሕይወት ውስጥ የምናደርጋቸው ምርጫዎች በሕይወታችን ባለን ፍሬያማነት እና ከእግዚአብሔር ጋር ባገኘነው ቅርበት ይንጸባርቃሉ

 

ለግንዛቤ፡

በሕይወታችሁ ተግዳሮት ገጥሟችሁ ያውቃልን? እነዚህ የሕይወት ተግዳሮቶች በገጠሟችሁ ጊዜ የመረጣችሁት ምርጫ ምንድ ነው? ያ ምርጫ ውጤቱ ላይ ምን አይነት ተጽዕኖ አሳደረ?

 

ሐዋሪያው ያዕቆብ አንደበት ለመቆጣጠር በጣም አስቸጋሪ የሆነ የሰውነታችን ክፍል እንደሆነ ይናገራል። የምንናገራቸውን ቃላት መምረጥ እንችላለን? ምርጫችን እግዚአብሔርን እና በዙሪያችን ያሉትን እንዴት ያከብራል ወይስ ያዋርዳል?

 

በሕይወታችሁ ለፈተና እጅ ሰጥታችሁ ታውቃላችሁን? በዚህ ጉዳይ ላይ የምርጫ ነጻነታችሁ መጫወት ያለበት ሚና ምንድ ነው?

 

እግዚአብሔርን እና ቃሉን በመታዘዝ መመላለስን መምረጥ እንችላለን? ሁልጊዜ ይህንን መንገድ ትመርጣላችሁን?

 

በየዕለቱ የምንወስናቸው ውሳኔዎች ምን ያህል አስፈላጊ ናቸው? የምንወስናቸው ውሳኔዎች በሕይወታችን ቅርጽ እና ሁኔታ ላይ የሚያሳድረው ተጽዕኖ ምንድ ነው?

 

ለጸሎት፡

በሕይወታችሁ በሚገጥማችሁ ተግዳሮቶች ጽንታችሁ ትቆሙ ዘንድ ጌታ ጸጋን እንዲሰጣችሁ ጸልዩ። ትክክለኛውን ነገር መምረጥ ትችሉ ዘንድ ጥበብን እንዲሰጣችሁ ጸልዩ።

 

በየዕለቱ እርሱ እንድትመርጡ የሚጠይቃቸሁን ምርጫ በሚገባ ታውቁ ዘንድ እውቀት እንዲሰጣችሁ ጸልዩ።

 

በሕይወታቸው የተሳሳተ ውሳኔ የወሰኑ ሰዎችን ታውቃላችሁን? ለእነዚህ ለመረጧቸው የተሳሳቱ ውሳኔዎች እግዚአብሔር አይኖቻቸውን ይከፍት ዘንድ ለጸሎት ትንሽ ጊዜ ውሰዱ። እነዚህን ውሳኔዎች ለእርሱ ይናዘዙ ዘንድ ፈቃደኝነቱን እንዲሰጣቸው ጸልዩ። ጌታ ከእርሱ ይማሩ እና ሕይወትን ይመርጡ ዘንድ ፈቃደኝነቱን እንዲሰጣቸው ጸልዩ። 


 

ምዕራፍ 4 - የውሳኔ እና ቁርጠኝነት ተጽዕኖ

 

የምናደርጋቸው ምርጫዎች በሕይወታችን ላይ ሕይወትን የሚቀይር ተጽዕኖ ሊያሳድሩ ይችላሉ ስለዚህ ጉዳይ በመጽሐፍ ቅዱስ በርካታ ምሳሌዎችን እናገኛለን                በገነት ውስጥ የነበረውን የአዳምና ሔዋን ውሳኔ ውጤት አስቀድመን ተመልክተናል በአንዳንድ ቁልፍ የመጽሐፍ ቅዱስ ገጸ-ባህሪያት በተደረጉ ምርጫዎች አማካኝነት ያሳደሩትን ተጽዕኖ በተመለከተ ተጨማሪ ምሳሌዎችን ትንሽ ጊዜ ወስደን እንመልከት

እስቲ በመጀመሪያ ንጉስ ዳዊት ከጎረቤቱ ሚስት ቤርሳቤህ ጋር በነበረው ግንኙነት የመረጠውን ምርጫ እንመልከት የጎረቤቱ ሚስት ለመታጠብ ስትወጣ ዳዊት በቤቱ ጣሪያ ላይ ሆኖ ሴቲቱን የተመለከተበትን ታሪክ በደንብ እናውቃለን ዳዊት በቤርሳቤህ ውበት የተሳበ እንደሆነ አውቆ አንድ ውሳኔ ወሰነ

4 ዳዊትም መልእክተኞች ልኮ አስመጣት፤ ወደ እርሱም ገባች፥ ከርኵሰትዋም ነጽታ ነበርና ከእርስዋ ጋር ተኛ፤ ወደ ቤትዋም ተመለሰች።

5 ሴቲቱም አረገዘች፥ ወደ ዳዊትም፦ አርግዤአለሁ ብላ ላከችበት። (2 ሳሙኤል 11)

ቤርሳቤህ የዳዊትን ልጅ ማርገዟን ይፋ ባወጣች ጊዜ ዳዊት ተጨማሪ ውሳኔዎችን ማድረግ ነበረበት ልጁ የእርሱ ነው ብሎ በማሰብ የቤርሳቤህን ባለቤት ማታለልን መረጠ ከጦር ሜዳ ጠርቶ ወደ ቤቱ ሄዶ ከሚስቱ ጋር እንዲሆን አግባባው የቤርሳቤህ ባል ይህን ለማድረግ ፈቃደኛ ባለመሆኑ ዳዊት እንዲገደል በማሰብ በጦርነቱ ፊት ለፊት እንዲቆም አዘዘ ባሏ ከሞተ በኋላ ዳዊት  ቤርሳቤህን ሚስት ትሆነው ዘንድ ወሰዳት

የዳዊት ውሳኔዎች በሕይወቱ ያለውን የእግዚአብሔርን ዓላማ በቀጥታ የሚቃወሙ ነበሩ ዳዊትን ይገሥጽ ዘንድ ጌታ ነቢዩ ንናታንን ላከው የነቢዩን ቃል እንመልከት፡

 

10 ስለዚህም አቃልለኸኛልና፥ የኬጢያዊውንም የኦርዮን ሚስት ለአንተ ሚስት ትሆን ዘንድ ወስደሃልና ለዘላለም ከቤትህ ሰይፍ አይርቅም።

11 እግዚአብሔር እንዲህ ይላል፦ እነሆ፥ ከቤትህ ክፉ ነገር አስነሣብሃለሁ፤ ሚስቶችህንም በዓይንህ ፊት እወስዳለሁ፥ ለዘመድህም እሰጣቸዋለሁ፥ በዚህችም ፀሐይ ዓይን ፊት ከሚስቶችህ ጋር ይተኛል።

12 አንተ ይህን በስውር አድርገኸዋል፤ እኔ ግን ይህን በእስራኤል ሁሉ ፊትና በፀሐይ ፊት አደርገዋለሁ። (2 ሳሙኤልl 12)

 

በዚያ ቀን ለዳዊት ቅጣቱ ሦስት እጥፍ ነበር በመጀመሪያ፣እግዚአብሔር ከጠላቶቹ ጋር በቋሚነት እንደሚዋጋ ነገረው። ሁለተኛ፣በቤቱ ክፉ ነገር የሚያሥነሳበት ሲሆን በመጨረሻም፣እግዚአብሔር ሚስቶቹን ወስዶ በጠራራ ፀሐይ አብረዋቸው ለሚተኙ ለጎረቤቶቹ ይሰጣቸዋል

ከእነዚህ ምርጫዎች በኋላ የዳዊትን ሕይወት በምንመረምርበት ጊዜ የናታን ትንቢት ተፈጽሞ እናያለን ዳዊት ከእስራኤል ጠላቶች ጋር በመዋጋቱ ምክንያት በእጆቹ ላይ ብዙ ደም ያለው ንጉሥ ሆነ በእርግጥ፣ዳዊት ቤተመቅደሱን የመገንባት ታላቅ ህልም በእጆቹ ላይ ባለው ደም ምክንያት ሊያጣ ችሏል ዳዊት ወደ ህይወቱ ፍፃሜ ሲመጣ ስለ ቤተመቅደስ ግንባታ ያለውን ራዕይ ለልጁ ሰለሞን አካፍሏል1ኛ ዜና 22 ውስጥ ከልጁ ጋር የተጋራውን ቃል ያዳምጡ፡

7 አካዝያስም ወደ ኢዮራም በመምጣቱ ይጠፋ ዘንድ የእግዚአብሔር ፈቃድ ነበረ፤ በመጣም ጊዜ ከኢዮራም ጋር እግዚአብሔር የአክዓብን ቤት ያጠፋ ዘንድ ወደ ቀባው ወደ ናሜሲ ልጅ ወደ ኢዩ ወጣ።

8 ኢዩም በአክዓብ ቤት ላይ ፍርድን ሲፈጽም የይሁዳን መሳፍንትና አካዝያስን ያገለግሉ የነበሩትን የአካዝያስን ወንድሞች ልጆች አግኝቶ ገደላቸው። (1 ዜና 22)

ዳዊት የቤተመቅደሱን ግንባታ በጭራሽ አላየም ዳዊት ከጎረቤቱ ሚስት ጋር ለመተኛት የወሰነው ውሳኔ በሕይወቱ ውስጥ ካሉት ታላላቅ ራዕዮች መካከል አንዱን መሥዋዕት እንዲያደርግ ግድ ሆነበት

ከዚህ ባሻገር ግን ከቤርሳቤህ ጋር ከነበረው ግንኙነት በኋላ የዳዊት ሕይወት ተመሳሳይ አልሆነም ቤተሰቦቹ በችግር የተተበተቡ ነበሩ በዳዊት እና ቤርሳቤህ መካከል በነበረው ያልተገባ ግንኙነት ምክንያት የተወለደው ልጅ ሞተ (2 ሳሙኤል 12:15-18) የዳዊት ልጅ አምኖን በወንድሙ አቤሴሎም እህት ትዕማር በመሳብ አስገድዶ አስነወራት (2 ሳሙኤል 13) የትዕማር ወንድም አቤሴሎም በእህቱ መደፈር ምክንያት ወንድሙን አምኖንን ገደለው በዚህ ግድያ ምክንያት አቤሴሎም ኢየሩሳሌምን ለቆ እንዲሸሽ ተገደደ ከዓመታት በኋላ አቤሴሎም አባቱ ፈጽሞ ይቅር እንዳላለው ስለተሰማው አቤሴሎም አባቱን ዳዊትን ይጠላው ነበር ይህ ጥላቻ በጣም የበረታ ከመሆኑ የተነሳ አቤሴሎም ንጉስን ለመገልበጥ አሴረ እንደበቀል አቤሴሎም በቤተመንግሥቱ ጣሪያ ላይ ድንኳን ተክሎ ከአባቱ ቁባቶች ጋር ተኛ (2 ሳሙኤል 1620-23)

ዳዊት ከቤርሳቤህ ጋር ለመተኛት የመረጠው ምርጫ በራሱ እና በቤተሰቡ ላይ አስከፊ መዘዞች አስከትሏል እርሱና ቤተሰቡ ዳግመኛ የቀድሞ ሕይወታቸውን መምራት አልቻሉም

በሐዋርያት ሥራ 4 የእግዚአብሔር መንፈስ በአማኞች ሕይወት ውስጥ እንዴት እንደሚንቀሳቀስ እናነባለን በእነዚያ ቀናት የእግዚአብሔር መንፈስ ሥራ በጣም ኃይለኛ ከመሆኑ የተነሳ ሰዎች ያላቸውን ሁሉ ይካፍሉ ነበር የሐዋርያት ሥራ 4 በመካከላቸው ምንም ችግረኛ ሰው እንዳልነበረ ይነግረናል:

34 በመካከላቸው አንድ ስንኳ ችግረኛ አልነበረምና፤ መሬት ወይም ቤት ያላቸው ሁሉ እየሸጡ የተሸጠውን ዋጋ ያመጡ ነበርና፥

35 በሐዋርያትም እግር አጠገብ ያኖሩ ነበር፤ ማናቸውም እንደሚፈልግ መጠን ለእያንዳንዱ ያካፍሉት ነበር። (ሐዋ 4)

 

ይህ የእግዚአብሔር መንፈስ ሥራ በዚያን ዘመን ይኖሩ የነበሩ አማኞች መሬታቸውን እና ቤቶቻቸውን እስከመሸጥ እና የተገኘውን ገቢ ወደ ሐዋርያቱ በማምጣት ለችግረኞች ያከፋፍሉ ዘንድ ያነሳሳቸው ነበር የእግዚአብሔር መንፈስ መሬታቸውን ይሸጡ ዘንድ ካነሳሳቸው ከእነዚያ ቀደምት አማኞች መካከል ሐናንያ እና ሰጲራ ይገኙበታል ይህን ታሪክ በሐዋሪያት ሥራ ምዕራፍ 5 ላይ እናነባለን

ከሸጡ በኋላ የገቢውን እኩሌታ ክፍል ለራሳቸው ደበቁ ይህ ድርጊት ፍጹም ህጋዊ ነበር እነዚህን አማኞች ሁሉንም እንዲሰጡ ማንም አላስገደዳቸውም ነበር ችግሩ ግን ባልና ሚስቱ በልባቸው የወሰኑት ውሳኔ ነበር የሽያጩን ሙሉ ዋጋ እንደሰጡ አድርገው ቤተክርስቲያንን ለማታለል ወሰኑ የእምነት አጋሮቻቸው ከሽያጩ ዋጋ ግማሹን ብቻ ለቤተክርስቲያን ሰጥተው ሳለ ሁሉንም ነገር የሰጡ አድርገው  እንዲያስቡ ፈለጉ

ይህ ባልና ሚስት አንድ ላይ የወሰዱት ውሳኔ ነበር ገንዘባቸውን ወደ ሐዋርያት ሲያመጡ መንፈስ ቅዱስ ለጴጥሮስ እውነቱን ገለጸለት በቤተክርስቲያን ላይ ለመዋሸት ስለ ወሰደው ውሳኔ ሐናንያን ጠየቀው በዚህ ውሸት ምክንያት ሐናንያ በእግዚአብሔር መንፈስ ተመቶ ሞተ

ከሦስት ሰዓታት በኋላ ሚስቱ በባሏ ላይ የሆነውን ሳታውቅ ገባች በተሰጠው መጠን ንብረታቸውን እንደ ሸጡት ጴጥሮስ ጠየቃት እርሷም ስለ እሱ መዋሸትን በምትመርጥበት ጊዜ እሷም ተመትታ ከባሏ ጎን ተቀበረች (ሐዋ 5:7-10)

ሐናንያ እና ሰጲራ ቤተክርስቲያንን ለማሳት ውሳኔ ላይ ደረሱ ያ ውሳኔ በነጻነት እና ሆን ተብሎ የተደረገ ነውየውሳኔያቸው ውጤቶች ግን ገዳይ ነበሩ በተሳሳተ ምርጫ ምክንያት ሁለቱም በጣም አሳዛኝ ሞት ሞቱ

የውሳኔዎቻችን መዘዞችን በተመለከተ አንድ ተጨማሪ ምሳሌ እንመልከትየዳንኤል መጽሐፍ እስራኤል በንጉሥ ናቡከደነፆር ዘመነ መንግሥት በስደት የኖረችበትን ዘመን ይገልጻል ናቡከደነፆር እጅግ በጣም ቅን የሆኑ የእስራኤል ወጣቶችን ለማሠልጠን ወስኖ በአገልግሎቱ ውስጥ እንዲመዘገቡ አደረገ ከእነዚህ ሰዎች መካከል ዳንኤል የሚባል አንድ ሰው ይገኝበታል

ለእነዚህ ወጣቶች ከሚሰጠው የሥልጠና መርሃ ግብር አካል የነበረ አንድ የተወሰነ ምግብ አይነት ነበር ይህ ምግብ ግን ከአይሁድ የምግብ ሕግ ጋር የሚቃረን ነበር ስለሆነም ምግቡን የሚበሉትን የአይሁድ ሰዎች የሚያረክስ ነበር ዳንኤል እንደ እውነተኛ የእምነት ሰው ወደዚህ ሥልጠና ሲገባ  አንድ ውሳኔ አደረገ

8 ዳንኤልም በንጉሡ መብልና በሚጠጣው ጠጅ እንዳይረክስ በልቡ አሰበ፤ እንዳይረክስም የጃንደረቦቹን አለቃ ለመነ። (ዳንኤል 1)

 

እግዚአብሔር በጃንደረባው አለቃ ፊት ለዳንኤል ሞገስን ሰጠው፤ዳንኤል አትክልትን ብቻ እንዲበላና ውሃ ብቻ እንዲጠጣ ፈቀደለት በዚህ የአመጋገብ ውስጥ የቆየው ዳንኤል ከአስር ቀናት በኋላ በንጉሱ አመጋገብ ውስጥ ከተካፈሉት ሁሉ የተሻለ ነበር ዳንኤል በዚህ ጉዳይ እግዚአብሔርን ለማክበር ወሰነ፤እግዚአብሔርም ሞገስ እና በረከት ሰጠው

ከጊዜ በኋላ ዳንኤል ዋጋውን በማረጋገጡ በሃገሩ መንግሥት ውስጥ ወደ ከፍተኛ  ክብር ደረጃ ከፍ አለ ይህም የአለቆች እና መሳፍንቱን ቅናት ቀሰቀሰ፤እነርሱም በእርሱ ላይ ጥፋት ለማግኘት እና ለማውረድ የተቻላቸውን ሁሉ ለማድረግ ወሰኑ እነዚህ ባለሥልጣናት ዳንኤልን ለመጉዳት ያገኙበት ብቸኛው መንገድ በእስራኤል አምላክ ላይ ካለው እምነት ጋር በተያያዘ ነበር ከንጉሱ በቀር ማንም እስከ ሠላሳ ቀን ድረስ ልመና ከአምላክ ወይም ከሰው ቢለምን፥ በአንበሶች ጕድጓድ ውስጥ ይጣል የሚል የንጉሥ ሕግና ብርቱ ትእዛዝ ይወጣ ዘንድ ተማከሩ። ዳንኤል ይህንን በሰማ ጊዜ የሚያስከትለው መዘዝ ምንም ይሁን ምን መጸለዩን ለመቀጠል ወሰነ

አለቆቹ እና መሳፍንቱ ዳንኤልን ሕግ ጥሷል በሚል በከሰሱት ጊዜ ንጉሱ ወደ አንበሳ ጉድጓድ ዳንኤልን ሊወረውረው ተገደደ ዳንኤል ቅጣቱን ተቀብሎ ለአንበሶች ተላልፎ ተሰጠ እግዚአብሔር ግን ዳንኤልን ጠብቆ ሌሊቱን ሙሉ ደህና ሆኖ እንዲቆይ የአንበሶቹን አፍ ዘግቶ ነበር

ንጉሱ በዳንኤል ላይ የሆነውን ለማየት ሄዶ አምላኩ እንደጠበቀው ባወቀ ጊዜ የሚከተለውን አዋጅ አወጣ

25 የዚያን ጊዜም ንጉሥ ዳርዮስ በምድር ሁሉ ላይ ወደሚኖሩ ወገኖችና አሕዛብ በልዩ ልዩም ቋንቋ ወደሚናገሩ ሁሉ ጻፈ፥ እንዲህም አለ፦ ሰላም ይብዛላችሁ።

26 በመንግሥቴ ግዛት ሁሉ ያሉ ሰዎች በዳንኤል አምላክ ፊት እንዲፈሩና እንዲንቀጠቀጡ አዝዣለሁ፤ እርሱ ሕያው አምላክ ለዘላለም የሚኖር ነውና፤ መንግሥቱም የማይጠፋ ነው፥ ግዛቱም እስከ መጨረሻ ድረስ ይኖራል።

27 ያድናል ይታደግማል፥ በሰማይና በምድርም ተአምራትንና ድንቅን ይሠራል፥ ዳንኤልንም ከአንበሶች አፍ አድኖታል። (ዳንኤል 6)

 

ንጉሥ ዳርዮስ ሁሉም የምድር ሕዝቦችና ቋንቋዎች የዳንኤልን አምላክ እንዲያከብሩና እንዲፈሩ አዘዘ እርሱ እውነተኛና ሕያው አምላክ መሆኑን አሳወቀ ይህ እግዚአብሔርን ከማያውቅ ንጉስ አንደበት የተሰጠ የማይታመን መግለጫ ነበር በንጉሣዊ መንገዶች አማካኝነት የዳንኤል ምስክርነት እና የአምላኩ ኃይል ለንጉስ ዳርዮስ ግዛት ሁሉ ታወጀ  

ይህ አዋጅ እንዴት ታወጀ? በዳንኤል የተደረጉ የውሳኔዎች ውጤት ነበር በንጉሱ ምግብ ራሱን ላለማረከስ የሚደረግ ውሳኔ ለእስራኤል አምላክ እንጂ ለሌላ አምላክ ፈጽሞ አምልኮ ያለማቅረብ ውሳኔ ለአምላኩ እውነተኛ እና ታማኝ በመሆን ለሞት እንኳን የሚያደርስ አደጋ ላይ የሚጥል ውሳኔ። እነዚያ ግላዊ ውሳኔዎች በመላው አገሪቱ ላይ ተጽዕኖ ሊያሳድሩ ቻሉ በእነዚህ ውሳኔዎች ምክንያት የእስራኤል አምላክ በመላው ዓለም እውነተኛ አምላክ ተብሎ ታውጀ

ጌታ እግዚአብሔር ፈጥሮናል እንዲሁም ውሳኔዎችን የማድረግ አቅም ሰጥቶናል የምናደርጋቸው ውሳኔዎች በሕይወታችን አቅጣጫ ላይ ተጽዕኖ ይኖራቸዋል ከዲያብሎስ ፈተና ፊት ለፊት እንደመቆማችሁ መጠን፣በሕይወታችሁ ላይ ለዘላለም ተጽዕኖ የሚያሳድር ምርጫ አላችሁ። ለፈተና እጅ ሰጥታችሁ በክፉ ጎዳና ትመላለሳላችሁ ወይንስ በፈተና ውስጥ በጽናት ትቆማላችሁ? ሕይወታችሁ የሚሄድበት አቅጣጫ በውሳኔአችሁ ይወሰናል ዳዊት ከቤርሳቤህ ጋር ኃጢአት ከሠራ በኋላ ሕይወቱ ፈጽሞ ተመሳሳይ አልሆነም አንድ ታላቅ ቤተመቅደስ ለመስራት ያየው ራዕይ በዚያ ቀን ጠፋ ሐናንያ እና ሰጲራ በቤተክርስቲያን ላይ ለመዋሸት ከወሰኑ በኋላ ህይወታቸው በድንገት ቆመ ዳንኤል በታማኝነት የወሰናቸው ታማኝ ውሳኔዎቹ  ምንም እንኳን ከፍተኛ ሥቃይ ቢደርስበትም ለታላቅ በረከት መንገድ ነበሩ እግዚአብሔርን ለማክበር ያለው ቁርጠኝነት በተጽዕኖ እና በከፍታ የሥልጣን ቦታዎች ላይ አኖረው በሕይወቱና በምስክሩ ምክንያት የእስራኤል አምላክ ዝና ወደ መላው ዓለም ይናኝ ነበር

በህይወት ውስጥ ውሳኔ የማድረግ ችሎታ መኖሩ ትልቅ ክብር ነው በዚህ ታላቅ የምርጫ በረከት ጋር ትልቅ ኃላፊነት ተያይዞ ይመጣል። ትክክለኛ ውሳኔዎችን እናደርጋለን?

 

ለግንዛቤ፡

እግዚአብሔር ዳዊትን ከቤርሳቤ ጋር ኃጢአት እንዳይሰራ ሊያስቆመው ችሏልን? እግዚአብሔር በኃጢአት እንዳትወድቅ የጠበቀህ ጊዜ አለን? እግዚአብሔር ኃጢአት እንዳትሠራ  ያስገድደናልን?

 

ዳዊት ከቤርሳቤህ ጋር በኃጢአት ከወደቀ በኋላ የኃጢአቱ ውጤቶች ምን ነበሩ?

 

የሐናኒያ እና ሰጲራ ውሳኔ ወደሞት መራቸው። በሕይወታችሁ በወሰናችሁት የተሳሳቱ ውሳኔዎች ምክንያት የደረሰባችሁን ችግሮችን አስተውሉ።

 

ትክክለኛ ውሳኔዎችን ወስነናል ማለት ችግሮች አይገጥሙንም ማለት ነውን? ዳንኤል የወሰናቸውን ውሳኔዎች ተመልከቱ። የእነዚህ ትክክለኛ ውሳኔዎች ውጤት ምን ነበሩ?

 

ለጸሎት፡

ጌታ መጥፎ ውሳኔዎችን እንዳንወስን እንደማያስገድደን እና በመጥፎ ውሳኔዎች ምክንያት ለሚመጡ ውጤቶች ሁሉ እርሱ ተጠያቂ እንዳልሆነ እንረዳ ዘንድ እንዲረዳን ጸልዩ።

 

በሕይወታችሁ ስለወሰናችሁት መጥፎ ውሳኔዎች እግዚአብሔር ይቅር እንዲላችሁ ጸልዩ።

 

እንደ ዳንኤል በሕይወታችሁ በምትወስኑት ውሳኔ ሁሉ እርሱን ታከብሩ ዘንድ ጌታ ምሪት እና ብርታት እንዲሰጣችሁ ጸልዩ።

 


 

ምዕራፍ 5 - የምርጫ ጥሪ

 

መጽሐፍ ቅዱስን ስናጠና ጌታ እግዚአብሔር የመምረጥ መብታችንን እንጠቀም ዘንድ ሲጠራን እንመለከታለን በሕይወት ውስጥ ከምናደርጋቸው በጣም አስፈላጊ ውሳኔዎች መካከል አንዱ ጌታን መከተል ወይም የራሳችንን እቅድ እና ሃሳብ መከተል ነው

በዘመኑ በነበሩ ሰዎች ፊት ቆሞ ኢያሱ የሚያገለግሉትን አምላክ እንዲመርጡ ይሞግታቸው ነበር፡

14 አሁንም እግዚአብሔርን ፍሩ፥ በፍጹምም በእውነተኛም ልብ አምልኩት፤ አባቶቻችሁም በወንዝ ማዶ በግብፅም ውስጥ ያመለኩአቸውን አማልክት ከእናንተ አርቁ፥ እግዚአብሔርንም አምልኩ።

15 እግዚአብሔርንም ማምለክ ክፉ መስሎ ቢታያችሁ፥ አባቶቻችሁ በወንዝ ማዶ ሳሉ ያመለኩአቸውን አማልክት ወይም በምድራቸው ያላችሁባቸውን የአሞራውያንን አማልክት ታመልኩ እንደ ሆነ፥ የምታመልኩትን ዛሬ ምረጡ። እኔና ቤቴ ግን እግዚአብሔርን እናመልካለን። (ኢያሱ 24)

 

የእግዚአብሔር ህዝብ ውሳኔ መወሰን ያስፈልገው ነበር በጌታ ዓላማ ይራመዳሉ ወይንስ ሌላ አምላክ ይመርጣሉ? እንደ ኢያሱ ገለጻ እነርሱ የፈለጉትን ውሳኔ ለማድረግ ነጻ ነበሩ፣ዳሩ ግን የተሳሳተ ውሳኔ ማድረጉ የሚያስከትላቸው ውጤቶች አሉ

በዘዳግም 11 ውስጥ ሙሴ እግዚአብሔር እስራኤላውያንን ለሕይወታቸው ሁለት አማራጮችን እያዘጋጀ መሆኑን ነገራቸው:

26እነሆ፥ እኔ ዛሬ በፊታችሁ በረከትንና መርገምን አኖራለሁ፤

27በረከትም፥ እኔ ዛሬ ለእናንተ የማዝዘውን የአምላካችሁን የእግዚአብሔርን ትእዛዝ ብትሰሙ፤

28 መርገምም፥ የአምላካችሁን የእግዚአብሔርን ትእዛዝ ባትሰሙ፥ ዛሬም ካዘዝኋችሁ መንገድ ፈቀቅ ብትሉ፥ ሌሎችንም የማታውቋቸውን አማልክት ብትከተሉ ነው።

29 አምላክህም እግዚአብሔር ትወርሳት ዘንድ አንተን ወደምትሄድባት ምድር ባገባህ ጊዜ፥ በረከቱን በገሪዛን ተራራ መርገሙንም በጌባል ተራራ ታኖራለህ። (ዘዳግም 11)

 

እግዚአብሔር በረከትንና መርገምን በእስራኤል ፊት አኖረ ህዝቡ የሚለማመደው  ነገር ባሳለፋቸው ውሳኔዎች ላይ የተመሠረተ ነው የጌታን ትዕዛዛት ለመታዘዝ ከመረጡ፣ይባረካሉ። አለመታዘዝን ከመረጡ የእርሱ እርግማን ያገኛቸዋል እዚህ ላይ ያለው አንድምታ የእስራኤል ህዝብ የሚመርጠው ምርጫ እንደነበረ ነው

ይህ ምርጫ በዘዳግም 30 ላይ ግልጽ ሆኖ ተቀምጧል፡

15 ተመልከት፤ ዛሬ በፊትህ ሕይወትንና መልካምነትን፥ ሞትንና ክፋትን አኑሬአለሁ።

16 በሕይወትም እንድትኖር እንድትባዛም፥ አምላክህም እግዚአብሔር ልትወርሳት በምትገባባት ምድር እንዲባርክህ፥ አምላክህን እግዚአብሔርን ትወድድ ዘንድ፥ በመንገዱም ትሄድ ዘንድ ትእዛዙንና ሥርዓቱን ፍርዱንም ትጠብቅ ዘንድ ዛሬ እኔ አዝዝሃለሁ።

17ልብህ ግን ቢስት አንተም ባትሰማ፥ ብትታለልም፥ ለሌሎችም አማልክት ብትሰግድ ብታመልካቸውም፥

18 ፈጽማችሁ እንድትጠፉ እኔ ዛሬ እነግራችኋለሁ፤ ዮርዳኖስን ተሻግረህ ትወርሳት ዘንድ በምትገባባት ምድር ዘመናችሁን አታስረዝሙም።

19 በፊታችሁ ሕይወትንና ሞትን በረከትንና መርገምን እንዳስቀመጥሁ እኔ ዛሬ ሰማይንና ምድርን በአንተ ላይ አስመሰክራለሁ፤ እንግዲህ አንተና ዘርህ በሕይወት ትኖሩ ዘንድ ሕይወትን ምረጥ፤

20 እግዚአብሔርም ለአባቶችህ ለአብርሃምና ለይስሐቅ ለያዕቆብም እንዲሰጣቸው በማለላቸው በምድሪቱ ትቀመጥ ዘንድ፥ እርሱ ሕይወትህ የዘመንህም ርዝመት ነውና አምላክህን እግዚአብሔርን ትወድደው ትጠባበቀውም ቃሉንም ትሰማ ዘንድ ምረጥ። (ዘዳግም 30)

   

እግዚአብሔር ህይወትን እና ሞትን (በረከት እና እርግማን) በሕዝቡ ፊት አኖሯል የሚሄዱበትን መንገድ ምርጫ ሰጣቸው ከዚያም ጌታ ውሳኔ እንዲያደርግ ሕዝቡን እንዴት እንደጠራ በቁጥር 19 ላይ ልብ ይበሉ ሕይወትን እንዲመርጡ ይማጸናቸዋል። እግዚአብሔር ለፈቃዱ ድርጊት ጥሪ እያደረገ ነው ህዝቡ እርሱን እንዲከተል እና በእነሱ ላይ ሊያዘንባቸው የፈለገውን በረከቶች ይለማመዱ ዘንድ ከልብ የመነጨ ውሳኔ እንዲያደርጉ ጥሪ ያቀርባል ሆኖም ይህን ውሳኔ እንዲወስኑ አያስገድዳቸውም ከእግዚአብሔር ለመራቅ እና ላለመታዘዝ እንዲሁም የሞት ጎዳናን የመምረጥ ነፃነት ነበራቸው

መጽሐፍ ቅዱስ ይህንን የሕይወት እና የበረከት መንገድ ባልመረጡ ወንዶችና ሴቶች ምሳሌዎች ተሞልቷል የምሳሌ ጸሐፊ የእግዚአብሔርን የጥበብ ጎዳና መቃወምን ስለመረጡ ሰዎች ሲናገር

28 የዚያን ጊዜ ይጠሩኛል፥ እኔ ግን አልመልስም፤ ተግተው ይሹኛል፥ ነገር ግን አያገኙኝም።

29እውቀትን ጠልተዋልና፥ እግዚአብሔርንም መፍራት አልመረጡምና፤

30 ምክሬን አልፈቀዱምና፥ ዘለፋዬንም ሁሉ ንቀዋልና፤

31 ስለዚህ የመንገዳቸውን ፍሬ ይበላሉ፥ ከራሳቸው ምክር ይጠግባሉ። (ምሳሌ 1)

 

እዚህ ጋር ጸሐፊው  እግዚአብሔርን ለመፍራት እና በመንገዱ ለመሄድ ስላልመረጡ ሰዎች ይናገራል። የዚህ ውሳኔ ውጤት የመንገዳቸውን ፍሬ የሚበሉ ይሆናሉ የሚል ነው።

ይህ ተመሳሳይ ጥሪ ወደ አዲስ ኪዳን ይሄዳል። የወንጌሉ ጸሃፊ ዮሐንስ ስለ ኢየሱስ ክርስቶስ ሕይወት ማብራሪያ ለምን እንደጻፈ ይነግረናል፡ 

30  ኢየሱስም በዚህ መጽሐፍ ያልተጻፈ ሌላ ብዙ ምልክት በደቀ መዛሙርቱ ፊት አደረገ፤

31ነገር ግን ኢየሱስ እርሱ ክርስቶስ የእግዚአብሔር ልጅ እንደ ሆነ ታምኑ ዘንድ፥ አምናችሁም በስሙ ሕይወት ይሆንላችሁ ዘንድ ይህ ተጽፎአል። (ዮሐንስ 20)

 

የኢየሱስን ሕይወት ታሪክ የሰሙ ሰዎች እንዲያምኑ እና በስሙ ሕይወት እንዲኖራቸው ዮሐንስ ወንጌሉን ጻፈው ማመን ማለት ምን ማለት ነው? እምነትን ሙሉ ክብደታችንን በአንድ ነገር ላይ እንደ ማስቀመጥ አድርጌ መግለጽ እፈልጋለሁ የሚያምን ሰው በሚያምነው ነገር ላይ ሙሉ እምነት ይጥላል እንጂ ከማመን ወደኋላ አይልም። በእምነት ውስጥ አንድ የምርጫ ክፍል አለ እምነታችንን በምንሰማው ላይ እናደርጋለን ወይንስ እንጠራጠራለን? ለቀረበልን እውነት እጅ እንሰጣለን ወይንስ አንቀበልም ብለን እንሄዳለን? ዮሐንስ ስለ ጌታ ኢየሱስ ሕይወት እና ሞት እውነታውን ለማቅረብ እና እያንዳንዱን አንባቢ ወደ ውሳኔ ስፍራ ለማምጣት ፈለጎ ነበር በእውነታዎች ላይ እምነትን ጥለው ሙሉ መተማመናቸውን በኢየሱስ ላይ ያደርጋሉ ወይንስ ከእሱ ይርቃሉ? ውሳኔ እንዲሰጥበት ጥሪ አቅርቧል

የጌታ ኢየሱስ ማዕከላዊ መልዕክት ምን ነበር? ማርቆስ 1 የእግዚአብሔር መንግሥት መቅረቡን እንደሰበከ እና ሰዎች ንስሐ እንዲገቡ እና የምሥራቹን ወንጌል ይሰሙ ዘንድ እንዳስጠነቀቃቸው ይነግረናል፡

14-15 ዮሐንስም አልፎ ከተሰጠ በኋላ ኢየሱስ የእግዚአብሔርን መንግሥት ወንጌል እየሰበከና፦ ዘመኑ ተፈጸመ የእግዚአብሔርም መንግሥት ቀርባለች ንስሐ ግቡ በወንጌልም እመኑ እያለ ወደ ገሊላ መጣ። (ማርቆስ 1)

ኢየሱስ ሊመጣ ያለው መሲህ እና በእርሱ እና በሥራው የሚያምኑ ሁሉ ከኃጢአታቸው እንደሚድኑ እና የዘለዓለም ሕይወትን እንደሚያገኙ ያስተምር ነበር። ኢየሱስ መሲህ መሆኑን በብዙ መንገዶች አሳይቷል። በዮሐንስ 14 ላይ ለህዝቡ ሲናገር እንዲህ ይላል፡  

10 እኔ በአብ እንዳለሁ አብም በእኔ እንዳለ አታምንምን? እኔ የምነግራችሁን ቃል ከራሴ አልናገረውም፤ ነገር ግን በእኔ የሚኖረው አብ እርሱ ሥራውን ይሠራል።

11 እኔ በአብ እንዳለሁ አብም በእኔ እንዳለ እመኑኝ፤ ባይሆንስ ስለ ራሱ ስለ ሥራው እመኑኝ። (ዮሐንስ 14)

 

እዚህ ኢየሱስ እየተናገረ ያለውን አስተውሉ የተናገረው ቃል ከአብ መሆኑን ለአድማጮቹ እያስታወሰ ነው እርሱ ያደረጋቸው ተአምራዊ ሥራዎች እንዲሁ በእርሱ ውስጥ የአብ ሥራ ማስረጃዎች እንደነበሩ ይነግራቸው ነበር በመቀጠልም ቃላቱን የሰሙ እና ስራዎቹን ያዩትን የዚያን ዘመን ሰዎች በምላሹ ምን ማድረግ እንዳለባቸው ይወስኑ ዘንድ ጥሪ አቅርቧል ለማመን ቁርጠኛ ውሳኔ እንዲያደርጉ አበረታቷቸዋል

11 ሲሰሙም ደስ አላቸው ብርም ይሰጡት ዘንድ ተስፋ ሰጡት። በሚመች ጊዜም እንዴት አድርጎ አሳልፎ እንዲሰጠው ይፈልግ ነበር። (ዮሐንስ 14)

ኢየሱስ ውሳኔን ጠየቀ እኔ ከአብ እንደሆንኩ ያምናሉ? በእውቀት ላይ የተመሠረተ ውሳኔ ያደርጉ ዘንድ ኢየሱስ እነዚህን ሁሉ ማስረጃዎች በዘመኑ ለነበሩ ሰዎች አቅርቧል እንደ ወንጌል ጸሐፊው እንደ ዮሐንስ ሁሉን እውነታውን አቅርቦ ለእምነት ምላሽ እንዲሰጥ ጥሪ ያቀርባል

በእስራኤል ሕዝብና  በበኣል ነቢያት ፊት ቆሞ ነብዩ ኤልያስ እነዚህን ቃላት ተናገረ

20 አክዓብም ወደ እስራኤል ልጆች ሁሉ ልኮ ነቢያቱን ሁሉ ወደ ቀርሜሎስ ተራራ ሰበሰበ።

21 ኤልያስም ወደ ሕዝቡ ሁሉ ቀርቦ፦ እስከ መቼ ድረስ በሁለት አሳብ ታነክሳላችሁ? እግዚአብሔር አምላክ ቢሆን እርሱን ተከተሉ፤ በኣል ግን አምላክ ቢሆን እርሱን ተከተሉ አለ። ሕዝቡም አንዲት ቃል አልመለሱለትም። (1 ነገስት 18)

በእነዚያ ቀናት የእግዚአብሔር ህዝብ የባዕድ የአህዛብ አምላክ የሆነውን በኣልን ለመከተል ተፈትነው ነበር ስለዚህ ኤልያስ ወቀሳቸው ከዚያም በፊቱ የቆሙትን ከሁለቱ አንዱን ይመርጡ ዘንድ ውሳኔ ላይ እንዲደርሱ ጠራቸው እስከመቼ በሁለት የተለያዩ ሃሳቦች ታነክሳላችሁ? ሲል ጠየቃቸው እግዚአብሔር ውሳኔ እንዲወስኑ ይጠብቅ ነበር እርሱን ይከተላሉ ወይስ በኣልን ይከተላሉ? በመካከል መኖር አልቻሉምና

ማንን እንደምናገለግል መወሰን እንዳለብን ኢየሱስ በግልፅ ተናግሯል ሁለት ጌቶችን ማገልገል አንችልም አንዱን ወይም ሌላውን መምረጥ አለብን፡

24 ለሁለት ጌቶች መገዛት የሚቻለው ማንም የለም፤ ወይም አንዱን ይጠላል ሁለተኛውንም ይወዳል፤ ወይም ወደ አንዱ ይጠጋል ሁለተኛውንም ይንቃል፤ ለእግዚአብሔርና ለገንዘብ መገዛት አትችሉም። (ማቴዎስ 6)

ሐዋሪያው ያዕቆብ ሁለት ሃሳብ ያለው በመንገዱም ሁሉ እንደሚወላውል ይናገራል (ያዕቆብ 1:8) ። ሁለት ሃሳብ ያላቸውን ሰዎች አለመወሰናቸውን እንዲሰብሩ እና ለእግዚአብሔር እንዲገዙ ይነግራቸዋል።

 

7 እንግዲህ ለእግዚአብሔር ተገዙ፤ ዲያብሎስን ግን ተቃወሙ ከእናንተም ይሸሻል፤

8 ወደ እግዚአብሔር ቅረቡ ወደ እናንተም ይቀርባል። እናንተ ኃጢአተኞች፥ እጆቻችሁን አንጹ፤ ሁለት አሳብም ያላችሁ እናንተ፥ ልባችሁን አጥሩ። (ያዕቆብ  4)

 

በሁለት ሃሳብ ማነከስ ሊወገድ የሚገባው ኃጢአት ነው በሁለት ሃሳብ የማነከስ ፈውስ ልንሄድበት ስለሚገባን አቅጣጫ ውሳኔ መወሰን ብቻ ነው በዚህ ጉዳይ ላይ ያዕቆብ አንባቢዎቹን ለክርስቶስ እንዲገዙ እና ከማንኛውም ነገር ዞር እንዲሉ ያስጠነቅቃል

ኢየሱስ በራዕይ 3 ላይ በሁለት ሃሳብ ስለማነከስ ይናገራል፣እሱ በራድ ወይም ትኩስ ስላልሆነ ነገር ግንለብ ያለ ስለመሆን ይናገራል፡

15 በራድ ወይም ትኩስ እንዳይደለህ ሥራህን አውቃለሁ። በራድ ወይም ትኩስ ብትሆንስ መልካም በሆነ ነበር።

16 እንዲሁ ለብ ስላልህ በራድም ወይም ትኩስ ስላልሆንህ ከአፌ ልተፋህ ነው። (ራዕይ 3)

 

ጌታ ኢየሱስ ለሎዶቅያ ቤተክርስቲያን ለብ ያሉ እንደነበሩ ይነግራቸው ነበር  በራድ ወይም ትኩስ ቢሆኑ ብሎ ይነግራቸዋል። በሌላ አገላለጽ እነሱ ውሳኔ ይወስኑ ዘንድ ይፈልጋል የእርሱ ናቸውን ወይንስ ከእርሱ ውጪ? እሱን ያገለግላሉ ወይንስ ይቃወሙታል? ይህ ለብ ማለት ቀዝቃዛ ከመሆን እጅግ የከፋ ነበር በቤተክርስቲያን ምስክርነት ላይ ትልቁ ጉዳት የሚደርሰው ለጌታ ለኢየሱስ እና ለቃሉ ጽኑ ቃልኪዳን ባላደረጉ ሰዎች ነው እነርሱ ክርስቲያን ነን ይላሉ ዳሩ ግን ዓለምን እና መንገዱን ይወዳሉ እነሱ በጌታ እና በዓለም መካከል ይወዛወዛሉ። ይህ እንደ ኢየሱስ አገላለጽ በእርሱ ዘንድ በጣም አስጸያፊ ስለነበረ እነዚህን አማኞች ከአፉ ይትፋቸዋል

ለብ ያለ መሆን፤በሁለት ሃሳብ ማነከስ እና አለመወሰን እንደ ቀላል ሊወሰዱ አይገባም እነዚህ በንስሃ ልንመለስባቸው የሚገባን ኃጢአቶች ናቸው ማንን እንደሚያገለግሉ መወሰን ስለማይችሉ ሰዎች ኢየሱስ እንዲህ ይላል፡

 

23 ከእኔ ጋር ያልሆነ ይቃወመኛል፥ ከእኔ ጋርም የማያከማች ይበትናል። (ሉቃስ 11)

ከክርስቶስ ጋር ናችሁ ወይስ ከእሱ ውጪ ናችሁ? ውሳኔ በማይሰጥበት አጥር ላይ መቀመጥ አትችሉም ክርስቶስን ካልመረጣችሁ እና በእርሱ ላይ ሙሉ እምነታችሁን ካላደረጋችሁ ከእርሱ ውጪ ናችሁ። ሁለት ጌቶችን ማገልገል አትችሉም በሁለት ሃሳቦች መካከል ማነከስ አትችሉም፤ መጽሐፍ ቅዱስ ታማኝነታችንን እንድንናገር ጥሪ ያደርግልናል፤በእርሱ እና በቃሉ ካፈርን በእኛ ላይ እንደሚያፍር ያስጠነቅቀናል፡

26 በእኔና በቃሌ የሚያፍር ሁሉ፥ የሰው ልጅ በክብሩ በአባቱና በቅዱሳን መላእክቱ ክብርም ሲመጣ በእርሱ ያፍርበታል። (ሉቃስ 9)

የምንሄድበትን መንገድ ለመምረጥ ይህ ሁላችንም የቀረበ ጥሪ ነው። እግዚአብሔርን ለማገልገል ወይም ዓለምን እና መንገዱን ለመከተል መወሰን አለብን። ይህ እኛ በየዕለቱ ማድረግ የሚገባን ውሳኔ ነው። በመንገዳችን ላይ የሚመጣ እያንዳንዱ ሁኔታ እና ሙከራ ያንን ውሳኔ ይጠይቃል፤የታደሰ ቃልኪዳንን እንዲኖረን ጥሪ ያቀርባል። እርግጠኛ ልንሆን የሚገባን እያንዳንዳችን አንዱን መምረጥ አለብን የሚለው ነው።   ለብ ማለት እና በሁለት ሃሳብ ማነከስ በቅዱሳት መጻሕፍት ውስጥ አማራጭ አይደለም።

 

ለግንዛቤ፡

እግዚአብሔር ለመምረጥ ነጻነት ይሰጠናልን?

 

እግዚአብሔር ስለ እኛ የሚያስበው ምንድ ነው? እግዚአብሔር ለእርሱ ፍጹም እንታዘዝ ዘንድ ለምን አያስገድደንም?

 

ዮሐንስ አንባቢዎቹ ያምኑ ዘንድ ወንጌሉን ጽፏል። ኢየሱስ ለሚያምኑት ወንጌልን ሰብኳል እንዲሁም ታዕምራትን ሰርቷል። ማስረጃቸውን እንዳንቀበል የሚያግደን ምንድ ነው?

 

ለብ ያለ እና በሁለት ሃሳብ የማነከስ ኃጢአት ምንድ ነው? ዛሬ ኃጢአት እንዴት የቤተክርስቲያንን ምስክርነት ያጠፋል?

 

ውሳኔ ላይ ሳንደርስ እና በሁለት ሃሳብ እያነከስን ኢየሱስን መከተል እንችላለን?

 

ለጸሎት:

ውሳኔ ላይ ባለመድረስ እና በሁለት ሃሳብ በማነከስ ስለሰራኸው ኃጢአት እግዚአብሔር ይቅር እንዲልህ ጸልይ። ራስህን ሙሉ በሙሉ ለእርሱ መስጠት ትችል ዘንድ ጸጋን እንዲሰጥህ ጸልይ።

 

ሙሉ በሙሉ ራሳቸውን ለክርስቶስ እና ለመንገዶቹ ያላስገዙ በዙሪያህ ያሉ ሰዎችን ታውቃለህን? እርሱን ለመከተል ጽኑ መሰጠት ያደርጉ ዘንድ ትነግራቸው ዘንድ እንድትችል እግዚአብሔርን ጠይቅ

 


 

ምዕራፍ 6 - በምንመርጠው ምርጫ የመጽሐፍ ቅዱስ ምሪት

 

እግዚአብሔር የመምረጥ ችሎታ ስለፈጠረልን አሁን ይህንን መብት እንድንጠቀምበት ይጠብቃል። ብዙ የምናደርጋቸው ውሳኔዎች በሕይወታችን እና በአካባቢያችን ባሉ ሰዎች ሕይወት ላይ አስደናቂ ተጽዕኖ ያሳድራሉ። የሕይወታችን ቅርፅ እና ሁኔታ በአብዛኛው በምናደርጋቸው ውሳኔዎች ላይ የተደገፈ ነው። ይህ አቅልለን ልንመለከተው የምንችለው ነገር አይደለም።

እኛ ልንገነዘበው የሚገባን ነገር ከመምረጥ ችሎታ ጋር የፈጠረን እግዚአብሔር እንዲሁ በምንወስናቸው ውሳኔዎች ላይ እኛን ለመምራት ቃል ገብቷል። በዚህ ጉዳይ ለራሳችን አልተወንም። እግዚአብሔር በምናደርጋቸው ውሳኔዎች ውስጥ እኛን ከሚመራባቸው የመጀመሪያዎቹ መንገዶች አንዱ ቃሉን በጽሑፍ መልክ በማቅረብ ነው።

ሐዋርያው ጳውሎስ ስለ ቅዱሳን መጻሕፍት የተናገረውን ያዳምጡ:

16-17 የእግዚአብሔር ሰው ፍጹምና ለበጎ ሥራ ሁሉ የተዘጋጀ ይሆን ዘንድ፥ የእግዚአብሔር መንፈስ ያለበት መጽሐፍ ሁሉ ለትምህርትና ለተግሣጽ ልብንም ለማቅናት በጽድቅም ላለው ምክር ደግሞ ይጠቅማል። (2 ጢሞቴዎስ 3)

ሐዋርያው ስለ ቅዱሳን መጻሕፍት ለጢሞቴዎስ የነገረውን አስተውሉ። ቅዱሳት መጻሕፍት በእግዚአብሔር መንፈስ መሪነት የተጻፉ ከመሆናቸውም በላይ ለትምህርትና ለተግሣጽ ልብንም ለማቅናት በጽድቅም ላለው ምክር ለመውቀስ ይጠቅማሉ። የእግዚአብሔር ቃል የተሰጠን እግዚአብሔር እናከናውነው ዘንድ ለጠራን ስራ እንድንታጠቅ ነው። በሌላ አገላለጽ እግዚአብሔር በዚህ ምድር ላይ እንዴት እንድንኖር እና እሱን ማገልገል እንችል ዘንድ ለማሳየት ቃሉን ሰጥቶናል። የሕይወት እና እምነት መመሪያ መጽሐፍ ነውና።

 

እንዴት እንደምንኖር ለማወቅ ከፈለግን ቅዱሳን መጻሕፍትን መመርመር ያስፈልገናል። እውነትን ማወቅ ከፈለግን በእግዚአብሔር በመንፈስ አነሳሽነት የተጻፈው ቃል የሚነግረንን ማጥናት ያስፈልገናል። የእግዚአብሔር ቃል ውሳኔዎቻችን ሁሉ የሚደረግበትን መሠረት የሚጥል ነውና።

በመዝሙር 73 ላይ የሰፈረውን የዘማሪውን ቃል እንመልከት፡

24 በአንተ ምክር መራኸኝ፤ ከክብር ጋር ተቀበልኸኝ። (መዝሙር 73)

ዘማሪው ምርጫዎቹን ሁሉ ያለ ጌታ እግዚአብሔር ምክር እና መመሪያ መምረጥ እንደሌለበት በማወቁ ምክንያት ታላቅ እረፍት አግኝቷል። በሕይወቱ ውስጥ እያንዳንዱን ውሳኔ ሲወስን ጌታ በመረጣቸው ምርጫዎች እንደመራው ማረጋገጫ ነበረው።

በመረጥናቸው ምርጫዎች ውስጥ ስለ እግዚአብሔር ቃል መመሪያ መዝሙር 119 በኃይል ይናገራል። መዝሙሩ የሚጀምረው በእነዚህ ቃላት ነው፡

[119:1] በመንገዳቸው ንጹሐን የሆኑ፥ በእግዚአብሔርም ሕግ የሚሄዱ ምስጉኖች ናቸው! (መዝሙር 119)

ዘማሪው በመንገዳቸው ንጹሐን የሆኑ የተባረኩ እንደሆኑ መናገሩን አስተውሉ። በሁለተኛው ቁጥር አጋማሽ ላይ ይህ ንጹሕ የሆነ ሕይወት እንዴት ሊሳካ እንደቻለ ያስረዳል። በጌታ ሕግ የሚመላለሱ ያለ ነቀፋ ይሄዳሉና። በሌላ አገላለጽ፣እንዴት መመላለስ እንዳለብን ለማወቅ ከፈለግን ቅዱሳን ጽሑፎችን ማጥናት ያስፈልገናል። ጌታን በሚያስደስት እና በረከትን በሚያስገኝ መንገድ እንዴት እንድንኖር የእግዚአብሔር ቃል መመሪያችን ነው። ዓይናችንን በእግዚአብሔር ትዕዛዛት ላይ ስናደርግ ብቻ ነውር በሌለበት ሕይወት መመላለስ እንችላለን፡

6 ትእዛዝህን ሁሉ ስመለከት በዚያን ጊዜ አላፍርም። (መዝሙር  119)

በመዝሙረ ዳዊት 119:9 ላይ ዘማሪው ጕልማሳ መንገዱን በምን ያነጻል? የሚለውን ጥያቄ ይጠይቃል፤በሌላ አገላለጽ አንድ ወጣት ወንድ ወይም ሴት በሕይወት ውስጥ ትክክለኛ ውሳኔዎችን ማድረግ የሚችሉት እንዴት ነው? ምላሹን ያስተውሉ፡

 

9 ጕልማሳ መንገዱን በምን ያነጻል? ቃልህን በመጠበቅ ነው።

10 በፍጹም ልቤ ፈለግሁህ፥ ከትእዛዝህ አታርቀኝ።

11 አንተን እንዳልበድል፥ ቃልህን በልቤ ሰወርሁ። (መዝሙር 119)

 

በህይወት ውስጥ ትክክለኛ ውሳኔዎችን የማድረግ መንገድ ህይወታችንን እንደ እግዚአብሔር ቃል በመኖር ነው። አንድ ወጣት ወንድ ወይም ሴት ለሚወስኑት ውሳኔዎች ሁሉ የእግዚአብሔር ቃል መሠረት ሊጥልላቸው ያስፈልጋል። ያ የተሳካ እንዲሆን እነዚህ ወጣት ወንድ ወይም ሴት ልጆች ልባቸው በእግዚአብሔር ቃል መሞላት አለበት።

በእግዚአብሔር ቃል መሞላት ማለት ምን ማለት ነው? ይህም የእግዚአብሔር ቃልን መርሆዎች ማንበብ፣ማጥናት እና መማርን ያመለክታል። የእግዚአብሔር ቃል የሕይወታችን አካል መሆን ያስፈልገዋል። በተለያዩ የሕይወት አጋጣሚዎች መካከል የመወሰን አስፈላጊነት ሲገጥመን እግዚአብሔር በሕይወታችን ላይ ያለውን ዓላማ ተረድተን በዚያው መሠረት እንድንመላለስ የእግዚአብሔር ቃል ትምህርት ወደ ልባችን እና ወደ አዕምሮአችን በጥልቀት እንዲገባ መፍቀድ አለብን። በህይወት ውስጥ ትክክለኛ ውሳኔዎችን ማድረግ አልቻላችሁም ማለት መጽሐፍ ቅዱስን እያነበባችሁ እና እያጠናችሁ አይደለም ማለት ነው። ኃጢአት እንዳንሠራ ልባችን በእግዚአብሔር ቃል  መሞላት አለበት። በምናደርጋቸው ውሳኔዎች ሁሉ የእግዚአብሔር ቃል መመሪያችን ነውና።

ዘማሪው በየቀኑ በሚያደርጋቸው ውሳኔዎች እና ምርጫዎች ውስጥ የእግዚአብሔር ቃል አስፈላጊነትን ተረድቷል። በእርግጥ እርሱ የእግዚአብሔርን ቃል ለእግሮቹ መብራት አድርጎ ገልጾታል።

105 ሕግህ ለእግሬ መብራት፥ ለመንገዴ ብርሃን ነው።

106 የጽድቅህን ፍርድ እጠብቅ ዘንድ ማልሁ፥ አጸናሁም። (መዝሙር 119)

 

በጨለማ ውስጥ ሄደው ያውቃሉን? ወዴት እንደምንሄድ ማየት ባልቻልን ጊዜ አንድ ነገርን የመርገጥ ወይም በመንገዳችን ላይ ተሰናክለን የመውደቅ አደጋ ይገጥመናል። ዘማሪው በሕይወት ጎዳና ላይ ለእግሮቹ መብራት ይሆን ዘንድ የእግዚአብሔርን ቃል ተመለከተ። ቃሉ ሊወገዱ የሚገባቸውን መሰናክሎች እና ኃጢአቶች ገለጠለት። እንዴት መኖር እና ህይወቱን መምራት እንዳለበት የሚረዳውን መርሆዎች አሳየው። በእግዚአብሔር ቃል መርሆዎች በመመላለስ ትክክለኛ ውሳኔዎችን ማድረግ ችሏል። በመጽሐፍ ቅዱስ እውነት ውስጥ እንደሚመላለስ እና በየቀኑ በሚያደርጋቸው ውሳኔዎች የእርሱ መመሪያ ይሆን ዘንድ ቃል በመግባት ለራሱ ማለ።

ዘማሪው በሕይወቱ ውስጥ ያደረጋቸው ውሳኔዎች ሁልጊዜ ትክክል አልነበሩም። በእርግጥ፣በመዝሙረ ዳዊት 11967 ላይ እንዴት እንደተሳሳተ ይናገራል።

67 እኔ ሳልጨነቅ ሳትሁ፤ አሁን ግን ቃልህን ጠበቅሁ።

68 አቤቱ፥ አንተ ቸር ነህ፥ በቸርነትህም ሥርዓትህን አስተምረኝ። (መዝሙር 119)

ዘማሪው በተሳሳተ ጊዜ ተመልሶ መንገዱን ያገኘው እንዴት እንደሆነ አስተውሉ አሁን ግን ቃልህን ጠበቅሁይላልበሌላ አገላለጽ የእግዚአብሔርን ቃል ሲመለከትና የእርሱ መመሪያ እንዲሆን ሲፈቅድለት ወደ ትክክለኛው መንገድ የሚመለስበትን መንገድ አገኘ። እርሱ በጽድቅ ጎዳና ላይ እንዲቆይ እና የጌታን በረከት መለማመድ ይችል ዘንድ ቃሉን እንዲያስተምረው በሚቀጥለው ቁጥር እግዚአብሔርን ይጠይቃል።

ኢየሱስ በዮሐንስ 17 ላይ ለደቀመዛሙርቱ የጸለየውን ጸሎት ተመልከቱ፤

13 አሁንም ወደ አንተ እመጣለሁ፤ በእነርሱም ዘንድ ደስታዬ የተፈጸመ እንዲሆንላቸው ይህን በዓለም እናገራለሁ።

14እኔ ቃልህን ሰጥቻቸዋለሁ፤ እኔም ከዓለም እንዳይደለሁ ከዓለም አይደሉምና ዓለም ጠላቸው።

15 ከክፉ እንድትጠብቃቸው እንጂ ከዓለም እንድታወጣቸው አልለምንም።

16 እኔ ከዓለም እንዳይደለሁ ከዓለም አይደሉም።

17 በእውነትህ ቀድሳቸው፤ ቃልህ እውነት ነው። (ዮሐንስ 17)

ጌታ ኢየሱስ ወደ አባቱ ለመመለስ ሲዘጋጅ ቃሉን እንደተወላቸው ለአብ ተናግሯል።    ያ ቃል ዓለም እንዲጠላቸው አድርጓቸዋል። ዓለምን በማይመስል ኑሮ እንዴት መኖር እንዳለባቸው ምሪትን ሰጥቷቸዋል። እነዚህ ደቀመዛሙርት ኢየሱስ የተወውን የቃሉን ትምህርት በመከተል በጨለማ ውስጥ እንደ ብርሃን ነበሩ። እነሱ የትውልዶቻቸውን ኃጢአት እና ክፋት ተጋፍጠው በእሱም ምክንያት የተጠሉ ሆኑ።

ኢየሱስ አብ ደቀመዛሙርቱን በእውነት እንዲቀድሳቸው እንዴት እንደጸለየ በቁጥር 17 ላይ ቃልህ እውነት ነው በማለት የተናገረውን ቃል አስተውሉ። እዚህ ጋር ኢየሱስ እየጸለየ የነበረው ምንድን ነው? ደቀመዛሙርቱ ትቶላቸው የሄደውን ቃል ተጠቅመውበት ቅዱስ ይሆኑ ዘንድ እግዚአብሔር አብን እየጠየቀ ነበር። ለደቀመዛሙርቱ ትቶላቸው የሄደውን እውነት ለማመን እና በእርሱ ለመመላላስ ሲመረጡ ይወስኗቸው በነበሩ ውሳኔዎች እንዲመራቸው እና ህይወታቸውን እንዲለውጥ ነው።

የእግዚአብሔር ቃል እርሱ ወደዘረጋልን መንገድ የሚመራን የእግዚአብሔር መንገድ ነው። የእግዚአብሔር ቃል ለህይወት እና ለእምነት መመሪያችን ነው።                 ምን እንደምናምን ለማወቅ ከፈለግን መጽሐፍ ቅዱስን ማጥናት ያስፈልገናል። በሕይወት ውስጥ ትክክለኛውን ምርጫ እንዴት ማድረግ እንደምንችል ለማወቅ ከፈለግን የመጽሐፍ ቅዱስን ትምህርት ማሰላሰል አለብን።

እግዚአብሔር በሕይወታችን ውስጥ የምርጫ መብት ሰጥቶናል።፡ ይህ መብት እጅግ ከባድ የሆነ የኃላፊነት ሸክም ይዞ ይመጣል። የተሳሳቱ ውሳኔዎች አስከፊ መዘዞች ሊያስከትሉ ይችላሉ። ለዚህም ነው ጌታ በተአምራት ቅዱሳን ጽሑፎችን ጠብቆ ያቆየን። ይህ ቃል በትምህርት እና መመሪያ የተሞላ ነው። ቃሉ ከእኛ በፊት ስለሄዱ ወንዶች እና ሴቶች ታሪኮች ይናገራል። ከእነዚህ ግለሰቦች መካከል የተወሰኑት መጥፎ ውሳኔዎችን ወስነዋል። የእነዚህን ውሳኔዎች ውጤት በታሪኮቻቸው ውስጥ እናያለን። በሕይወታችን በምናደርጋቸው ውሳኔዎች እና ምርጫዎች ውስጥ ምሪት እንዲሰጠን እግዚአብሔር ዛሬ ያስተላለፈልን ቅዱሳን መጻሕፍት ለእኛ ተሰጡን።

እግዚአብሔር አንዳንድ መመሪያዎችን፣ምሳሌዎችን እና ትምህርቶችን ሳይሰጠን እንድንመርጥ አይተወንም። ትክክለኛ ውሳኔዎችን ለማድረግ ከፈለግን በእግዚአብሔር ቃል መመራት አለብን።

 

ለግንዛቤ፡

እግዚአብሔር ቃሉን ለምን ሰጠን?

 

ያለ እግዚአብሔር ቃል ትክክለኛ የሆነ ውሳኔ መወሰን እንችላለን?

 

በመደበኛ ሁኔታ የእግዚአብሔርን ቃል ማንበብ እና ማጥናት የሳምንቱ የኑሯችሁ አካል ነው? የእግዚአብሔርን ቃል ለእውቀት ማጥናት እና በኑሮ ላይ ተግባራው ለማድረግ ማጥናት ልዩነቱ ምንድ ነው?

 

ለጸሎት:

መጽሐፍ ቅዱስ እግዚአብሔር ለሕይወታችን ያለውን ዓላማ በመያዙ ጌታን አመስግን። በምንወስናቸው ውሳኔዎች ብልሆች እንሆን ዘንድ ስለሚረዱን የእምነት ወንዶች እና ሴቶች የሕይወት ትምህርቶች እና መመሪያዎች እግዚአብሔርን አመስግን።

 

የመጽሐፍ ቅዱስን እውነት ለማወቅ እና ለማጥናት ጥልቅ የሆነ መሻት ጌታ እንዲሰጥህ ጸልይ

 

እግዚአብሔር በቃሉ ውስጥ ከተቀመጠው የእርሱ ዓላማ ጋር የሚጻረር ውሳኔ ለወሰንክባቸው ጊዜያት ይቅር እንዲልህ ጸልይ 


 

 

ምዕራፍ 7 - የመንፈስ ቅዱስ ምሪት እና ውሳኔዎቻችን

 

ውሳኔዎቻችንን ብቻችንን እንድናደርግ ጌታ አይተወንም። እንዴት እንደምንኖር መመሪያ ይኖረን ዘንድ ቃሉን በጽሑፍ እንዳስቀመጠልን በመጨረሻው ምዕራፍ ውስጥ ተመልክተናል። ለዚህ ቃል በመታዘዝ የሚመላለሱ ቢሆኑም በአንድ ወይም በሌላ መንገድ መካከል በመምረጥ ረገድ በጣም አስቸጋሪ በሚሆንባቸው ሁኔታዎች ውስጥ ራሳቸውን ያገኛሉ።

ወጣት ሳለሁ በመጽሐፍ ቅዱስ ትምህርት ቤት በነበረኝ ቆይታ በሕይወቴ ምን ማድረግ እንዳለብኝ ውሳኔ ገጠሞኝ ነበር። የሙሉ ጊዜ አገልጋይ እንድሆን የእግዚአብሔር ጥሪ እንደሆነ ተሰምቶኝ ነበር ሆኖም ግን ያ ምን ማለት እንደሆነ እርግጠኛ መሆን አልቻልኩም ነበር። የእግዚአብሔር ቃል የእርሱ አገልጋይ እሆን ዘንድ እንደጠራኝ አውቅ ነበር፣ነገር ግን በዚያ የእግዚአብሔር ቃል ውስጥ አገልግሎቴ ምን እንደሚሆን ወይም ያንን አገልግሎት እንዴት መጠቀም እንዳለብኝ የሚነግረኝ ቦታ የለም። መጽሐፍ ቅዱስ አጠቃላይ መርሆዎችን ይሰጠናል፣ዳሩ ግን ብዙውን ጊዜ ለተለዩ ዝርዝር ጉዳዮች የበለጠ መሪት ያስፈልገናል።

በሞሪሺየስ እና ሪዩኒዮን ደሴቶች ላይ ጌታ ሚስዮናዊ እሆን ዘንድ እንዴት እንደመራኝ በዚህ ጥናት ውስጥ በዝርዝር ለመሄድ ጊዜ የለኝም። ውሳኔው በምክንያታዊነት የወሰንኩት እንዳልሆነ ወይም በመጽሐፍ ቅዱስ ውስጥ ዌይኒ ወደ ሞሪሺየስ ሂድ የሚል አንድ ምዕራፍ እና ቁጥር አልነበረም ማለት ይበቃል። እኔ ማለት የምችለው ግን ጌታ ያንን ውሳኔ ምሪት ሰጥቶት ነበር እናም የምወስደው መንገድ ይህ መሆኑን ግልፅ አድርጎት ነበር።  

በአማኙ ሕይወት ውስጥ የመንፈስ ቅዱስ ምሪት ምስጢራዊ ነው ነገር ግን እግዚአብሔር የሚመራን በተጻፈው ቃሉ ብቻ ሳይሆን በመንፈሱ መሪት እና አነሳሽነትም እንደሆነ ጥርጥር የለውም። በሐዋርያት ሥራ 16 ላይ ጌታ ሐዋርያትን የመራበትን መንገድ ተመልከቱ።

 

6 በእስያም ቃሉን እንዳይናገሩ መንፈስ ቅዱስ ስለ ከለከላቸው በፍርግያና በገላትያ አገር አለፉ፤

7 በሚስያም አንጻር በደረሱ ጊዜ ወደ ቢታንያ ይሄዱ ዘድን ሞከሩ፥ የኢየሱስ መንፈስም አልፈቀደላቸውም፤

8 በሚስያም አጠገብ አልፈው ወደ ጢሮአዳ ወረዱ።

9 ራእይም ለጳውሎስ በሌሊት ታየው፤ አንድ የመቄዶንያ ሰው፦ ወደ መቄዶንያ ተሻገርና እርዳን እያለ ቆሞ ሲለምነው ነበር።

10 ራእዩንም ካየ በኋላ ወዲያው ወደ መቄዶንያ ልንወጣ ፈለግን፥ ወንጌልን እንሰብክላቸው ዘንድ እግዚአብሔር እንደ ጠራን መስሎናልና።  (ሐዋ  16)

 

ሐዋርያቱ ወደ እስያ ለመሄድ ሲሞክሩ በመንፈስ ቅዱስ ተከልክለው ነበር። ይህንን በመረዳት ወደ ቢታኒያ ክልል አቅጣጫቸውን ቀይረው እንደገና ለመሄድ ሲነሱ የኢየሱስ መንፈስ አልፈቀደላቸውም በመጨረሻም አንድ ምሽት ላይ ጳውሎስ ከመቄዶንያ የሚጣራ አንድ ሰው በራዕይ አየ። በውጤቱም ወንጌልን እንዲሰብኩላቸው እግዚአብሔር እንደጠራቸው ድምዳሜ ላይ ደረሰ።

በእነዚያ ቀናት የተደረጉት ውሳኔዎች በእውነቱ በሐዋርያት የቃሉ ጥናት የተቀረጹ ነበሩ ነገር ግን ከዚያ እጅግ የላቀ ነበር። የእግዚአብሔርን ቃል በሚያጠኑበት ጊዜ ወደ መቄዶንያ እንዲሄዱ የነገራቸው ነገር አልነበረም። ዳሩ ግን ከቅዱሳት መጻሕፍት የእግዚአብሔርን ሥራ እና መሪነት ተረድተዋል። ይህ መረዳት በወሰዱት አቅጣጫ በእግዚአብሔር መንፈስ አነሳሽነት አዕምሯቸውን ከፈተላቸው። መንፈስ ቅዱስ፣ደቀመዛሙርቱን መርቶ እንዲሄዱበት የፈለገውን መንገድ አሳያቸው።

ወንጌላዊው ፊሊጶስም በሰማርያ ሳለ ይህንን የጌታን መሪት ተለማምዶ ነበር። በዚህ ጊዜ ጌታ ድንቅ ነገሮችን ያደርግ ነበር። ፊሊጶስ በሚሰብክበት ክልል ውስጥ መነቃቃት በኃይል ወጥቶ ነበር። በዚህ መነቃቃት ከፍታ ላይ ነበር፣ ሆኖም ግን ጌታ ፊሊጶስን ተናግሮት ወደ በረሃው መራው። የሐዋርያት ሥራ 8 ይህንን ታሪክ ይተርካል።

 

 

26 የጌታም መልአክ ፊልጶስን፦ ተነሥተህ በደቡብ በኩል ከኢየሩሳሌም ወደ ጋዛ ወደሚያወርደው ምድረ በዳ ወደ ሆነ መንገድ ሂድ አለው።

27 ተነሥቶም ሄደ። እነሆም፥ ህንደኬ የተባለች የኢትዮጵያ ንግሥት አዛዥና ጃንደረባ የነበረ በገንዘብዋም ሁሉ የሠለጠነ አንድ የኢትዮጵያ ሰው ሊሰግድ ወደ ኢየሩሳሌም መጥቶ ነበር፤

28 ሲመለስም በሰረገላ ተቀምጦ የነቢዩን የኢሳይያስን መጽሐፍ ያነብ ነበር።

29 መንፈስም ፊልጶስን፦ ወደዚህ ሰረገላ ቅረብና ተገናኝ አለው።

30 ፊልጶስም ሮጦ የነቢዩን የኢሳይያስን መጽሐፍ ሲያነብ ሰማና፦ በውኑ የምታነበውን ታስተውለዋለህን? አለው።

31 እርሱም፦ የሚመራኝ ሳይኖር ይህ እንዴት ይቻለኛል? አለው። ወጥቶም ከእርሱ ጋር ይቀመጥ ዘንድ ፊልጶስን ለመነው። (ሐዋ 8)

 

በፊሊጶስ ሕይወት ውስጥ የጌታን መሪት አስተውሉ። ሰማርያን ለቆ በደቡብ በኩል ከኢየሩሳሌም ወደ ጋዛ ወደሚያወርደው ምድረ በዳ ወደ ሆነ መንገድ እንዲሄድ የነገረው የእግዚአብሔር መልአክ ነበር። ፊሊጶስን ያገኘው መረጃ ሁሉ ያ ነበር። በዚያ መንገድ ወደ ጋዛ መጓዝ ነበረበት። ሲደርስ በዚያው ጎዳና ላይ አንድ ሠረገላ ሲጓዝ አየ። የእግዚአብሔር መንፈስ ፊሊጶስን ወደዚህ ሰረገላ ቅረብና ተገናኝ። ያለው በዚያን ጊዜ ነበር። ፊሊጶስ የመንፈስን ምሪት በመታዘዝ ኢትዮጵያዊውን ባለሥልጣን ወደ ጌታ የመምራት ዕድል አግኝቷል።

ፊሊጶስም ይህንን መመሪያ የተቀበለው የሙሴን ሕግ በማንበብ ወይም ከሐዋርያት ከሰማው ወንጌል አልነበረም። እርሱ ያደረጋቸው ውሳኔዎች ሁሉ በእርሱ ዘንድ ባለው የእግዚአብሔር መንፈስ የተወሰነ አመራር ላይ የተመሰረቱ ነበሩ።

ጌታ መሄድ በሚገባን መንገድ እንሄድ ዘንድ ሊመራን ቃል ገብቷል። ዘማሪው በሚጽፍ ጊዜ ይህን ተረድቷል፡

8 አስተምርሃለሁ በምትሄድበትም መንገድ እመራሃለሁ፤ ዓይኖቼን በአንተ ላይ አጠናለሁ።

9 ወደ አንተ እንዳይቀርቡ በልባብና በልጓም ጉንጫቸውን እንደሚለጕሙአቸው፥ ልብ እንደሌላቸው እንደ ፈረስና እንደ በቅሎ አትሁኑ። (መዝሙር 32)

 

ከመዝሙር 32:8-9 መረዳት የሚያስፈልገን ነገር ጌታ እንደሚመራን አውቀን ኃላፊነት መቀበል አለብን። በተወሰነ የመንገድ አቅጣጫ እንዲሄድ ለማስገደድ ትንሽ ልጓም እንደሚያስፈልገው እንደ ግትር በቅሎ ወይም ፈረስ መሆን የለብንም። ይልቅ በፈቃደኝነት እና በታዛዥነት የጌታን መሪነት መምረጥ አለብን።

ጌታ በነቢዩ ኢሳይያስ በኩል ሲናገር እንደህ በማለት ለሕዝቡ ቃል ገብቷል፡

20 ጌታም የጭንቀትን እንጀራና የመከራን ውኃ ቢሰጥህም አስተማሪህ እንግዲህ ከአንተ አይሰወርም፤ ዓይኖችህ ግን አስተማሪህን ያያሉ፥

21 ወደ ቀኝም ወደ ግራም ፈቀቅ ብትል ጆሮችህ በኋላህ፦ መንገዱ ይህች ናት በእርስዋም ሂድ የሚለውን ቃል ይሰማሉ። (ኢሳይያስ  30)

 

ጌታ በኢሳይያስ በኩል በሚሄዱበት መንገድ እንደሚያስተምራቸው የተስፋ ቃልን ሰጥቷል። ጌታ መንገዱ ይህች ናት በእርስዋም ሂድ  ብሎ ሲናገር ይሰሙ ነበር።

በመጽሐፍ ቅዱስ ጌታ በሕዝቡ ሕይወት ውስጥ ስላለው የእግዚአብሔር ምሪት የሚያስተምሩ ብዙ ተጨማሪ ምሳሌዎች ይገኛሉ። በእርግጥ፣ጌታ ህዝቡን በቃሉ መርቶ ነበር፣ዳሩ ግን በሕይወታቸው  በመንፈሱ እና ምሪት በመስጠት እንዲሁ መራቸው።

ኢየሱስ ከአባቱ ጋር ለመሆን ከመሄዱ በፊት ለደቀመዛሙርቱ እነዚህን ቃላት ተናግሮ ነበር፡

7 እኔ ግን እውነት እነግራችኋለሁ፤ እኔ እንድሄድ ይሻላችኋል። እኔ ባልሄድ አጽናኙ ወደ እናንተ አይመጣምና፤ እኔ ብሄድ ግን እርሱን እልክላችኋለሁ።

እርሱም መጥቶ ስለ ኃጢአት ስለ ጽድቅም ስለ ፍርድም ዓለምን ይወቅሳል፤

9-10 ስለ ኃጢአት፥ በእኔ ስለማያምኑ ነው፤ ስለ ጽድቅም፥ ወደ አብ ስለምሄድ ከዚህም በኋላ ስለማታዩኝ ነው፤

11 ስለ ፍርድም፥ የዚህ ዓለም ገዥ ስለ ተፈረደበት ነው።

12 የምነግራችሁ ገና ብዙ አለኝ፥ ነገር ግን አሁን ልትሸከሙት አትችሉም።

13 ግን እርሱ የእውነት መንፈስ በመጣ ጊዜ ወደ እውነት ሁሉ ይመራችኋል፤ የሚሰማውን ሁሉ ይናገራል እንጂ ከራሱ አይነግርምና፤ የሚመጣውንም ይነግራችኋል።

14እርሱ ያከብረኛል፥ ለእኔ ካለኝ ወስዶ ይነግራችኋልና።

15 ለአብ ያለው ሁሉ የእኔ ነው፤ ስለዚህ፦ ለእኔ ካለኝ ወስዶ ይነግራችኋል አልሁ። (ዮሐንስ 16)

 

ጌታ ኢየሱስ ወደ አባቱ በተመለሰበት ቀን ለደቀመዛሙርቱ መንፈስ ቅዱስን እንደሚልክላቸው ነግሯቸው ነበር። በዚህ ወቅት ደቀመዛሙርቱ ሕይወታቸው በጌታ በኢየሱስ ምክር እና ትምህርት ላይ በጣም ጥገኛ ነበር። እርሱ በአካል ከጎናቸው ሳይሆን ሕይወትን መምራት ለእነርሱ የሚታሰብ አልነበረም። የእርሱን ጥበብ በየቀኑ ይፈልጉ ነበር። የኢየሱስ ቃላት በዚያ ቀን ለደቀመዛሙርቱ መጽናኛ ነበሩ።                            እሱ ብቻቸውን እንዲሆኑ አይተዋቸውም። ረዳት ይልክላቸዋልና።

ጌታ መንፈስ ቅዱስ ይሰራል ያለውን አስተውሉ። በመጀመሪያ፣መንፈስ ቅዱስ የሰዎችን ዓይኖች ለኃጢአት ይከፍትና ስለ መጪው ፍርድ ጥልቅ ግንዛቤን ይሰጣቸዋል (ቁጥር 8-11) ። በሁለተኛ ደረጃ፣የእግዚአብሔርን ህዝብ የእግዚአብሔርን እውነት እንዲረዱ ይመራቸዋል (ቁጥር 1213) ። ሦስተኛ፣እንዴት በሕይወታቸው እንደሚኖሩ ገልጦ ለጌታ ኢየሱስ ስም ክብር የሚያመጡ ውሳኔዎችን ይወስናል (ቁጥር 14) ። በመጨረሻም፣እርሱ ለሚሰሙት የጌታ ኢየሱስን ፈቃድ እና ዓላማ ይነግራቸዋል (ቁጥር 15)

ከመምረጥ ነፃነት ጋር ተያይዞ የሚመጣውን ታላቅ ኃላፊነት ስናስብ፣እነዚያን ውሳኔዎች ለመወሰን ብቻችንን አለመሆናችን ለእኛ ጥልቅ መጽናኛ ነው። ምን ማመን እንዳለብን እና እንዴት መኖር እንደሚገባን የሚመራን የተጻፈ የእግዚአብሔር ቃል አለን።                 ቃሉ በሕይወታችን በተግባር እንዲሰራ ደግሞ መንፈስ ቅዱስ በውስጣችን ይኖራል።

ትክክለኛ ውሳኔዎችን ለማድረግ ከፈለግን የእግዚአብሔርን ቃል በማጥናት ብቻ ትጉዎች መሆን የለብንም፤ነገር ግን አስተማሪያችን እና መሪያችን ሆኖ የተሰጠውን የእግዚአብሔርን መንፈስ ምክር እና ትምህርት ለመስማት ጆሯችንን ለማዳመጥ ማዘጋጀት አለብን።

 

ለግንዛቤ:

መንፈስ ቅዱስ ሰዎችን እንዴት እንደመራ የሚያሳይ ምሳሌዎችን ከመጽሐፍ ቅዱስ ጥቀስ። የዚህ አይነት ምሪት በህይወትህ ታውቃለህን? አብራራ

 

 

የእግዚአብሔር ቃል እንዴት መመላላስ እና ምን ማመን እንዳለብን ግልጽ አድርጎ ቢያስቀምጥም፤በህይወታችን ለምንወስናቸው እያንዳንዱ ውሳኔ የሚናገር ጥቅስ በመጽሐፍ ቅዱስ ውስጥ ይገኛልን?

 

የመንፈስ ቅዱስ ሚና ምንድ ነው? ከእግዚአብሔር ቃል መርዎች በተጻረረ መንገድ ይመራናልን?

 

በምንወስናቸው ውሳኔዎች ወስጥ ስለ መንፈስ ቅዱስን ምሪት እና ምክር ጥልቅ የሆነ እውቀት እንዴት ሊኖረን ይችላል?

 

ለጸሎት:

በምንወስናቸው ውሳኔዎች ሁሉ መሪያችን እና አስተማሪያችን ይሆን ዘንድ መንፈስ ቅዱስን ስለሰጠን እግዚአብሔርን አመስግን

 

በሕይወትህ ለመንፈስ ቅዱስ ሚና እና ሕልውና እውቀት ይኖርህ ዘንድ እግዚአብሔር እንዲረዳህ ጸልይ። ለምሪቱ ጥልቅ የሆነ መረዳት እንዲሰጥህ ጸልይ።

 

ተግሳጹን ባለመስማት እና ለምሪቱ ባለመታዘዝ መንፈስ ቅዱስን ላሳዘንክባቸው ጊዜያት ጌታ ይቅር እንዲልህ ጸልይ


 

ምዕራፍ 8 - እግዚአብሔርን የሚፈሩ አማኖች ምክር

 

እንደ አማኞች የመምረጥ መብታችንን አዘውትረን እንድንጠቀም ተጠርተናል። በምንሄድበት መንገድ እንዲያስተምረን እና እንዲመክረን መጽሐፍ ቅዱስን እና መንፈስ ቅዱስን እንዴት እንደሰጠን አይተናል። በህይወት ውስጥ ልንወስዳቸው በሚገቡ ውሳኔዎች ውስጥ እግዚአብሔር የሰጠን ሌላ ድጋፍ አለ። ያ ድጋፍ የሚመጣው በዙሪያችን ባሉ እግዚአብሔርን ከሚፈሩ ወንዶችና ሴቶች መልክ ነው።

በብሉይ ኪዳን እጅግ ጥበበኛ ሰው የነበረው ሰለሞን ብዙውን ጊዜ ስለ ጥበባዊ ምክር አስፈላጊነት ይናገር ነበር።

5 ጠቢብ ሰው ብርቱ ነው፥ አዋቂም ሰው ኃይሉን ያበዛል።

6 በመልካም ሥርዓት ሰልፍ ታደርጋለህ፤ ድልም ብዙ ምክር ባለበት ዘንድ ነው። (ምሳሌ 24)

 

14 መልካም ምክር ከሌለ ዘንድ ሕዝብ ይወድቃል፤ በመካሮች ብዛት ግን ደኅንነት ይሆናል። (ምሳሌ 11)

 

22 ምክር ከሌለች ዘንድ የታሰበው ሳይሳካ ይቀራል፤ መካሮች በበዙበት ዘንድ ግን ይጸናል። (ምሳሌ 15)

 

ሰሎሞን እዚህ ጋር አስፈላጊ ነጥቦችን አስቀምጧል። ያለ እግዚአብሔር ምክር ሰዎች እና ምክራቸው እንደሚወድቅ የነገረንን አስተውሉ። ሰሎሞን ስለዚህ ጉዳይ በጣም ስለተሰማው የሚከተለውን ደግሞ ያክላል፡   

12 ለራሱ ጠቢብ የሆነ የሚምስለውን ሰው አየኸውን? ከእርሱ ይልቅ ለሰነፍ ተስፋ አለው። (ምሳሌ 26)

 

በሌላ አነጋገር፣እናንተ የራሳችሁን ውሳኔ ለማድረግ ያለ ሌሎች ምክር እና ሃሳብ በራሳችሁ ብቻ ጥበበኛ እንደሆናችሁ የምታስቡ ከሆነ እጅግ የከፋ ሞኝ ናችሁ ሰሎሞን በመካሮች ብዛት ግን ደኅንነት ይሆናል ይላል (ምሳሌ 1114) መካሮች ብዛት ሲኖሩን እቅዶቻችን ይሳካሉ (ምሳሌ 15:22) ከብዙ አማካሪዎች ጋር ድል አለ (ምሳሌ 24:6)

የሰሎሞን ምክር ትክክለኛውን ውሳኔ ለማድረግ የሚፈልግ ማንኛውም ሰው በአካባቢው ያሉትን ጥበበኛ እና አስተዋይ ሰዎች ምክር መጠየቅ አለበት የሚል ነው ትዕቢት ይህንን ምክር ከመፈለግ ያርቀናል ነገር ግን ስኬታማ ለመሆን የሚፈልግ ብልህ ሰው ውሳኔውን ከማድረጉ በፊት ሌሎችን ለማማከር በጭራሽ ወደ ኋላ አይልም

የሚሰጥ ምክር ሁሉ መልካም ምክር እንዳልሆነ እዚህ ላይ ልብ ሊባል ይገባል የሰለሞን ልጅ ሮብዓም የዚህ አይነት መክር ተመክሮ ነበር የእስራኤል ህዝብ አዲስ ወደተሾመው ንጉስ ሮብዓም ቀርበው አባቱ የጫኑባቸውን ሸክም እንዲያቀልላቸው ጠየቁት ለህዝቡ መልስ ከመስጠቱ በፊት ሮብዓም የሰለሞንን አማካሪዎች ምክር ጠየቀ

6 ንጉሡም ሮብዓም፦ ለዚህ ሕዝብ እመልስለት ዘንድ የምትመክሩኝ ምንድር ነው? ብሎ አባቱ ሰሎሞን በሕይወቱ ሳለ በፊቱ ይቆሙ ከነበሩት ሽማግሌዎች ጋር ተማከረ።

7 እነርሱም፦ ለዚህ ሕዝብ አሁን ባሪያ ብትሆን ብትገዛላቸውም፥ መልሰህም በገርነት ብትናገራቸው፥ በዘመኑ ሁሉ ባሪያዎች ይሆኑልሃል ብለው ተናገሩት። (1 ነገስት 12)

እነዚህ ብልህ የሆኑ ሽማግሌ አማካሪዎች ሮብዓምን አባቱ በህዝቡ ላይ ያከበደውን ሸክም እንዲያቀል መከሩት። ሮብሃም ግን በዚህ ምክር ደስተኛ አልነበረም ይልቅ የወጣት ጓኞቹን ምክር ፈለገ፡

8 እርሱ ግን ሽማግሌዎች የመከሩትን ምክር ትቶ ከእርሱ ጋር ካደጉትና በፊቱ ይቆሙ ከነበሩት ብላቴኖች ጋር ተማከረ።

9 እርሱም፦ አባትህ የጫኑብንን ቀንበር አቃልልልን ለሚሉኝ ሕዝብ እመልስላቸው ዘንድ የምትመክሩኝ ምንድር ነው? አላቸው።

10 ከእርሱም ጋር ያደጉት ብላቴኖች፦ አባትህ ቀንበር አክብዶብናል፥ አንተ ግን አቃልልልን ለሚሉህ ሕዝብ፦ ታናሺቱ ጣቴ ከአባቴ ወገብ ትወፍራለች።

11 አሁንም አባቴ ከባድ ቀንበር ጭኖባችኋል፥ እኔ ግን በቀንበራችሁ ላይ እጨምራለሁ፤ አባቴ በአለንጋ ገርፎአችኋል፥ እኔ ግን በጊንጥ እገርፋችኋለሁ በላቸው ብለው ተናገሩት።  (1 ነገስት 12)

ሮብዓም ከሽማግሌዎቹ ይልቅ የጓደኞቹን ምክር በመስማት በህዝቡ ላይ ሸክምን ለማከበድ ወሰነ ውጤቱ ግን የሃገሩ መበታተን እና ይሁዳ እስራኤል ላይ ተቀናቃኝ መንግስት ሆኖ መመስረቱ ነበር

እኛ በምናደርጋቸው ውሳኔዎች ውስጥ የሌሎችን ምክር መፈለግ ጠቃሚ ቢሆንም የፈለግነውን ምክር ሳይሆን የሚያስፈልገንን ምክር የሚሰጡንን ሰዎች በዙሪያችን መሰብሰብ እንደሚቻል የሮብዓም ተሞክሮ ያሳየናል ምክር ሁሉ መልካም አይደለምና ምክር የምንጠይቃቸውን ሰዎች በተመለከተ በማስተዋል መለየት አለብን

ምክር ሁሉ መልካም ባይሆንም፣በዙሪያችን ያሉ እግዚአብሔርን የሚፈሩ እና ጠቢባን የሆኑ ወንዶችና ሴቶች ወገኖችን መስማታችን በጣም አስፈላጊ ነውበእርግጥ፣እነዚህ ወንዶችና ሴቶች ወገኖች እኛን ለማረም ወይም በትክክለኛ ውጎዳና ላይ ሊመሩን ወደ እኛ የተላኩ የእግዚአብሔር መሣሪያዎች ሲሆኑ ይችላሉ በዘፀአት 18 ላይ የሙሴን ጉዳይ እንመልከት፣ሙሴ የእስራኤል ህዝብ መሪ እንደመሆኑ መጠን በየቀኑ ብዙ ውሳኔዎችን እንዲያደርግ ይጠበቅበት ነበር

በአንድ ወቅት የሙሴ አማት ሊጎበኘው መጥቶ ነበር በማግስቱም ሙሴ በማለዳ ተነስቶ ቀኑን ሙሉ ከጠዋት ጀምሮ እስከማታ ድረስ የእግዚአብሔርን ህዝብ ሲፈርድ ዋለ

13 እንዲህም ሆነ፤ በነጋው ሙሴ በሕዝቡ ሊፈርድ ተቀመጠ፤ ሕዝቡም በሙሴ ፊት ከጥዋት እስከ ማታ ድረስ ቆመው ነበር። (ዘጸአት 18)

አማቱ ይህን ባየ ጊዜ፤ለምን ቀኑን ሙሉ በእስራኤል ህዝብ ጉዳዮች ላይ ሲፈርድ እንደዋለ ጠየቀው። ሙሴም ለአማቱ ያለበትን ሁኔታ አብራራ፡

15 ሙሴም አማቱን፦ ሕዝቡ እግዚአብሔርን ለመጠየቅ ወደ እኔ ይመጣሉ፤

16  ነገርም ቢኖራቸው ወደ እኔ ይመጣሉ፥ በዚህና በዚያ ሰውም መካከል እፈርዳለሁ፥ የእግዚአብሔርንም ሥርዓትና ሕግ አስታውቃቸዋለሁ አለው።

 

በእግዚአብሔር ሕዝብ መካከል በርካታ የሆኑ አለመግባባቶች ነበሩ፤ሙሴም እነዚህን ችግሮች ለመፍታት እግዚአብሔርን መፈለግ ያስፈልገው ነበር

የሙሴ አማት ምላሹን ሲሰማ ሙሴን ገሰጸው፡

17 የሙሴም አማት አለው፦ አንተ የምታደርገው ይህ ነገር መልካም አይደለም።

18 ይህ ነገር ይከብድብሃልና አንተ ከአንተም ጋር ያለው ሕዝብ ትደክማላችሁ፤ አንተ ብቻህን ልታደርገው አትችልም። (ዘጸአት 18)

 

አማቱ ሙሴን ምን ማድረግ እንዳለበት ምክር ሰጠው ከሕዝቡ ሁሉ አዋቂዎችን፥ እግዚአብሔርን የሚፈሩትን፥ የታመኑ፥ የግፍንም ረብ የሚጠሉትን ሰዎች ከእነርሱ መርጦ ቢያሰለጥን እና እነርሱም በትንንሽ ጉዳዮች ላይ ቢፈርዱ ሸክም እንደሚቀልለት እና ምክር የሚፈልገውም ህዝብ ፈጣን እና ውጤታማ በሆነ መንገድ እንደሚስተናገድ መከረው። እግዚአብሔር ሰዎችን ለማገልገል የተሻለ መንገድ ለማሳየት የሙሴን አማት ተጠቅሞበታል ሙሴ ይህንን ምክር ባይጠይቅም እግዚአብሔር ወደ እርሱ ላከው ሙሴ ይህን ምክር ከጌታ ለመቀበል ፈቃደኛ መሆኑ አስፈላጊ ነበር።

በአዲስ ኪዳንም ተመሳሳይ ሁኔታ ተከስቷል በሐዋርያት ሥራ 18 ላይ አጵሎስ ስለሚባል አንድ አይሁዳዊ ሰው እናነባለንእርሱ በጌታ መንገድ ታዝዞ እውነትን ይናገርና በትክክል ያስተምር ነበር (ሐዋ 1825) በእውቀቱ ረገድ ግን አንዳንድ ክፍተቶች ነበሩበት

ጵርስቅላ እና አቂላ በሰሙ ጊዜ ወደ እርሱ ወስደው የእግዚአብሔርን መንገድ ከፊት ይልቅ በትክክል ገለጡለት (የሐዋርያት ሥራ 18:26) አጵሎስ ይህንን ምክር ተቀብሎ የበለጠ ኃይለኛ የእግዚአብሔር ቃል ሰባኪ በመሆን ቀጠለ (ሐዋ 18:28) ። አጵሎስ ይህንን ምክር በእውነቱ እየፈለገ አልነበረም፣ዳሩ ግን እግዚአብሔር ጵርስቅላ እና አቂላን ወደ እርሱ ላካቸው እነዚህ አጵሎስን ለማጎልበት እና ይበልጥ ውጤታማ ሰባኪ ለማድረግ የእግዚአብሔር መሣሪያዎች ነበሩ

ልንወስደው የሚገባውን አቅጣጫ ለማወቅ እንድንችል እግዚአብሔር የጋራ ጥበብን እንዴት እንደሚጠቀም ከቅዱሳት መጻሕፍት አንድ ተጨማሪ ምሳሌ ልጨምር በሐዋርያት ሥራ 15 በአንጾኪያ ውስጥ ስለተፈጠረው ሁኔታ እናነባለን ከይሁዳ የመጡ ሰባኪዎች ወደ አከባቢው መጥተው አንድ ሰው በሙሴ ሕግ ካልተገረዘ በቀር መዳን እንደማይችል ይሰብኩ ነበር ይህ በቤተክርስቲያኗ ውስጥ ባሉ ምእመናን መካከል ከፍተኛ ውዝግብ አስነስቶ ነበር ጳውሎስና በርናባስ ይህንን ትምህርት በመቃወም ከይሁዳ የመጡ አስተማሪዎችን ተቃወሙ ቤተክርስቲያኗ ተከፋፈለች በምዕመናን መካከል በተፈጠረው አለመግባባት በጳውሎስና በርናባስ የተመራው የምዕመናን ልዑክ በሐዋርያቱና በሽማግሌዎቹ ፊት ቀርቦ በጉዳዩ ላይ ብይን ለመጠየቅ ወደ ኢየሩሳሌም ተላከ

2 በእነርሱና በጳውሎስ በበርናባስም መካከል ብዙ ጥልና ክርክር በሆነ ጊዜ፥ ስለዚህ ክርክር ጳውሎስና በርናባስ ከእነርሱም አንዳንዶች ሌሎች ሰዎች ወደ ሐዋርያት ወደ ሽማግሌዎችም ወደ ኢየሩሳሌም ይወጡ ዘንድ ተቈረጠ። (ሐዋሪያት ሥራ 15)

ከብዙ ውይይት በኋላ በኢየሩሳሌም የሚገኘው ምክር ቤት ወደ ውሳኔ መጣ። ውሳኔው በጽሑፍ እንደሚከተለው ተቀምጧል፡

[28-29] ለጣዖት ከተሠዋ፥ ከደምም፥ ከታነቀም፥ ከዝሙትም ትርቁ ዘንድ ከዚህ ከሚያስፈልገው በቀር ሌላ ሸክም እንዳንጭንባችሁ እኛና መንፈስ ቅዱስ ፈቅደናልና፤ ከዚህም ሁሉ ራሳችሁን ብትጠብቁ በመልካም ትኖራላችሁ። ጤና ይስጣችሁ። (ሐዋ 15)

እኛና መንፈስ ቅዱስ ፈቅደናልና፤ የሚለውን ሐረግ አስተውሉበሌላ አገላለጽ ምክር ቤቱ ባስተላለፉት ውሳኔ ውስጥ የመንፈስ ቅዱስ ቀጥተኛ ምሪት ነበረው ይህ የሰው ክርክር ውጤት ሳይሆን በቤተክርስቲያን አስተዳዳሪዎች ዘንድ የሚሰራ የእግዚአብሔር መንፈስ ሥራ ነው እግዚአብሔር በእነዚያ መሪዎች መካከል በመመላላስ እርሱን የሚያከብር እና ለህዝቦቹ መዳን ዓላማውን የሚያሳካ ውሳኔ እንዲወስኑ በሚከራከሩ ጊዜ ምሪትን ይሰጣቸው ነበር የአንጾኪያ ቤተክርስቲያን በኢየሩሳሌም የሚገኘውን የሐዋርያትንና የሽማግሌዎች ምክር ቤት በመፈለጋቸው ምክንያት አንድ ሰው ለመዳን መገረዝ ያስፈልገዋል የሚለው ጉዳይ ተፈታ በእግዚአብሔር መንፈስ መሪነት እነዚህ ሐዋርያትና ሽማግሌዎች የእግዚአብሔርን ዓላማ በመለየት የአንጾኪያ ወንድሞችንና እህቶችን መምከር ችለዋል

በእነዚህ የመጽሐፍ ቅዱስ ምሳሌዎች ውስጥ የምናየው ጌታ እግዚአብሔር በምንሄድበት መንገድ ሊመክሩን የሚችሉ ሰዎችን ሊልክ ይችላል ትክክለኛ ምርጫዎችን ለማድረግ ከፈለግን በዙሪያችን ያሉ እግዚአብሔርን የሚፈሩ ወንዶችና ሴቶችን ለማዳመጥ ፈቃደኞች መሆን ያስፈልገናል። እግዚአብሔር እኛን ለመምራት ቅዱስ ቃሉን ይሰጠናል እርሱ ደግሞ በመንፈስ ቅዱስ ምሪት እና በመንገዳችን በሚልካቸው ሰዎች መልካም ምክር ይመራናል።

 

ለግንዛቤ፡

ሰሎሞን ያለ ምክር እቅድ እንደማይሳካ ይናገራል። የሌሎችን ምክር እንዳንሰማ የሚያግደን ምንድ ነው?

 

መልካም መካሪዎችን ከክፉ መካሪዎች የምንለየው አንዴት ነው?

 

እግዚአብሔር ለምክር ሰዎችን ወደ አንተ ልኮ ያውቃለን? ያንን ምክር ሰምተህ ታውቃለህን?

 

በሐዋሪያት ሥራ 15 ላይ በኢየሩሳሌም የሚገኘው ምክር ቤት የተወሰኑትን ውሳኔዎች ተመልከት። ውሳኔ በመወስን ሄደት ላይ የሕዝብ ክርክር እና ጸሎት ሚናው ምንድ ነው?

 

ለጸሎት:

ጌታ እግዚአብሔርን የሚፈሩ ሰዎችን ምክር እና ተግሳጽ ለመፈለግ ፈቃደኛ እንዲያረግህ ጸልይ 

 

በዙሪያ ያሉ ሰዎችን ምክር ችላ በማለት በራስህ መንገድ ለተጓዝክባቸው ጊዜአት እግዚአብሔር ይቅር እንዲልህ ጸልይ

 

ትክክለኛውን ውሳኔ እንወስን ዘንድ እኛን ለመርዳት ጌታ ሌሎችን ሰዎች ስለመጠቀሙ ጌታን አመስግን። የጥበብን ምክር ጠቢብ ካልሆነው የምትለይበትን መለየት እንዲሰጥህ ጸልይ።

 


 

ምዕራፍ 9 - ውሳኔዎቻችንን የሚከታተል አምላክ

 

ጌታ እግዚአብሔር ለልጆቹ እግዚአብሔርን መፍራት ማዕከል ያደረገ ውሳኔዎችን እንዲወስኑ የሚያስፈልጋቸውን ሁሉ ድጋፍ ቢሰጣቸውም፣ማናቸውም የጌታን ምክር አይሰሙም ነበር። ውሳኔዎች በየቀኑ ከእግዚአብሔር ዓላማ ጋር የሚቃረን መልኩ የሚወሰኑ ናቸው። ከእነዚህ ውሳኔዎች መካከል አንዳንዶቹ እኛን የሚጎዱ ናቸው። በዚህ ምክንያት እግዚአብሔር እኛ ከምናደርጋቸው እግዚአብሔርን መፍራት ከሌለባቸው ምርጫዎች ሊጠብቀን እና ሊመራን ይፈልጋል።

ዮሴፍ የአባቱ ያዕቆብ ተወዳጅ ልጅ ነበር። ይህ አድልዎ እሱን መጥላት የጀመሩትን የወንድሞቹን ቅናት ቀሰቀሰ። ይህ ጥላቻ በጣም የበረታ ከመሆኑ የተነሳ ዕድሉ በተገኘ ጊዜ ወንድሞቹ ዮሴፍን ለባርነት በመሸጥ አንድ የዱር እንስሳ እንደበላው አድርገው ለአባቱ ነገሩት። ዮሴፍን ለማስወገድ የወሰኑት ውሳኔ ከክፉ የቅናት እና የቁጣ ልብ የመጣ ነበር፤ ነገር ግን እግዚአብሔር ጣልቃ ገብቶ ሁኔታውን ወደ መልካም ነገር ለወጠው።

ዮሴፍ በግብፅ ኃያል መሪ ሆነ እናም በአካባቢው ረሃብ ሲከሰት ያዳነው የግብፅን ህዝብ ብቻ ሳይሆን የራሳቸውን ህዝብም ጭምር ነው። አባታቸው ያዕቆብ ከሞተ በኋላ በወንድሞቹ ፊት ቆሞ ዮሴፍ እንዲህ አለ፡

19 ዮሴፍም አላቸው፦ አትፍሩ፤ እኔ በእግዚአብሔር ፋንታ ነኝን?

20 እናንተ ክፉ ነገርን አሰባችሁብኝ፤ እግዚአብሔር ግን ዛሬ እንደ ሆነው ብዙ ሕዝብ እንዲድን ለማድረግ ለመልካም አሰበው። (ዘፍጥረት 50)

የዮሴፍ አምላክ ከወንድሞቹ ክፉ ውሳኔ በመጠበቅ የእስራኤልን ህዝብ ለማዳን ክፉ ምርጫዎቻቸው ተጠቅሟል።

መሣፍንት 13-14 ውስጥ የብዙ የሳምሶን መጥፎ ውሳኔዎች ታሪክ ነው። በመሣፍንት 14 ላይ ሳምሶን ወደ ተምና እንዴት እንደወረደ እና እዚያ ሊያገባት ከሚፈልጋት ሴት ጋር እንዴት እንደ ተገናኘ እናነባለን። የባዕድ ሴት ለማግባት መፈለጉ ከሙሴ ሕግ ጋር የሚቃረን ነበር። የሳምሶን ወላጆች ለሙሽራ ምርጫው የሰጡትን ምላሽ ልብ ይበሉ፡

3 አባቱና እናቱም፦ ካልተገረዙት ከፍልስጥኤማውያን ሚስት ለማግባት ትሄድ ዘንድ ከወንድሞችህ ሴቶች ልጆች ከሕዝቤም ሁሉ መካከል ሴት የለምን? አሉት። ሶምሶንም አባቱን፦ ለዓይኔ እጅግ ደስ አሰኝታኛለችና እርስዋን አጋባኝ አለው። (መሳፍንት 14)

ሳምሶን የወላጆቹን ምክር ባለመስማት የተምናን ሴት ለማግባት አጥብቆ ጠየቀ ሴቲቱን ለማጨት ከወላጆቹ ጋር ወደ ተምና በሚሄድበት ጊዜ ሳምሶን ከአንበሳ ጋር ተገናኘ ያን አንበሳ ገድሎ ሬሳውን በሜዳ ውስጥ ትቶ ሄደ ለጋብቻ ሥነ ሥርዓቱ ሲመለስ ሳምሶን በአንበሳው ሬሳ ውስጥ ንብ ሰፍሮበት ነበር፥ ማርም ነበረበት።  በእጁም ወስዶ መንገድ ለመንገድ እየበላ ሄደ፤ ወደ አባቱና ወደ እናቱ መጣ፥ ማሩንም ሰጣቸው።

እዚህ ጋር መረዳት ያለብን ነገር ቢኖር ሳምሶን ፀጉሩ እንዲረዝም እና የሞተ አካልን በጭራሽ እንዳይነካ በእግዚአብሔር ዘንድ ግዴታ የተጣለበት ናዝራዊ ነበር ሳምሶን ወደዚያ ወደ አንበሳው ሬሳ ሄዶ ማር ወስዶ በመብላት በጌታ ዘንድ የነበረውን ቃል ኪዳን ችላ ማለት መረጠ

ወደ ተምና ሲደርስ ሳምሶን አንድ እንቆቅልሽ ለጓደኞቹ አቀረበ፡ ከበላተኛው ውስጥ መብል ወጣ፥ ከብርቱም ውስጥ ጥፍጥ ወጣ አላቸው። (መሣፍንት 1414) በሦስት ቀናት ውስጥ እንቆቅልሹን መፍታት ከቻሉ ሠላሳ ሠላሳ የበፍታ ቀሚስና ሠላሳ ልውጥ ልብስ እንደሚሰጣቸው ነገራቸው ካልቻሉ ሠላሳ የበፍታ ቀሚስና ሠላሳ ልውጥ ልብስ ለእርሱ ይሰጡታል። ጓደኞቹ ወደ ሳምሶን እጮኛ ቀርበው የእንቆቅልሹን መልስ ካላገኘች እሷን እና ቤተሰቧን እንደሚገድሉ ነገሯት እነዚህ ጓደኞች እንቆቅልሹን ሲመልሱ ሳምሶን ምን አድርገው እንደነበር አወቀ በንዴት ወጥቶ ከከተማይቱ ሠላሳ ሰዎችን ገደለ፣ልብሳቸውን ወደ ጓደኞቹ አመጣና ከተማውን ለቆ ወጣ የሳምሶን አማት ከተማውን ለቆ እንደወጣ ባየ ጊዜ ሚስቱን ለሌላ ሰው ሰጣት

ሳምሶን ከሚስቱ ጋር ለመሆን በተመለሰ ጊዜ ለሌላ ሰው መሰጠቷን አወቀ፤ከዚያም በመከር ወቅት የእህል ማሳዎችን እና የፍራፍሬ እርሻዎችን ሁሉ አቃጠለ ይህም የከተማይቱን ሰዎች በጣም ስላበሳጨ የሳምሶንን ሚስት እና ቤተሰቦችን ገደሉ ሳምሶን ይህንን ደም እስኪበቀል ድረስ እንደማይቆም በዚያ ቀን አሳወቀ (መሣፍንት 157) በቀሪው የሕይወት ዘመኑ ሳምሶን እንደ እስራኤል ጠላቶች ፍልስጤማውያንን ይዋጋ ነበር

በሳምሶን ዘመን ፍልስጤማውያን የእስራኤል ቁጥር አንድ ጠላት ነበሩ እስራኤልን ለአርባ ዓመታት ሲጨቁኑ ኖረዋል እስራኤል ለማዳን ወደ እግዚአብሔር በጮኹ ጊዜ

 

እግዚአብሔር ማኑሄ የተባለች አንዲትን መካን ሴት ተናግሮ እስራኤልን ከፍልስጥኤማውያን  እጅ  ነጻ የሚያወጣ ወንድ ልጅ እንደምትወልድ ነገራት፡

3 የእግዚአብሔርም መልአክ ለሴቲቱ ተገልጦ እንዲህ አላት፦ እነሆ፥ አንቺ መካን ነሽ፥ ልጅም አልወለድሽም፤ ነገር ግን ትፀንሻለሽ፥ ወንድ ልጅም ትወልጃለሽ።

4 አሁንም ተጠንቀቂ፤ የወይን ጠጅን የሚያሰክርም ነገር አትጠጪ፥ ርኩስም ነገር አትብዪ።

5 እነሆ፥ ትፀንሻለሽ፥ ወንድ ልጅም ትወልጃለሽ ልጁም ከእናቱ ማኅፀን ጀምሮ ለእግዚአብሔር የተለየ ናዝራዊ ይሆናልና በራሱ ላይ ምላጭ አይድረስበት፤ እርሱም እስራኤልን ከፍልስጥኤማውያን እጅ ማዳን ይጀምራል። (መሣፍንት 13)

 

በተከታታይ መጥፎ ውሳኔዎች ምክንያት ሳምሶን ይህንን ጥሪ በሕይወቱ አውቋል የባዕድ ሃገር ሴት ማግባትን መርጧል እንደ ናዝራዊ የተሰጠውን ጥሪ ችላ በማለት የአንበሳውን ሬሳ ነካ ጓደኞቹን ስለዚያ አንበሳ እንቆቅልሹን እንዲመልሱ ጋበዛቸው ሆኖም የእንቆቅልሹን መልስ በተመለከተ እጮኛው በሚስጥር እንደምትይዘው እምነት ጣለባት በከተማው ውስጥ ሠላሳ ሰዎችን ገድሎ የፍልስጥኤማውያንን የእርሻ ማሳዎች አቃጠለ እነዚህ በችኮላ እና እግዚአብሔርን ባለመፍራት የተወሰኑ ውሳኔዎች የሳምሶን ልብ በፍልስጥኤማውያን ላይ በጥላቻ እና ምሬት እንዲሞላ አደረገው ውጤቱ የነበረው ቀሪ ሕይወቱን ያ የእግዚአብሔር ህዝብ ጠላት የሆነውን በማጥፋት ላይ ያተኮረ ነበር ሳምሶን በመጨረሻ በፍልስጥኤማውያን እጅ ሕይወቱን የሚያጣ ቢሆንም፣የእስራኤል ተከላካይ እና ህዝቡን የሚጠበቅ ኃያል ተዋጊ በመሆን በታሪክ ውስጥ ሰፍሯል የሕይወቱ ምርጫዎች እግዚአብሔርን በመፍራት ላይ የተመሰረቱ ባይሆኑም እንኳን እግዚአብሔር ግን ተጠቅሞበታል

እግዚአብሔር ሳምሶንን ወይም የዮሴፍ ወንድሞችን መጥፎ ውሳኔዎችን ከመወሰን ባያግዳቸውም፣ዳሩ ግን እሱ በመጨረሻው ላይ ጣልቃ በመግባት ውሳኔአቸውን ለመልካም ለውጦታል ስለ እግዚአብሔር ሉዓላዊነት በጣም ሚስጥራዊ ነገር አለ የተሳሳቱ ውሳኔዎችን በምናደርግበት ጊዜም እንኳን እግዚአብሔር እነዚህን ውሳኔዎች የራሱን ዓላማ ለማሳካት ሊጠቀምባቸው ይችላል እሱ ከእኛ ውሳኔዎች እና ምርጫዎች ይበልጣል በሆሴዕ መጽሐፍ ውስጥ እግዚአብሔር የሕዝቦቹን ውሳኔ እንዴት እንደሚቆጣጠር የሚናገር አንድ አስደናቂ ክፍል አለ፡

 

7 እናታቸው አመንዝራለች፤ የፀነሰቻቸውም፦ እንጀራዬንና ውኃዬን፥ ጥጤንና የተልባ እግሬን፥ ዘይቴንና መጠጤን ከሚሰጡኝ ከውሽሞቼ በኋላ እሄዳለሁ ብላ አስነወረቻቸው።

8 ስለዚህ፥ እነሆ፥ መንገድሽን በእሾህ እዘጋለሁ፥ መንገድዋንም እንዳታገኝ ቅጥርን እቀጥርባታለሁ።

9 ውሽሞችዋንም ትከተላለች፥ ነገር ግን አትደርስባቸውም፤ ትፈልጋቸውማለች፥ ነገር ግን አታገኛቸውም፤ እርስዋም፦ ከዛሬ ይልቅ የዚያን ጊዜ ይሻለኝ ነበርና ተመልሼ ወደ ቀደመው ባሌ እሄዳለሁ ትላለች። (ሆሴዕ 2)

 

በሆሴዕ 2 ውስጥ ጌታ ሕዝቡን በክህደታቸው ይከሳቸዋል ሌሎች ፍቅረኞቿን ተከትላ አንድ እውነተኛ አምላክዋን ትታለች ሲል ከሷታል እስራኤል በታሪኳ በዚህ ወቅት ከእግዚአብሔር መራቅን እና ሌሎች አማልክትን ማሳደድን መረጠች ለዚህ ውሳኔ የእግዚአብሔር ምላሽ ምን እንደሆነ አስተውሉ መንገዷን በእሾህ ይዘጋል፥ መንገድዋንም እንዳታገኝ ቅጥርን ያጥርባታል። ፍቅረኛዎቿን ብትከታተልም ስለማትደርስባቸው አታገኛቸውም

እግዚአብሔር ለሕዝቦቹ የጥፋት መንገዳቸውን ለማደናቀፍ እንቅፋቶችን አዘጋጅቷል በመረጠችው መንገድ ላይ እሾህ እና ቅጥርን አስቀመጠ እርሱ ያደረገው ወደ እርሱ ትመለስ ዘንድ ነው እግዚአብሔር እስራኤልን የመረጠቸውን ውሳኔ ባያስቀርም የክፋትን ጎዳና ለእሷ ቀላል አያደርግላትም

ሐዋርያው ጳውሎስ ወደ ደማስቆ ሲሄድ ይህ ገጥሞታል እሱ ሃይማኖታዊ ሕይወትን መርጦ ነበር፤እንግዲህ የዚያ ክፍል ዓላማ የአምላኩን ስም የሚሳደቡትን ሁሉ ማስወገድ ነበር ክርስትናን የዚህ ስድብ አካል አድርጎ ተመልክቶታልና ወደ ደማስቆ እየተጓዘ እያለ እግዚአብሔር ዓይነ ስውር በሚያደርግ ብርሃን መታው አንድ ድምፅ ከዚያ ብርሃን ወጥቶ ሳውል ሳውል፥ ስለ ምን ታሳድደኛለህ? የመውጊያውን ብረት ብትቃወም ለአንተ ይብስብሃል አለው (ሐዋሪያት ሥራ 2614)

የመውጊያ ብረት ከብቶችን ለመምራት የሚያገለግል ሹል ዘንግ ነበር እዚህ ላይ እግዚአብሔር ለጳውሎስ እየተናገረ ያለው እርሱ ባዘጋጀለት ጎዳና ጳውሎስን ለመንዳት በመሳሪያ እየተጠቀመ እንደነበር ነው ጳውሎስ የተሳሳቱ ውሳኔዎቹን እያደረገ ቢሆንም ነገር ግን እግዚአብሔር ያንን ውሳኔ እየተቆጣጠረው ነበር እግዚአብሔር ጳውሎስን በአመጽ ላይ ሳለ ተከታተለው የጌታ ጽኑ እምነት በሄደበት ሁሉ ይከተለው

 

ነበር ዓይነ ስውር ከሚያደርገው የጌታ ብርሃን በፊት ተንበርክኮ ጳውሎስ ውሳኔውን ለመቀየር ተገደደ ሊያጠፋው እና ይዋጋው ለነበረው እምነት እጁን አሳልፎ ይሰጣልን? በሚቀጥሉት ጥቂት ቀናት የጳውሎስ ኩራት ተሰብሮ ልቡን ለኢየሱስ ክርስቶስ እውነት በነፃነት ከፍቷል። በአንድ ወቅት ሊያጠፋው ይፈልገው በነበረው እምነት ምክንያት መከራ እየተቀበለ የጥንቷ ቤተክርስቲያን ታላቁ ሚስዮናዊ ሆኗል

ከእነዚህ የመጽሐፍ ቅዱስ ምሳሌዎች ምን እንማራለን? ነፃ ምርጫን የሚሰጠን አምላክ፣የእርሱን ቁጥጥር አሳልፎ አይሰጥም። በሕይወቴ ጉዳዮች ላይ በሉዓላዊነት መቆጣጠርን ቀጥሏል። እኔ ጥሩ ብዬ የምወስናቸውን መጥፎ ውሳኔዎች ለመልካም ሊጠቀም ይችላል። ጉዞዬን አስቸጋሪ ለማድረግ የምሄድባቸውን መንገዶች ሊዘጋቸው ወይም በእሾህ ሊያጥራቸው ይችላል። የተሳሳተ ጎዳና ስመርጥ እኔን ይከተለኛል ውሳኔዎቼን ሳደርግ እርሱ ይጠብቀኛል

እግዚአብሔር የስነ ፍጥረት ሙሉ ቁጥጥር ለሰው ልጆች እና ውሳኔዎቻቸው አሳልፎ ስለማይሰጥ ምንኛ አመስጋኞች መሆን አለብን እኔ ውሳኔዎችን ለማድረግ ነፃ ነኝ ዳሩ ግን የምወስናቸው ውሳኔዎች ሁሉ የሚመለከት እና በመንገዴም የሚመራኝ አንድ አምላክ አለ

 

ለግንዛቤ፡

እግዚአብሔር የዮሴፍ ወንድሞችን ክፉ ውሳኔ እንዴት ወደ መልካም ቀየረው?

የሳምሶን መጥፎ ውሳኔዎች እግዚአብሔር እርሱን ከመጠቀም አግዶታልን? አብራራ።

እግዚአብሔር መጥፎ ውሳኔዎችን ከመወሰን ጠብቆህ ያውቃልን? አብራራ።

ጳውሎስ አማኞችን በሚያሳድድበት ጊዜ እግዚአብሔር ጳውሎስን ይከታተለው ነበር። በእግዚአብሔር ክትትል ውስጥ ሆነህ ታውቃለህን?

እግዚአብሔር የመምረጥ ነጻነት ቢሰጠንም፤እርሱ ፍጹም የሆነ ቁጥጥር በሰው ልጆች ላይ ያደርጋልን?

 

ለጸሎት:

ጌታ መጥፎ ውሳኔአችንን ወስዶ በሕይወታችን ለመልካም ስለሚለውጣቸው እግዚአብሔርን አመስግን።

በሕይወትህ መጥፎ ውሳኔዎችን ከመወሰን እግዚአብሔር ስለጠበቀህ ጊዜአት እግዚአብሔርን አመስግን።

እግዚአብሔር የህይወትህን ገጠመኞች ስለሚቆጣጠር አመስግን። የምርጫ ነጻነት ቢኖርህም እግዚአብሔር ግን አሁን ስለሚመለከትህ እና የአንተን መልካም ስለሚፈልግ አመስግን።

 


ምዕራፍ 10 - በውሳኔአችን እግዚአብሔርን መፈተን

 

በምናደርጋቸው ውሳኔዎች ውስጥ እግዚአብሔር ትልቅ ድጋፍ ቢሰጠንም የእርሱን ምክር ችላ ማለት እንችላለን ሁሉም ሰው እንደ እግዚአብሔር ቃል መርሆዎች ምሪት አይመላለስም የእግዚአብሔርን መንፈስ መሪነት መቃወም እንችላለን አንዳንድ ጊዜ ይህ ያልታሰበ ነው፣ነገር ግን በሌላ ጊዜ፣በልባችን ጥንካሬ እና በፈቃዳችን ግትርነት ምክንያት፣ሆን ብለን ላለመታዘዝ እና የእግዚአብሔርን ዓላማ ለህይወታችን ላለማክበር ሆን ብለን እንመርጣለን፡

እግዚአብሔር በዘዳግም 6 ላይ በሙሴ በኩል የተናገረውን ቃል እንመልከት፡

16 በማሳህ እንደ ፈተናችሁት አምላካችሁን እግዚአብሔርን አትፈታተኑት።

17 ለእናንተ ያዘዘውን የአምላካችሁን የእግዚአብሔርን ትእዛዝ ምስክሩንም ሥርዓቱንም አጥብቃችሁ ጠብቁ።

18-19 መልካምም ይሆንልህ ዘንድ፥ እግዚአብሔርም ለአባቶችህ ወደ ማለላቸው ወደ መልካሚቱ ምድር ገብተህ እርስዋን ትወርስ ዘንድ፥ እግዚአብሔርም እንደ ተናገረ ጠላቶችህን ሁሉ ከፊትህ ያወጣልህ ዘንድ፥ በእግዚአብሔር ፊት ቅኑንና መልካሙን አድርግ። (ዘዳግም 6)

 

እግዚአብሔር ሕዝቡ ትዕዛዛቱን በመጠበቅ እንዲመላለሱ አዟል እስራኤል አምላካቸውን እግዚአብሔርን እንዲፈታተኑት አልነበረም እግዚአብሔርን መፈተን ምን ማለት እንደሆነ አንድ ምሳሌ እንመልከት፤ሙሴ በማሳህ የሆነውን ለሕዝቦቹ ያስታውሳል

ዘጸአት 17 በማሳህ ላይ ስለተከናወነው ነገር ይተርካል እስራኤል በምድረ በዳ መጓዙ ሰልችቷቸው ለሙሴ ቅሬታቸውን ገለፁ ወደ ተስፋይቱ ምድር የጌታን መመሪያ ከመከተል ይልቅ ወደ ግብፅ መመለስ እንደሚፈልጉ ነገሩት እነርሱ የተራቡ እና የተጠሙ በመሆናቸው እና የእግዚአብሔርን ዓላማ ለመፈጸም ምንም እንደማይፈልጉ በመናገር ብስጭታቸውን ገልጸዋል ማሳ በእግዚአብሔር መንገዶች ለመመላላስ ፈቃደኛ ያልሆነውን መራራ እና ዓመፀኛ የሆነውን የሰውን መንፈስ ይወክላል

ዘማሪው ስለዚህ ግትር ስለሆነ ልብ በመዝሙር 95 ላይ ይናገራል፡

7 እርሱ አምላካችን ነውና፥ እኛ የማሰማርያው ሕዝብ የእጁም በጎች ነንና።

8 በምድረ በዳ እንደ ተፈታተኑት እንዳስቈጡት ጊዜ፥ ዛሬ ድምፁን ብትሰሙ ልባችሁን አታጽኑ።

9 የተፈታተኑኝ አባቶቻችሁ ፈተኑኝ ሥራዬንም አዩ።

10 ያችን ትውልድ አርባ ዓመት ተቈጥቻት ነበር፦ ሁልጊዜ ልባቸው ይስታል፥ እነርሱም መንገዴን አላወቁም አልሁ።

11 ወደ ዕረፍቴም እንዳይገቡ በቁጣዬ ማልሁ። (መዝሙር 95)

 

ዘማሪው የእግዚአብሔርን ድምፅ ከሰማን ልባችንን እንዳናደነድን እንዴት እንደሚያስጠነቅቀን አስተውሉ አንባቢው እንዲያስተውል በማሳህ የተከናወነውን ምሳሌ ይጠቅሳል የእግዚአብሔርን ድምፅ መስማት እና ልባችንን በእርሱ ላይ ማደንደን እንችላለን ዘማሪው ይህ እግዚአብሔርን መፈታተን እንደሆነ ይናገራል እግዚአብሔርን መፈታተን የሚያስገኘውን ውጤት አስተውሉ፡ እግዚአብሔር ያንን ትውልድ ተቃወመው (ቁጥር 10) ወደ ዕረፍቱም እንደማይገቡ ማለ (ቁጥር 11)

በመዝሙር 81 ውስጥ ዘማሪው እስራኤል ድምፁን ስላልሰሙ እግዚአብሔር እልከኛ ለሆነ ልባቸው አሳልፎ እንደሰጣቸው ይነግረናል፡

11 ሕዝቤ ግን ቃሌን አልሰሙኝም፥ እስራኤልም አላዳመጠኝም።

12 እንደ ልባቸው ሥራ ተውኋቸው፥ በልባቸውም አሳብ ሄዱ። (መዝሙር 81)

 

እግዚአብሔር ህዝቡ የሚፈልገውን ሰጠው ነገር ግን በምላሹ ዋጋ የሚከፍሉ ይሆናሉ

ጳውሎስ በሮሜ 1 ላይ ሲጽፍ እንዲህ ይላል፡

18 እውነትን በዓመፃ በሚከለክሉ ሰዎች በኃጢአተኝነታቸውና በዓመፃቸው ሁሉ ላይ የእግዚአብሔር ቍጣ ከሰማይ ይገለጣልና፤

19 እግዚአብሔር ስለ ገለጠላቸው፥ ስለ እግዚአብሔር ሊታወቅ የሚቻለው በእነርሱ ዘንድ ግልጥ ነውና።

20-21 የማይታየው ባሕርይ እርሱም የዘላለም ኃይሉ ደግሞም አምላክነቱ ከዓለም ፍጥረት ጀምሮ ከተሠሩት ታውቆ ግልጥ ሆኖ ይታያልና፤ ስለዚህም እግዚአብሔርን እያወቁ እንደ እግዚአብሔርነቱ መጠን ስላላከበሩትና ስላላመሰገኑት የሚያመካኙት አጡ፤ ነገር ግን በአሳባቸው ከንቱ ሆኑ የማያስተውለውም ልባቸው ጨለመ።

22 ጥበበኞች ነን ሲሉ ደንቆሮ ሆኑ፥

23 የማይጠፋውንም የእግዚአብሔር ክብር በሚጠፋ ሰውና በወፎች አራት እግር ባላቸውም በሚንቀሳቀሱትም መልክ መስለው ለወጡ።

24 ስለዚህ እርስ በርሳቸው ሥጋቸውን ሊያዋርዱ እግዚአብሔር በልባቸው ፍትወት ወደ ርኵስነት አሳልፎ ሰጣቸው፤

25 ይህም የእግዚአብሔርን እውነት በውሸት ስለ ለወጡ በፈጣሪም ፈንታ የተፈጠረውን ስላመለኩና ስላገለገሉ ነው፤ እርሱም ለዘላለም የተባረከ ነው፤ አሜን። (ሮሜ 1)

 

ጳውሎስ በዘመኑ በነበረው እግዚአብሔርን ያለመፍራት ድርጊቶች ላይ የእግዚአብሔር ቁጣ እየተገለጠ መሆኑን ለሮሜ ሰዎች ይነግራቸዋል እግዚአብሔር ህልውናውን የገለጠ ቢሆንም፤ዳሩ ግን የሮሜ ሰዎች እርሱን ወይም የእርሱን ዓላማ ለመመልከት ፈቃደኛ አልነበሩም ይልቁንም የእግዚአብሔርን ክብር በጣዖታት እና ምስሎች ለመለወጥ መረጡ ከእግዚአብሔር ትዕዛዝ ይልቅ የልባቸውን ምኞቶች መከተል መረጡ ውጤቱ እግዚአብሔር ለፍላጎታቸው እና ለኃጢአተኛ ምኞታቸው አሳልፎ ሰጣቸው ውጤቱን ለመግለጽ ጳውሎስ በሮሜ 1 ይቀጥላል፡

26 ስለዚህ እግዚአብሔር ለሚያስነውር ምኞት አሳልፎ ሰጣቸው፤ ሴቶቻቸውም ለባሕርያቸው የሚገባውን ሥራ ለባሕርያቸው በማይገባው ለወጡ፤

27 እንዲሁም ወንዶች ደግሞ ለባሕርያቸው የሚገባውን ሴቶችን መገናኘት ትተው እርስ በርሳቸው በፍትወታቸው ተቃጠሉ፤ ወንዶችም በወንዶች ነውር አድርገው በስሕተታቸው የሚገባውን ብድራት በራሳቸው ተቀበሉ።

28እግዚአብሔርን ለማወቅ ባልወደዱት መጠን እግዚአብሔር የማይገባውን ያደርጉ ዘንድ ለማይረባ አእምሮ አሳልፎ ሰጣቸው፤

29 ዓመፃ ሁሉ፥ ግፍ፥ መመኘት፥ ክፋት ሞላባቸው፤ ቅናትን፥ ነፍስ መግደልን፥ ክርክርን፥ ተንኰልን፥ ክፉ ጠባይን ተሞሉ፤ የሚያሾከሹኩ፥

30 ሐሜተኞች፥ አምላክን የሚጠሉ፥ የሚያንገላቱ፥ ትዕቢተኞች፥ ትምክህተኞች፥ ክፋትን የሚፈላለጉ፥ ለወላጆቻቸው የማይታዘዙ፥

31 የማያስተውሉ፥ ውል የሚያፈርሱ፥ ፍቅር የሌላቸው፥ ምሕረት ያጡ ናቸው፤

32 እንደነዚህ ለሚያደርጉት ሞት ይገባቸዋል የሚለውን የእግዚአብሔርን ሕግ እያወቁ እነዚህን ከሚያደርጉ ጋር ይስማማሉ እንጂ አድራጊዎች ብቻ አይደሉም።  (ሮሜ 1)

 

የሮማውያን ማህበረሰብ በስነምግባር ጉድለት፣በዝሙት፤በእርኩሰት፣ምቀኝነት፣ነፍስ መግደል፣ማታለል፣ሐሜት፣ጥል፣ክርክር፤አክብሮት መጓደል እና አላዋቂነት ተሞልተው ነበርሰዎች በፊታቸው ደስ ያሰኛቸውን በሚያደርጉ ጊዜ ሕብረተሰባቸው እጅግ ከፍተኛ ዋጋ ይከፍል ነበርእነርሱ የእግዚአብሔርን ዓላማ ችላ ለማለት መርጠዋል ስለዚህም እግዚአብሔር ለፈቃዳቸው አሳልፎ ሰጣቸውእነዚያ ከንቱ ፍላጎቶች እና ምኞቶች አጠፋቸው

በሆሴዕ ዘመን እግዚአብሔር ለህዝቡ ሲናገር እንዲህ ይላል፡

17 ኤፍሬም ከጣዖታት ጋር ተጋጠመ፤ ተወው።

18 ስካርን ፈጽመዋል፥ ግልሙትናንም አብዝተዋል፤ አለቆችዋም ነውርን እጅግ ወደዱ።

19 ነፋስ በክንፍዋ አስሮአታል፤ ከመሥዋዕታቸውም የተነሣ ያፍራሉ። (ሆሴዕ 4)

 

ኤፍሬም ከእግዚአብሔር ተለይቶ ጣዖታትን ማምለክን፣በስካርና በግልሙትና መኖርን መርጧልእግዚአብሔርም ተዉትእነርሱ ያፍራሉ በማለት ተናገረ ኤፍሬም ስለአመፁ እና ስለባከነ ህይወቱ በጥልቀት እፍረት ወደኋላ የሚመለከትበት ቀን ይመጣልበዚህ መንገድ  ከቀጠለ እግዚአብሔር አያቆመውም ዳሩ ግን በመጨረሻ ለእሱ ሞኝነት ዋጋውን የሚከፍል ይሆናል

በኢየሱስ ዘመን የነበሩት ፈሪሳውያን እርሱ ሲሰብክ የመስማት እድል ነበራቸው ተዓምራቶቹን አይተው በግል ከእርሱ ጋር ይነጋገሩ ነበር፣ዳሩ ግን እሱን እንደ እግዚአብሔር ልጅ ለመቀበል ፈቃደኛ አልሆኑም እነርሱ በግትርነት እርሱን እና መልዕክቱን ተቃወሙ ጌታ ኢየሱስ ስለ እነዚህ ፈሪሳውያን ሲናገር:

14 ተዉአቸው፤ ዕውሮችን የሚመሩ ዕውሮች ናቸው፤ ዕውርም ዕውርን ቢመራው ሁለቱም ወደ ጉድጓድ ይወድቃሉ አለ። (ማቴዎስ 15)

ጌታ ፈሪሳውያንን ለዓመፀኛ ልባቸው አሳልፎ ሰጣቸው እነርሱ መንገዳቸውን ማግኘት ይችሉ ነበር፣ነገር ግን ዋጋቸው በጣም ከፍተኛ ነበር እንደ ዓይነ ስውር መሪዎች ወደ ጉድጓድ ውስጥ ይወድቃሉ። በዚያ ጉድጓድ ውስጥ እነርሱ ከናቁት አምላካቸው ለዘላለም ይለያሉ ለዚህ ጥፋተኛ የሚሆኑት ራሳቸው ብቻ ናቸው

እስጢፋኖስ በከሳሾቹ ፊት ሲመሰክር የተናገረውን አስተውሉ፡

39 ለእርሱም አባቶቻችን ሊታዘዙት አልወደዱም፤ ነገር ግን ገፉት በልባቸውም ወደ ግብፅ ተመለሱ፤

40 አሮንንም፦ በፊታችን የሚሄዱ አማልክት ሥራልን፤ ይህ ከግብፅ ምድር ያወጣን ሙሴ ምን እንደ ሆነ አናውቅምና አሉት።

41 በዚያም ወራት ጥጃ አደረጉ ለጣዖቱም መሥዋዕት አቀረቡ፥ በእጃቸውም ሥራ ደስ አላቸው።

42እግዚአብሔር ግን ዘወር አለ የሰማይንም ጭፍራ ያመልኩ ዘንድ አሳልፎ ሰጣቸው፥ በነቢያትም መጽሐፍ፦ እናንተ የእስራኤል ቤት፥ አርባ ዓመት በምድረ በዳ የታረደውን ከብትና መሥዋዕትን አቀረባችሁልኝን?

43 ትሰግዱላቸውም ዘንድ የሠራችኋቸውን ምስሎች እነርሱንም የሞሎክን ድንኳንና ሬምፉም የሚሉትን የአምላካችሁን ኮከብ አነሣችሁ፤ እኔም ከባቢሎን ወዲያ እሰዳችኋለሁ ተብሎ እንዲህ ተጽፎአል። (ሐዋሪያት ሥራ 7)

 

እስጢፋኖስ አባቶቻቸው ጌታን ለመታዘዝ ፈቃደኛ አለመሆናቸውን እና በግትርነት ወደ ግብፅ መመለስ ይናፍቁ እንደነበር ለሚሰሙት ያካፍል ነበር አንድ እውነተኛውን አምላክ ክደው በምትኩ የጥጃ አምላክን አመለኩ ውጤቱ እግዚአብሔር ግን ዘወር አለ የሰማይንም ጭፍራ ያመልኩ ዘንድ አሳልፎ ሰጣቸው፥(ቁጥር 42) ይላል ይህ በመጨረሻ እስራኤል አገሯን እና የነበራትን ሁሉ ወዳጣችበት ወደ ባቢሎን እንድትሰደድ ምክንያት ሆኗል (ቁጥር 43) ይህ የሆነበት ምክንያት የጌታን ምክር በመቃወማቸው እና እርሱን ስለ ገፉት ነው (ቁጥር 39)

ጳውሎስ በኤፌሶን 4 ላይ ስለማያምኑ አህዛብ የተናገረውን እንመልከት፡

17እንግዲህ አሕዛብ ደግሞ በአእምሮአቸው ከንቱነት እንደሚመላለሱ ከእንግዲህ ወዲህ እንዳትመላለሱ እላለሁ በጌታም ሆኜ እመሰክራለሁ።

18 እነርሱ ባለማወቃቸው ጠንቅ በልባቸውም ደንዳንነት ጠንቅ ልቡናቸው ጨለመ፥ ከእግዚአብሔርም ሕይወት ራቁ፤

19 ደንዝዘውም በመመኘት ርኵሰትን ሁሉ ለማድረግ